30-Jul-2026

କୁରସୁଡ (ମନୋଜ କୁମାର ଜୈନ) ଲଗାଣ ବର୍ଷା ଯୋଗୁଁ ବିଭିନ୍ନ ନଦୀରେ ବନ୍ୟା ପରିସ୍ଥିତି ଦେଖିବାକୁ ମିଳିଥିବା ବେଳେ ବଲାଙ୍ଗିର ଜିଲ୍ଲା ଟିଟିଲାଗଡ଼ ବ୍ଲକ ଅନ୍ତର୍ଗତ କୁରସୁଡ଼ ଗ୍ରାମ ପଞ୍ଚାୟତ ଅନ୍ତର୍ଗତ କଣ୍ଡରା ଗ୍ରାମର ସ୍ଥିତ ନଦୀରେ ବନ୍ୟାଜଳ ମାଡିଯାଇ ଉକ୍ତ ଗ୍ରାମର ଚାରିଜଣ ବ୍ୟକ୍ତି ନଦୀ ଏବଂ ଗାଁ ନାଳ ମଝିରେ ଫଶି ରହିଥିଲେ । ଖବର ପାଇ କୁରସୁଡ ସରପଞ୍ଚ ପ୍ରତିନିଧି ନିମାଇଁ ଚରଣ ବେହେରା ଓ ସାଂସଦ ପ୍ରତିନିଧି ମୁକେଶ କୁମାର ଜୈନ ଘଟଣା ସ୍ଥଳରେ ପହଞ୍ଚି ଟିଟିଲାଗଡ ଉପଜିଲ୍ଲାପାଳ ପଦ୍ମନାଭ ସାମନ୍ତରାୟ, ତହସିଲଦାର ଶଙ୍କର ବାଗ, ଗୋଷ୍ଠୀ ଉନ୍ନୟନ ଅଧିକାରୀ ଚନ୍ଦ୍ରମଣୀ  ନାଗଙ୍କୁ ଯୋଗାଯୋଗ କରିଥିଲେ । ବଲାଙ୍ଗିର ଓଡ଼୍ରାଫ୍ ଟିମ୍ ପହଞ୍ଚି ବିଳମ୍ବିତ ରାତ୍ରି ପର୍ଯ୍ୟନ୍ତ ବହୁ ଚେଷ୍ଟା କରି ସମସ୍ତଙ୍କୁ ସୁରକ୍ଷିତ ଉଦ୍ଧାର କରିଥିଲେ । କଣ୍ଡରା ଗ୍ରାମ ୱାର୍ଡ ସଭ୍ୟ ଏବଂ ଗ୍ରାମବାସୀ ଯୁବଗୋଷ୍ଠୀ ସଚେତନ ନାଗରିକ ମାନେ ସହଯୋଗ କରିଥିଲେ । ଖବର ପାଇବା ମାତ୍ରେ ଟିଟିଲାଗଡ଼ ପ୍ରଶାସନିକ ଅଧିକାରୀ ମାନେ ତୁରନ୍ତ ପଦକ୍ଷେପ ନେଇ ରାତ୍ରି  ପର୍ଯ୍ୟନ୍ତ ଘଟଣା ସ୍ଥଳରେ ରହି ଉଦ୍ଧାର କାର୍ଯ୍ୟ ତଦାରଖ କରିଥିବାରୁ ଗ୍ରାମବାସୀ ବହୁତ ବହୁତ ଧନ୍ୟବାଦ ଜ୍ଞାପନ କରିଛନ୍ତି  ।