30-Jun-2026

ବିନିକା(ହିମାଂଶୁ ଶେଖର ପୁଟେଲ)
କ୍ରସର ରୁ ନିର୍ଗତ ପ୍ରଦୂଷଣ ଓ ଧୂଳିଗୁଣ୍ଡ ଯୋଗୁଁ ସ୍ୱାସ୍ଥ୍ୟ ସମସ୍ୟାରେ ଅବନତି ଘଟୁଥିବା   ଅଭିଯୋଗ କରି ଭାଲୁପାଳି ଗ୍ରାମବାସୀ ସୁବର୍ଣ୍ଣପୁର ଜିଲ୍ଲାପାଳଙ୍କ କାର୍ଯ୍ୟାଳୟକୁ ଆସି  ଏକ ଦାବିପତ୍ର ପ୍ରଦାନ କରିଛନ୍ତି।ସୂଚନା ଅନୁସାରେ ଗ୍ରାମ ନିକଟରେ ଥିବା ପଥର କ୍ରସରକୁ ତୁରନ୍ତ ବନ୍ଦ କରିବାକୁ ସେମାନେ ଉକ୍ତ ଦାବିପତ୍ରରେ ଉଲ୍ଲେଖ  କରିଛନ୍ତି ।ଗ୍ରାମବାସୀଙ୍କ କହିବା ଅନୁଯାୟୀ, କ୍ରସରୁ ନିରନ୍ତର ଭାବେ ବାହାରୁଥିବା ଧୂଳି ଯୋଗୁଁ ଗ୍ରାମର ଶିଶୁ,ବୟସ୍କ ଓ ମହିଳାମାନେ ଶ୍ୱାସକ୍ରିୟା, ଆଲର୍ଜି ଓ ଆଖି ରୋଗରେ ପୀଡିତ ହେଉଛନ୍ତି। ଘର ଛାତ,ପରିସର ଓ ଫସଲ ଉପରେ ସବୁବେଳେ ଧୂଳି ଜମୁଛି। ବିସ୍ଫୋରଣ ଓ ପ୍ରଚଣ୍ଡ ଶବ୍ଦ ଯୋଗୁଁ ବଡ ବଡ ଛାତ ଘର ମାନ କ୍ରେଜ୍ ହୋଇ ଫାଟି ଯାଉଛି l  ରାତିରେ ଲୋକଙ୍କ ନିଦ ହଜି ଯାଇଛି । ପାଣି ପ୍ରଦୂଷିତ ହେଉଥିବା ଅଭିଯୋଗ ମଧ୍ୟ କରାଯାଇଛି  
 ନିୟମ ବହିର୍ଭୂତ ଭାବେ ଚାଲୁଥିବା କ୍ରସରକୁ ତୁରନ୍ତ ସିଲ କରାଯିବା ସହିତ ପ୍ରଦୂଷଣ ନିୟନ୍ତ୍ରଣ ବୋର୍ଡ ପକ୍ଷରୁ ସ୍ୱତନ୍ତ୍ର ତଦନ୍ତ କରାଯିବା ପାଇଁ ଗ୍ରାମବାସୀ ଙ୍କ ତରଫରୁ ଦାବିପତ୍ର ପ୍ରଦାନ କରାଯାଇଛି lକ୍ରସର ଯୋଗୁଁ ସ୍ୱାସ୍ଥ୍ୟହାନି ସମସ୍ୟା ଘଟୁଥିବା ବେଳେ ଓ ଫସଲ କ୍ଷତି ମଧ୍ୟ ହେଉଥିବା ଅଭିଯୋଗ ହେଉଛି । ଗ୍ରାମର ଶତାଧିକ ମହିଳା ଓ ପୁରୁଷ ଦାବିପତ୍ର ପ୍ରଦାନ ସମୟରେ ଉପସ୍ଥିତ ଥିଲେ। “ଆମେ ବିକାଶ ବିରୋଧୀ ନୁହେଁ, କିନ୍ତୁ ଜୀବନ ବିନିମୟରେ ବିକାଶ ଚାହୁଁନୁ। ଯଦି କ୍ରସର ବନ୍ଦ ନହୁଏ ତେବେ ଆମେ ଆଗାମୀ ଦିନରେ ଆନ୍ଦୋଳନ କରିବାକୁ ବାଧ୍ୟ ହେବୁ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି।ଦାବିପତ୍ର ଗ୍ରହଣ କରି ଅତିରିକ୍ତ ଜିଲ୍ଲାପାଳ କହିଛନ୍ତି, “ଗ୍ରାମବାସୀଙ୍କ ଅଭିଯୋଗକୁ ଗୁରୁତ୍ୱ ସହ ନିଆଯିବ। ରାଜସ୍ୱ, ପ୍ରଦୂଷଣ ନିୟନ୍ତ୍ରଣ ବୋର୍ଡ ଓ ଖଣି ବିଭାଗର ଅଧିକାରୀଙ୍କୁ ନେଇ ଏକ ଯୁଗ୍ମ ଟିମ ଗଠନ କରାଯାଇ ଘଟଣାର ତଦନ୍ତ କରାଯିବବୋଲି ଆଶ୍ୱାସନା ଦେଇଛନ୍ତି l ନିୟମ ଉଲ୍ଲଂଘନ ହୋଇଥିଲେ କାର୍ଯ୍ୟାନୁଷ୍ଠାନ ହେବ।”ତଦନ୍ତ ରିପୋର୍ଟ ଆସିବା ପରେ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ପ୍ରଶାସନ ପକ୍ଷରୁ କୁହାଯାଇଛି l