20-Sep-2026

ନବରଙ୍ଗପୁର :(ପ୍ରିୟଦର୍ଶିନୀ ପାତ୍ର) ରବିବାର ଦିନ ଦାବୁଗାଁ ବ୍ଲକର ମୋଟ ୧୦୫ଟି ପରୀକ୍ଷା କେନ୍ଦ୍ରରେ ନବଭାରତ ସାକ୍ଷରତା କାର୍ଯ୍ୟକ୍ରମ (NILP) – ULLAS ର ପ୍ରଥମ ଆକଳନ ସୁଚାରୁ ଓ ସଫଳତାର ସହ ଅନୁଷ୍ଠିତ ହୋଇଯାଇଛି।
ଏହି ଆକଳନ କାର୍ଯ୍ୟକ୍ରମଟି  ଡାବୁଗାଁ ଗୋଷ୍ଠୀ ଶିକ୍ଷାଧିକାରୀ ଶ୍ରୀମତୀ ରଶ୍ମିତା ନେତାମ୍ ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ସୁଚାରୁ ଭାବେ ପରିଚାଳିତ ହୋଇଥିଲା।
ଉକ୍ତ ଆକଳନରେ ସମୁଦାୟ ୪୧୦୪ ଜଣ ପରୀକ୍ଷାର୍ଥୀ ଅଂଶଗ୍ରହଣ କରିଥିଲେ। ସେଥିମଧ୍ୟରୁ ପୁରୁଷ – ୧୭୭୩ ଜଣ ଏବଂ ମହିଳା – ୨୩୩୧ ଜଣ ପରୀକ୍ଷା ଦେଇଥିଲେ।ଉକ୍ତ ଆକଳନ କାର୍ଯ୍ୟକ୍ରମକୁ ଗୋଷ୍ଠୀ ଶିକ୍ଷାଧିକାରୀ ଶ୍ରୀମତୀ ରଶ୍ମିତା ନେତାମ୍, ସହକାରୀ ଗୋଷ୍ଠୀ ଶିକ୍ଷାଧିକାରୀ ଶ୍ରୀ ଭଗବାନ ମାଝୀ, ଶ୍ରୀ ସନ୍ତୋଷ କୁମାର ସାହୁ ଏବଂ ଦାବୁଗାଁ ବ୍ଲକର ସମସ୍ତ ୦୮ ଜଣ CRCC ବିଭିନ୍ନ ପରୀକ୍ଷା କେନ୍ଦ୍ର ପରିଦର୍ଶନ କରି ତଦାରଖ କରିଥିଲେ।
ସମସ୍ତ ପରୀକ୍ଷା କେନ୍ଦ୍ରରେ ଆକଳନ ପ୍ରକ୍ରିୟା ଶୃଙ୍ଖଳିତ, ସୁଚାରୁ ଏବଂ ସଫଳତାର ସହ ସମ୍ପନ୍ନ ହୋଇଥିଲା।