22-Apr-2021

ଭୁବନେଶ୍ୱର:(ଶୁଭାଶିଷ ନାୟକ)ସମଗ୍ର ଦେଶରେ କରୋନାଭାଇରସର ଦ୍ୱୀତିୟ ଲହରୀ ବ୍ୟାପିବାରେ ଲାଗିଛି । ମହାରାଷ୍ଟ୍ର, ଛତିଶଗଡ଼, ମଧ୍ୟପ୍ରଦେଶ, ଦିଲ୍ଲୀ, ଉତ୍ତରପ୍ରଦେଶ ସମେତ ପ୍ରାୟ ରାଜ୍ୟରେ କରୋନା ସଂକ୍ରମଣ ଦୃତ ଗତିରେ ବଢୁଥିବା ଦେଖିବାକୁ ମିଳୁଛି । ଏପରି ସ୍ଥଳେ ବାହାର ରାଜ୍ୟରେ କାର୍ଯ୍ୟ କରୁଥିବା ପ୍ରବାସୀ ଶ୍ରମିକମାନେ ଫେରିବା ଆରମ୍ଭ କଲେଣି । ଓଡ଼ିଶାର ବହୁ ଲୋକ ସୁରଟ, ମୁ୍ମ୍ବାଇ, ଦିଲ୍ଲୀ, ହାଇଦ୍ରାବାଦ, ବାଙ୍ଗାଲୁର ଭଳି ବଡ ବଡ ସହରରେ କାର୍ଯ୍ୟ କରୁଥିବା ବେଳେ ସେମାନେ ଘର ମୁହାଁ ହେଲେଣି  । ଫଳରେ ଓଡ଼ିଶା ଆସୁଥିବା ପ୍ରାୟ ସମସ୍ତ ଟେନ୍ରେ ସିଟ୍ ଫାଙ୍କା ରହୁ ନ ଥିବା ଦେଖିବାକୁ ମିଳୁଛି । ସ୍ଲିପର  ସିଟ୍ ଆଉ ମିଳୁନାହିଁ । ମାସଟେ ପୂର୍ବରୁ ଯେଉଁମାନେ ଟିକେଟ କାଟିଛନ୍ତି ସେମାନେ ମଧ୍ୟ ବସିବାକୁ ଟ୍ରେନରେ ଜାଗା ପାଉ ନାହାନ୍ତି । କାରଣ ଅଧିକାଂଶ ଲୋକ ୱେଟିଂ ଟିକେଟ କାଟି ଭିଢ ମଧ୍ୟରେ ଠିଆ ହୋଇ ଘରକୁ ପଳାଇ ଆସୁଛନ୍ତି । ଏପଟେ ଓଡ଼ିଶାରୁ ବାହାର ରାଜ୍ୟକୁ ଯାଉଥିବା ଟ୍ରେନ୍ ଗୁଡିକରେ ସିଟ୍ ଫାଙ୍କା ପଡୁଥିବା ଦେଖିବାକୁ ମିଳୁଛି । ଏପରିକି ସଂଗ୍ରକ୍ଷିତ ତଥା ରିଜର୍ଭଭେସନ ସିଟ୍ ମଧ୍ୟ ପୁରା ହେଉ ନ ଥିବା ଦେଖିବାକୁ ମିଳୁଛି  ।