30-Nov--0001

ଭୁବନେଶ୍ୱର :  (ଶୁଭାଶିଷ ନାୟକ)ରାଜ୍ୟରେ ହୁ ହୁ ହୋଇ ବଢି ଚାଲିଛି କରୋନା । କରୋନାର ଦ୍ୱିତୀୟ ଲହର ଯୋଗୁ ପୁଣିଥରେ ରାଜ୍ୟ ସରକାର କରୋନା କଟକଣାକୁ କଡକଡି କରିଛନ୍ତି । ଜନଗହଳିପୂର୍ଣ୍  ଅଞ୍ଚଳରେ ସାମାଜିକ ଦୂରତା ରକ୍ଷା କରିବା ସହ ମାସ୍କ ପରିଧାନ କରିବା ପାଇଁ ଲୋକଙ୍କୁ ବୁଝା ଯାଉଛି । ଯିଏ ମାସ୍କ ନପିନ୍ଧି ସାମାଜିକ ଦୂରତା ରକ୍ଷା ନକରୁଛନ୍ତି ତାଙ୍କଠୁ ମୋଟା ଅଙ୍କର ଜରିମାନା ଆଦାୟ କରାଯଉଛି । ତେବେ ଟ୍ରାଫିକ ନିୟମ ମାନୁନଥିବା ଗାଡି ଚାଳକଙ୍କୁ ଧରିବା ପାଇଁ ରାଜଧାନୀର ଛକମାନଙ୍କରେ ଲଗାଯାଇଥିବା ସିସି କ୍ୟାମେରା ଦ୍ୱାରା କୋଭିଡ ଯାଞ୍ଚ ମଧ୍ୟ କରାଯିବ । ସିସିଟିଭିରେ ଯେଉଁମାନେ କୋଭିଡ ନିୟମ ଉଲଙ୍ଘନ କରୁଥିବାର ଦେଖିବାକୁ ମିଳିବ ସେଠାକୁ ପିସିଆର ଭ୍ୟାନ ଅବା ଯାଞ୍ଚ ପାଇଁ ମୁତୟନ ଥିବା ଫୋର୍ସଙ୍କୁ ପଠାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଡିସିପି ଉମାଶଙ୍କର ଦାସ କହିଛନ୍ତି ।