25-Jul-2026

ନିଟ୍-ୟୁଜି (NEET-UG)ପରୀକ୍ଷାରେ ପ୍ରଶ୍ନପତ୍ର ଲିକ୍ ଓ ଅନିୟମିତତାକୁ କେନ୍ଦ୍ର କରି ଦେଶବ୍ୟାପୀ ଛାତ୍ର ଆନ୍ଦୋଳନ ମଧ୍ୟରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନିଜ ପଦରୁ ଇସ୍ତଫା ଦେଇଛନ୍ତି।ଶନିବାର ସେ ପ୍ରଧାନମନ୍ତ୍ରୀଙ୍କୁ ଇସ୍ତଫା ପତ୍ର ପଠାଇଥିବା ସହ ସୋସିଆଲ୍ ମିଡିଆରେ ଏହାର ସୂଚନା ଦେଇଛନ୍ତି।
ଗତ କିଛି ସପ୍ତାହ ଧରି ଜନ୍ତର୍ ମନ୍ତର୍ ସମେତ ଦେଶର ବିଭିନ୍ନ ସ୍ଥାନରେ ନିଟ୍ ପରୀକ୍ଷାରେ ହୋଇଥିବା କଥିତ ଅନିୟମିତତା ବିରୋଧରେ ହଜାର ହଜାର ଛାତ୍ରଛାତ୍ରୀ ବିକ୍ଷୋଭ ପ୍ରଦର୍ଶନ କରୁଥିଲେ।ବିକ୍ଷୋଭ ସମୟରେ ପୋଲିସର ମାତ୍ରାଧିକ ବଳ ପ୍ରୟୋଗ ଅଭିଯୋଗ ମଧ୍ୟ ଉଠିଥିଲା,ଯାହାକୁ ନେଇ ସରକାରଙ୍କ ଉପରେ ଚାପ ବଢ଼ିଥିଲା।
ଇସ୍ତଫା ପତ୍ରରେ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ,ଛାତ୍ରଛାତ୍ରୀଙ୍କ ଭବିଷ୍ୟତ ସୁରକ୍ଷିତ ରହିବା,ଜନ୍ତର୍ ମନ୍ତର୍ ଓ ଦେଶର ଅନ୍ୟାନ୍ୟ ସ୍ଥାନର ପରିସ୍ଥିତିକୁ କୌଣସି ଅସାମାଜିକ କିମ୍ବା ରାଷ୍ଟ୍ରବିରୋଧୀ ଶକ୍ତି ଦୁରୁପଯୋଗ ନ କରିବା ଏବଂ ଜାତୀୟ ଏକତା ବଜାୟ ରଖିବା ଉଦ୍ଦେଶ୍ୟରେ ସେ ନୈତିକ ଦାୟିତ୍ୱ ଗ୍ରହଣ କରି ଇସ୍ତଫା ଦେଇଛନ୍ତି।
ଏହି ଇସ୍ତଫାକୁ ଛାତ୍ର ଆନ୍ଦୋଳନର ଏକ ବଡ଼ ସଫଳତା ଭାବେ ଦେଖାଯାଉଥିବା ବେଳେ,ବିରୋଧୀ ଦଳମାନେ ଏହାକୁ ସରକାରଙ୍କ ଜବାବଦେହିତାର ସ୍ୱୀକାରୋକ୍ତି ବୋଲି କହିଛନ୍ତି।ଅନ୍ୟପଟେ, କେନ୍ଦ୍ର ସରକାର ପକ୍ଷରୁ ନିଟ୍ ପରୀକ୍ଷା ବ୍ୟବସ୍ଥାରେ ସଂସ୍କାର ଆଣିବା ଏବଂ ଦୋଷୀଙ୍କ ବିରୋଧରେ କଠୋର ପଦକ୍ଷେପ ନିଆଯିବ ବୋଲି ସଙ୍କେତ ମିଳିଛି।
ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦେଶର ଶିକ୍ଷା ବ୍ୟବସ୍ଥା ଓ ଜାତୀୟ ରାଜନୀତିରେ ଏକ ଗୁରୁତ୍ୱପୂର୍ଣ୍ଣ ମୋଡ଼ ଭାବେ ଦେଖାଯାଉଛି।