13-Apr-2021

ପୁଇଁତଳା, ଗତ ଏପ୍ରିଲ ୧ଠ ତାରିଖ ଜଳ ସଂସାଧନ ଦିବସକୁ ମନେ ପକାଇ ଛାତ୍ରଛାତ୍ରୀଙ୍କୁ ଜଳ ସଂରକ୍ଷଣ ଜରୁରୀ ଓ ତାର ବ୍ୟବହାର ଉପରେ ଏକ ଆଲୋଚନା ସଙ୍ଗକୁ ଏକ ପ୍ଲାଷ୍ଟିକ ବର୍ଜନ କର୍ମଶାଳା ଅନୁଷ୍ଠିତ ହୋଇଥିଲା । ବିଦ୍ୟାଳୟରେ ପଢ଼ୁଥିବା ୨ଠଠଜଣ ଛାତ୍ରଛାତ୍ରଙ୍କ ମଧ୍ୟରେ କରୋନା କଟକଣାତଥା ସରକାରୀ ନିୟମାନୁଯାୟୀ କେବଳ ୨୧ ଜଣ ଛାତ୍ରଛାତ୍ରୀଙ୍କୁ ପ୍ରଥମେ ଜାମଗାଁ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ କରୋନା ପରୀକ୍ଷା କରାଯାଇ ସେଥି ମଧ୍ୟରୁ ୫ଠ ଜଣକୁ ନେଇ ସମଦୂରତା ମାନି କର୍ମଶାଳା ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବରେ ସହକାରୀ କୃଷି ଅଧିକାରୀ ଜଗବନ୍ଧୁ ପଟେଲ ଯୋଗ ଦେଇ ଜଳର ବ୍ୟବହାର ଓ ତାର ସଂଚାଳନ ଉପରେ ଆଲୋଚନା କରିଥିଲେ । ଆଗାମୀ ବଂଶଧରଙ୍କ ପାଇଁ ଜଳ ସଂରକ୍ଷଣ ଜରୁରୀ ବୋଲି କହିବା ସହ ପ୍ଲାଷ୍ଟିକ ବ୍ୟବହାରର ଭୟାବହତା ଉପରେ ଆଲୋକପାତ କରିଥିଲେ ।  ବରିଷ୍ଠ ଶିକ୍ଷକ ଅମରଦୀପ ପାଣିଗ୍ରାହୀ ଅତିଥି ପରିଚୟ ପ୍ରଦାନ କରିଥିବା ବେଳେ ପ୍ରକୃତି ବନ୍ଧୁ ଶିକ୍ଷକ ଦିଗାମ୍ବର ନାଏକ ଧନ୍ୟବାଦ ଅର୍ପଣ କରିଥିଲେ । ପ୍ରଧାନ ଶିକ୍ଷକ ସୁବାଷ ଚନ୍ଦ୍ର ପଣ୍ଡା ସଭାରେ ସଭାପତିତ୍ୱ କରିଥିଲେ ।ଶେଷ ପର୍ଯ୍ୟାୟରେ ଛାତ୍ରଛାତ୍ରୀ ମାନେ ରାସ୍ତା କଡ, ବିଦ୍ୟାଳୟ ପରିସର ଓ ଖେଳ ପଡିଆରେ ଥିବା ପ୍ଲାଷ୍ଟିକକୁ ସଂଗ୍ରହ କରି ଏକ ପିଟ୍ ଭିତରେ ପକାଇ ପରିବେଶ ସଚେତନତା ବାର୍ତ୍ତା ଦେଇଥିଲେ । ଉକ୍ତ କାର୍ଯ୍ୟକ୍ରମରେ ଶିକ୍ଷକ ପ୍ରମୋଦ ହୋତା, ଆନନ୍ଦ ସାହୁ, ସୁରେନ୍ଦ୍ର ନାଏକ, ରାମ କୁମାର ରାଉତ, ସୌଭାଗ୍ୟ ପୂଜାରୀ, ସୁକଦେବ ପଟେଲ, ନକୁଳ ନାଏକ, ରଘୁନାଥ ପଟେଲ ଓ ସତ୍ୟ ବଗର୍ତ୍ତି ପ୍ରମୁଖ ସହଯୋଗ କରିଥିଲେ ।