16-Mar-2021

ଭୁବନେଶ୍ୱର,(ପ୍ରେରଣା ଖବର) :ନିଶାରେ ମସଗୁଲ ଯୁବତୀ । ପାଟିରୁ ବାହାରୁଛି ଅନର୍ଗଳ ଗାଳି । ଅସଭ୍ୟ ଭାଷାରେ ପୁରୁଷ ବନ୍ଧୁଙ୍କ ସହ ହେଉଛନ୍ତି କଥାବାର୍ତ୍ତା । ଶୁଣି ନହେଲା ଭଳି ଭାଷା କହୁଛନ୍ତି । ଜଣେ ଯୁବଚତୀଙ୍କ ଏପରି ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । ମୋବାଇଲରୁ ମୋବାଇଲକୁ ଘୁରି ବୁଲୁଛି । ଯାହାକୁ ନେଇ ଚର୍ଚ୍ଚା ଜୋର୍ ଧରିଛି ।

ତମ ପୁଅ ପୁଅ, ଆଉ ମୋ ପୁଅ … । ତା ସାଙ୍ଗକୁ ଦୁଇ ଅକ୍ଷରିଆ ଅସଭ୍ୟ ଭାଷା । ନାଲି ପାଣି ପିଇ ମସଗୁଲ ଜଣେ ନବାଗତ ଓଲିଉଡ୍‌ ନାୟିକାଙ୍କ ଏମିତି ଏକ ଭିଡିଓ କ୍ଲିପ୍‌ ଭାଇରାଲ୍‌ ହୋଇଛି । ଭିଡିଓଟି ମୋବାଇଲରୁ ମୋବାଇଲ୍‌ ଘୁରି ବୁଲୁଛି । ୧ ମିନିଟ୍‌ ୮ ସେକେଣ୍ଡର ଏହି ଭିଡିଓଟି ଏବେ ସୋସିଆଲ ମିଡିଆରେ ଚହଳ ପକାଇଛି । ଭିଡିଓରେ ନବାଗତ ନାୟିକାଙ୍କ ସହ କିଛି ପୁରୁଷ ବନ୍ଧୁ ଥିବା ଜଣାପଡିଛି ।

ଉକ୍ତ ଭିଡିଓଟିକୁ ପରଖିଲେ ଜଣାପଡୁଛି, ଏକ ହୋଟେଲ ରୁମ୍‌ ଭିତରେ ଭିଡିଓଟି ବନାଯାଇଛି । ସେଠାରେ ତାଙ୍କର ୪-୫ଜଣ ମହିଳା-ପୁରୁଷ ବନ୍ଧୁ ଅଛନ୍ତି । ନାୟିକା ଜଣଙ୍କ ହାତରେ ସିଗାରେଟ୍‌ ଖଣ୍ଡେ ଧରି ଖଟକୁ ଆଉଜି ପଡ଼ିଛନ୍ତି । ହାବଭାବରୁ ଜଣା ପଡୁଛି ନାୟିକା ଜଣକ ନାକ ଯାଏଁ ମଦ ପିଇଛନ୍ତି । ଆଉ ତାଙ୍କ ନିକଟରେ ଜଣେ ପୁରଷ ବନ୍ଧୁ ଶୋଇଥିବା ବେଳେ ଅନ୍ୟ ଜଣେ ଗୋଡ଼ ପାଖରେ ବସିଛନ୍ତି ।

ଭିଡିଓଟି ଅନ୍ୟ ଜଣେ ଲେଡି ସାଥୀ ସୁଟିଂ କରୁଥିବା ଜଣାପଡୁଛି । କିଛି ପୁରୁଷ ସାଥୀ ତାଙ୍କୁ ଏମିତି କହିବାକୁ ଉସକାଉଛନ୍ତି । ଭିଡ଼ିଓରେ ନାୟିକା ଜଣଙ୍କ କଥା କଥାରେ ଅତ୍ୟନ୍ତ ଅସଭ୍ୟ ଭାଷାରେ ଗାଳିଗୁଲଜ କରୁଛନ୍ତି । ଏପରି କି ହିନ୍ଦୀ, ଓଡିଆ, ଏବଂ ଇଂରାଜୀ ଭାଷା ଉଗାଳୁଛନ୍ତି । ମତେ ନିଶା ହେଲେ ମୁଁ କାନ୍ଦେ… । ମଝିରେ ମଝିରେ ବଲିଉଉଡ୍‌ ଗୀତର ତାଳେ ତାଳେ ହାଲ୍‌କା ନାଚ ବି ହେଉଥିବା ଭିଡିଓରେ ଦେଖିବାକୁ ମିଳିଛି ।

ଅଭିନେତ୍ରୀ ଜଣଙ୍କ କହୁଛନ୍ତି ନିଶା ତ ହୋଇଛି, ହେଲେ ବାପାଙ୍କୁ ଦେଖିଲେ ନିଶା ଆପେ ଆପେ ଛାଡି଼ ଯିବ… । ସେପଟେ ସମ୍ପୃକ୍ତ ନବାଗତ ନାୟିକାଙ୍କ ଏକ ୱେବସିରଜ୍‌ ଏକ ଘରୋଇ ଟେଲିଭିଜନରେ ପ୍ରସାରିତ ହୋଇଥିବା ଜଣାପଡିଛି । ସେଥିରେ ସେ ଜଣେ ଚର୍ଚ୍ଚିତ ନାୟିକାଙ୍କ ଭଉଣୀ ଭୂମିକା ନଜର ଆଶିଛନ୍ତି ।