23-Jul-2026

ବିନିକା(ହିମାଂଶୁ ଶେଖର ପୁଟେଲ)ଗତ କିଛି ଦିନ ଧରି ସୁବର୍ଣ୍ଣପୁର ଜିଲ୍ଲା ବିନିକା ଅଞ୍ଚଳରେ ଲଗାତାର ବର୍ଷା ଯୋଗୁଁ ସହର ସ୍ଥିତ ଗାନ୍ଧିପଡ଼ା ର  ସୁକାନ୍ତି ବାଗଙ୍କ ମାଟି ଘରର କାନ୍ଥ ଭୁଶୁଡ଼ି ପଡ଼ିଛି। ଘଟଣା ସମୟରେ ଘର ଭିତରେ କେହି ନଥିବାରୁ ଏକ ବଡ଼ ଅଘଟଣ ଟଳିଯାଇଛି। କାନ୍ଥ ଭାଙ୍ଗିଯିବା ପରେ ଘରଟି ସମ୍ପୂର୍ଣ୍ଣ ବିପଦସଙ୍କୁଳ ହୋଇପଡ଼ିଛି। ଅଞ୍ଚଳର ଅନେକ ସ୍ୱଚ୍ଛଳ ପରିବାର ସରକାରୀ ଆବାସ ଯୋଜନାରେ ପକ୍କା ଘର ପାଇଥିବା ବେଳେ ମାଟି ଘରେ ବସବାସ କରୁଥିବା ସୁକାନ୍ତି ବାଗ ଏପର୍ଯ୍ୟନ୍ତ ଏହି ସୁବିଧାରୁ ବଞ୍ଚିତ ଅଛନ୍ତି। ବର୍ଷା ଋତୁରେ ଭଙ୍ଗା ଘରରେ ରହିବାକୁ ବାଧ୍ୟ ହେଉଥିବାରୁ ପରିବାର ମଧ୍ୟରେ ଭୟ ଦେଖାଦେଇଛି। ଘରର କାନ୍ଥ ଭାଙ୍ଗି ପଡ଼ିଥିବା ବେଳେ ଏବେ ସମଗ୍ର ଘର ଭୁଶୁଡ଼ି ପଡ଼ିବାର ଆଶଙ୍କା ରହିଛି। ତୁରନ୍ତ ପ୍ରଶାସନ ପକ୍ଷରୁ କ୍ଷୟକ୍ଷତିର ଆକଳନ କରାଯାଇ ସହାୟତା ଓ ଆବାସ ଯୋଜନାରେ ପକ୍କା ଘର ଯୋଗାଇ ଦେବାକୁ ପରିବାର ଲୋକ ଦାବି କରିଛନ୍ତି।