07-Jul-2021

ସୋନପୁର (ମନୋରଞ୍ଜନ ତ୍ରିପାଠୀ) : ଆଜି ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ତଥା ଅନ୍ତର୍ଜାତୀୟ ସ୍ତରରେ  ଖ୍ୟାତି ସମ୍ପନ୍ନ, ଖୁବ ପରିଚିତ ଓ ସଫଳ  କ୍ରିକେଟର  ମହେନ୍ଦ୍ର ସିଂହ ଧୋନି ଙ୍କ ୪୦ ତମ ଜନ୍ମ ଦିନ ଉପଲକ୍ଷେ ସୁବର୍ଣ୍ଣପୁର ର  ବିଶିଷ୍ଟ  ଧୋନି ପ୍ରଶଂସକ ଦିନେଶ ମିଶ୍ର ଏବଂ  ଧୋନି ଙ୍କ ଅନ୍ୟାନ୍ୟ ପ୍ରଶଂସକ ମାନଙ୍କ ପ୍ରଚେଷ୍ଟା ରେ ଆଜି ପିନାକିନୀ ପୋଲି କ୍ଲିନିକ୍ ସୋନପୁର  ଠାରେ ଏକ ମେଗା  ରକ୍ତ ଦାନ ଶିବିର ଅନୁଷ୍ଠିତ ହୋଇଥିଲା  l  ଏହି ରକ୍ତଦାନ ଶିବିର ରେ ଧୋନି ଙ୍କ ୪୦ ତମ ଜନ୍ମ ଦିବସ ପାଳନ ହୋଇଥିବା ରୁ ୪୦ ୟୁନିଟ ରକ୍ତ ମଧ୍ୟ ସହର ତଥା  ଜ଼ିଲ୍ଲା ର ବିଭିନ୍ନ ଅଂଚଳ ର

ଧୋନି ପ୍ରଶଂସକ (ଯୁବକ ଯୁବତୀ ) ଙ୍କ ଠାରୁ   ରକ୍ତ ସଂଗ୍ରହ କରାଯାଇଥିଲା । ଏହି ରକ୍ତ ଦାନ ଶିବିର କୁ  ସୁବର୍ଣ୍ଣପୁର ଜ଼ିଲ୍ଲାପାଳ  ଶ୍ରୀମତୀ ଅବୋଲି ସୁନିଲ ନରୱେଣେ  IAS  ମୁଖ୍ୟ ଅତିଥି  ଭାବେ ଯୋଗ ଦେଇ ଉଦଘାଟନ କରିଥିବା ବେଳେ ସମ୍ମାନିତ ଅତିଥି ଭାବେ ଏସ ପି ଶ୍ରୀ ସୀତାରାମ ସତପଥି,  ଏଡ଼ିଏମ  ଶ୍ରୀ ସୂର୍ଯ୍ୟ ନାରାୟଣ ଦାସ , ଅମରେନ୍ଦ୍ର ପାଣିଗ୍ରାହୀ , (ରିଜର୍ଭ ଇନ୍ସପେକ୍ଟର)  ଏବଂ କେ ବର୍ଷା ଦେବୀ ଲାଇଫ ଇନ୍ସୁରେନ୍ସ ଏଡଭାଇଜର ସମ୍ମାନିତ ଅତିଥି ଭାବେ ଯୋଗ ଦେଇ ଜ଼ିଲ୍ଲା  ମୁଖ୍ୟ ଡାକ୍ତରଖାନାର ରକ୍ତ ଭଣ୍ଡାର ରେ  ରକ୍ତ ଅଭାବ ଓ   କୋଭିଡ  ଭଳି ଏକ ସଙ୍କଟ ଓ ଅସମୟରେ  ମହାନୁଭଵୀ  ଯୁବକ ଯୁବତୀ ରକ୍ତ ଦାନ ପାଇଁ ସ୍ୱଇଚ୍ଛା ଓ  ଉତ୍କଣ୍ଠା ର ସହ  ଆଗେଇ ଆସିଥିବାରୁ  ସମସ୍ତ ରକ୍ତଦାତା  ଓ 

ଆୟୋଜକଙ୍କୁ  ଉତ୍ସାହିତ ଓ ଭୁୟସୀ ପ୍ରଶଂସା  କରି  ଥିଲେ l  ଏହି ରକ୍ତ ଦାନ ଶିବିରକୁ ସଫଳ କରିବା ପାଇଁ କନେଷ୍ଟବଲ ସଂଘ ସଭାପତି  କୁମୁଦ ମେହେର, ପୁରୁଷୋତ୍ତମ ପାତ୍ର, ଅରବିନ୍ଦ ବାରିକ, ରାଜ୍ୟ ରକ୍ତ ଦାତା ସଂଘ  ର ସଭ୍ୟ ମନୋଜ ପଣ୍ଡା, ସାମ୍ବାଦିକ  ମନୋରଞ୍ଜନ ତ୍ରିପାଠୀ,  ମନୋଜ ସେଠୀ, ଜିତୁ ସାହୁ ,ଜ୍ୟୋତି ମିଶ୍ର, ରୁଦ୍ର ଦାସ, ଓମ୍ ପ୍ରକାଶ ମିଶ୍ର , ରିଆଁଜ ଇସଲାମ ଓ ବିନୋଦ ବଘlର  ପ୍ରମୁଖ ବିଭିନ୍ନ ସମାଜସେବୀ, ପୋଲିସ କର୍ମଚାରୀ ଓ ବଦାନ୍ୟ ବ୍ୟକ୍ତି ସହୋଯୋଗ କରିଥିଲେ l