15-Oct-2020

ବଲାଙ୍ଗୀର,15/10  -ବଲାଙ୍ଗୀର ଜିଲ୍ଲା ସଦରମହକୁମା ଡାକ୍ତରଖାନାକୁ ଉନ୍ନତ କରାଯାଇ ମେଡିକାଲକଲେଜ ହସପିଟାଲ କରାଯାଇଛି । ଏଠାରେ ବିଭିନ୍ନ ରୋଗର ନୀଦାନ ସହିତ ଡାକ୍ତରଙ୍କ ପରାମର୍ଶ ପାଇଁ ସରକାର ବ୍ୟବସ୍ଥା କରିଛନ୍ତି । କିନ୍ତୁ କର୍ମଚାରୀଙ୍କ ମନମୁଖି କାର୍ଯ୍ୟ ଯୋଗୁଁ ଲୋକମାନେ ବହୁ ଅସୁବିଧାର ସମ୍ମୁଖିନ ହେଉଥିବା ଅଭିଯୋଗ ହେଉଛି । ଭୀମଭୋଇ ମେଡିକାଲକଲେଜ ହସପିଟାଲରେ ଥିବା ସିଟିସ୍କାନ ବିଭାଗରେ କେତେକ କନଟ୍ରାକଚୁଆଲ କର୍ମଚାରୀଙ୍କ ଇଚ୍ଛା ମୁତାବକ କାମ ହେଉଥିବାରୁ ଜନଅସନ୍ତୋଷ ବଢୁଛି । ସିଟି ସ୍କାନ ବିଭାଗ ପରିଚାଳନା ପାଇଁ ବାହାରର ଏକ ଏଜେନ୍ସୀ ଦାୟୀତ୍ୱ ଦିଆଯାଇଛି  ଓ ବିଶ୍ୱଜିତ ନନ୍ଦ ନାମକ ଜଣେ କର୍ମଚାରୀ ଏହାର ଦାୟୀତ୍ୱରେ ରହିଛନ୍ତି । ତେବେ ଜିଲ୍ଲାର କିମ୍ବା ସହର ବାହାରୁ ଆସୁଥିବା ରୋଗୀମାନଙ୍କୁ ଠିକରେ ସହଯୋଗ କରାଯାଉ ନାହିଁ । ଏଠାରେ ଦିନବେଳା ଛାତିର ସିଟିସ୍କାନ କରାଯାଉ ନାହିଁ । ଏବେ କରୋନା ସମୟରେ ଅନେକ ରୋଗୀଙ୍କର ଛାତିର ସିଟି ସ୍କାନ କରାଇବାକୁ ଡାକ୍ତର ପରାମର୍ଶ କରୁଛନ୍ତି । ତେବେ ସୁରକ୍ଷା ଦୃଷ୍ଟିରୁ ପଜିଟିଭ ଥିବା ରୋଗୀଙ୍କର ରାତି ୧୦ପରେ ସିଟି ସ୍କାନ କରାଯାଉଛି । କିନ୍ତୁ ଯେଉଁମାନେ ହସପିଟାଲରେ କିମ୍ବା ହୋମ ଆଇସୋଲେସନରେ ରହି ଆରୋଗ୍ୟ ଲାଭ କରୁଛନ୍ତି ଓ ତାପରେ ଛାତିର ଚିଟିସ୍କାନ କରିଯାଉଛନ୍ତି ସେମାନଙ୍କୁ ହଇରାଣ କରାଯାଉଛି । ସେମାନଙ୍କୁ କରୋନା ନେଗେଟିଭ ବୋଲି ରିପୋର୍ଟ ଆଣ ନହେଲେ ଛୁଇଁବୁ ନାହିଁ ବୋଲି କହିବା ସହିତ ନହେଲେ ରାତି ୧୦ଟା ପରେ ପଜିଟିଭ ବାଲାଙ୍କ ସହିତ କରାଯିବ ବୋଲି କହୁଛନ୍ତି । ସେହିପରି କର୍ମଚାରୀମାନେ ସିଟିସ୍କାନ ପାଇଁ ଆସୁଥିବା ଲୋକଙ୍କୁ ଠିକରେ ସମୟ କହୁନାହାଁନ୍ତି ଓ କି ଠିକରେ ବ୍ୟବହାର କରୁନାହାଁନ୍ତି । ସେପଟେ ସ୍ୱାସ୍ଥ୍ୟ ବିଭାଗ କାହାକୁ ନେଗେଟିଭ ରିପୋର୍ଟ ଦେଉନାହାଁନ୍ତି । କେବଳ ଏକ ଡିସଚାର୍ଜ ସ୍ଲିପ ଦେଉଛନ୍ତି ଓ ଏହାକୁ ଦେଖାଇଲେ ହସପିଟାଲରେ ଅସୁବିଧା ନାହିଁ ବୋଲି କହୁଛନ୍ତି । ଖୋଦ ହସପିଟାଲ ଅଧିକ୍ଷକ ଡିସଚାର୍ଜ ସ୍ଲିପଥିଲେ ଓ ୧୪ଦିନ ପରେ କୌଣସି ଅସୁବିଧା ନାହିଁ କହୁଥିବା ବେଳେ ସିଟି ସ୍କାନ ବିଭାଗରେ ଅଧିକ୍ଷକଙ୍କ କଥାକୁ ଉଡାଇ ଦିଆଯାଉଛି । ବହୁରୋଗୀ ଅସୁବିଧାର ସମ୍ମୁଖିନ ହେଉଥିବାରୁ ତୁରନ୍ତ ଏନେଇ ହସପିଟାଲ କତ୍ତୃପକ୍ଷ ପଦକ୍ଷେପ ନେବାକୁ ଦାବୀ ହେଉଛି । ଏନେଇ ହସପିଟିଲାର ଅଧିକ୍ଷକ ଡ.ମହେନ୍ଦ୍ରକୁମାର ମହାପାତ୍ରଙ୍କୁ ପଚାରିବାରୁ ଏନେଇ ଏହାକୁ ଚଳାଉଥିବା ଏଜେନ୍ସୀକୁ ଡାକି ତାଗିଦ କରାଯିବ ବୋଲି କହିଛନ୍ତି ।