13-Oct-2020

ଖଣ୍ଡପଡା, ନୟାଗଡ ,୧୩/୧୦-(ପ୍ରଦୀପ କୁମାର ପାଣ୍ଡ|)- ନୟାଗଡ ଜିଲ୍ଲା ପଠାଣି ସାମନ୍ତଙ୍କ ମାତୃଭୂମି ଖଣ୍ଡପଡା ସହରରେ 1905ମସିହାରୁ କାର୍ଯ୍ୟକାରୀ ହୋଇଆସୁଥିଲା ଜେଲ ରୋଡ଼ରେ ଅବସ୍ଥିତ ଟାଉନ ବାଳିକା ପ୍ରାଥମିକ ବିଦ୍ୟାଳୟ  |ସରକାରଙ୍କ ନିୟମ ଅନୁଯାଇ କମ ଉପସ୍ଥାନ ବିଶିଷ୍ଟ ବିଦ୍ୟାଳୟ ଗୁଡିକର ତାଲିକା ମଧ୍ୟରେ ଏହି ବିଦ୍ୟାଳୟ ଟି ସ୍ଥାନ ପାଇସାରିଛି| ତେଣୁ 2020-21ଶିକ୍ଷା ବର୍ଷରେ ଖଣ୍ଡପଡା ଟାଉନ ବାଳିକା ପ୍ରାଥମିକ ବିଦ୍ୟାଳୟ  କୁ ବନ୍ଦ କରାଯାଇ ରାମଚନ୍ଦ୍ର ଉଚ୍ଚ ବିଦ୍ୟାଳୟ ସହିତ ମିଶ୍ରଣ କରାଯାଇଛି | ନୟାଗଡ଼ଖଣ୍ଡପଡା ବ୍ଲକର ଶିକ୍ଷାଧିକାରୀ ଙ୍କ କାର୍ଯ୍ୟାଳୟ ତରଫରୁ ମିଳିଥିବା ସୂଚନା ଅନୁଯାଇ ଉକ୍ତ ବିଦ୍ୟାଳୟ ର ଶିକ୍ଷାର୍ଥୀ ଙ୍କ ଉପସ୍ଥାନ ସରକାରୀ ଗାଇଡ଼ଲାଇନ ହିସାବରେ କମିଥିବାରୁ ବିଦ୍ୟାଳୟ ମିଶ୍ରଣ ପ୍ରକ୍ରିୟା କରାଯାଇଛି |ବିଦ୍ୟାଳୟ କତୃପକ୍ଷ ସରକାରୀ ନିୟମକୁ ମାନି ବିଦ୍ୟାଳୟରେ ତାଲାପକେଇ ଥିବା କଥା ସ୍ୱୀକାର କରିଛନ୍ତି | ସୂଚନା ମୁତାବକ ଶ୍ରେଣୀ ଗୃହ ଗୁଡିକ ତାଲାପଡି ରହିଥିବା ବେଳେ ବିଦ୍ୟାଳୟ ର ମୁଖ୍ୟ ଫାଟକ ଟି ଖୋଲା ପଡିଛି ଏହାର ସୁଯୋଗ ନେଇ ଭଦ୍ରମୁଖା ପିନ୍ଧା ମଦ୍ୟପ ମାନେ ଟାଉନ ବାଳିକା ପ୍ରାଥମିକ ବିଦ୍ୟାଳୟ ଟିକୁ ଓପନଏୟାର ବାର  ବନେଇ ରଖିଥିବା ଜନସାଧାରଣ ରେ ବେସ ଚର୍ଚ୍ଚାର ବିଷୟ ପାଲଟିଛି | ବେଳେ ବେଳେ ଭୋଜି ଭାତ ର ଆସର ମଧ୍ୟ୍ୟ ଜମୁଥିବା ଦୃଷ୍ଟି ଗୋଚର ହେଉଛି | ପୋଲିସ ପେଟ୍ରୋଲିଙ୍ଗ ର ଦୃଷ୍ଟି ଆଢ଼ୁଆଳ ରେ ମଦ୍ୟପ ମାନେ ବିଦ୍ୟାଳୟ ବାରଣ୍ଡା ତଥା ପରିସରରେ ଆଡା ଜମାଉଥିବା ବେଳେ ମଦବୋତଲ, ଗ୍ଲାସ, ଖଲି, ଠୁଙ୍ଗା ଏବଂ ଅନେକ ପ୍ଲାଷ୍ଟିକ ବର୍ଜ୍ୟବସ୍ତୁ ରେ ଉକ୍ତ ବିଦ୍ୟାଳୟ ପରିସରକୁ ଦୂଷିତ କରୁଛନ୍ତି | ପ୍ରକାଶଥାଉକି ଏହି ସର୍ବପୁରାତନ ଟାଉନ ବାଳିକା ପ୍ରାଥମିକ ବିଦ୍ୟାଳୟଟିର ଉର୍ନ୍ନତିକରଣ ରେ ଲକ୍ଷ ଲକ୍ଷ ସରକାରୀ ଅର୍ଥ ବ୍ୟୟ ହୋଇଥିବା ବେଳେ କର୍ତ୍ତୃପକ୍ଷ ଙ୍କ ଅବହେଳିତ କାର୍ଯ୍ୟ ହେତୁ ବର୍ତମାନ ଏହା ମଦ୍ୟପ ମାନଙ୍କ ପାଇଁ ଏକ ସୁରକ୍ଷିତ ସ୍ଥାନ ଭାବେ ପରିଗଣିତ ହୋଇଛି ବୋଲି ଅଞ୍ଚଳ ରେ ତୀବ୍ର ପ୍ରତିକ୍ରିୟା ଦେଖାଦେଇଛି | ଉକ୍ତ ବିଦ୍ୟାଳୟ ର ରକ୍ଷଣାବେକ୍ଷଣ ଦିଗରେ ସ୍ଥାନୀୟ ତଥା ଜିଲ୍ଲା ପ୍ରଶାସନ ଏବଂ ଶିକ୍ଷା ବିଭାଗ ଉଚ୍ଚ କର୍ତ୍ତୃପକ୍ଷ ଯୁଦ୍ଧ କାଳୀନ ଭିତିରେ ଦୃଷ୍ଟି ଦେବାପାଇଁ ଜନସାଧାରଣ ରେ ଦାବି ହେଉଛି |