02-Jun-2026

ବଲାଙ୍ଗୀର(ପ୍ରେରଣା ଖବର): ଓଡ଼ିଶାର ଶିକ୍ଷା କ୍ଷେତ୍ରରେ ନିରନ୍ତର ସଫଳତାର ନୂଆ ଅଧ୍ୟାୟ ରଚନା କରୁଥିବା ଯୁବୋଦୟ ଶିକ୍ଷାନୁଷ୍ଠାନ ଚଳିତ ବର୍ଷ ଜେଇଇ ଆଡଭାନ୍ସ ପରୀକ୍ଷାରେ ଉଲ୍ଲେଖନୀୟ କୃତିତ୍ୱ ହାସଲ କରି ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଛି। ନିଟ୍ ପରୀକ୍ଷାରେ ଜାତୀୟ ସ୍ତରରେ ସଫଳତାର ଛାପ ଛାଡ଼ିଥିବା ଏହି ଅନୁଷ୍ଠାନ ବର୍ତ୍ତମାନ ଇଞ୍ଜିନିୟରିଂ ପ୍ରବେଶିକା କ୍ଷେତ୍ରରେ ଅନ୍ୟଏକ ନିଜର ଦକ୍ଷତା ପ୍ରମାଣ କରିଛି।
ଲଗାତାର  ଜେଇଇ ଆଡଭାନ୍ସ ପ୍ରସ୍ତୁତି କ୍ଷେତ୍ରରେ ଯୁବୋଦୟ  ଛାତ୍ରଛାତ୍ରୀମାନେ ସର୍ବଭାରତୀୟ ସ୍ତରରେ ଉଲ୍ଲେଖନୀୟ ସ୍ଥାନ ହାସଲ କରିଛନ୍ତି। ପରୀକ୍ଷାରେ ଅଂଶଗ୍ରହଣ କରିଥିବା ଦୁଇ ତୃତୀୟାଂଶ ଛାତ୍ରଛାତ୍ରୀ  ସଫଳତାର ସହ ଯୋଗ୍ୟତା ଅର୍ଜନ କରିଛନ୍ତି। ସେଥିମଧ୍ୟରୁ ଦୁଇ ଜଣ ଛାତ୍ର ଓ ଜଣେ ଛାତ୍ରୀ ୧୦୦୦ ସର୍ବଭାରତୀୟ ରାଙ୍କ ମଧ୍ୟରେ ସ୍ଥାନ ପାଇଥିବା ବେଳେ  ୭ ଜଣ ୧୦ ହଜାର ରାଙ୍କ ଭିତରେ ନିଜ ସ୍ଥାନ ସୁନିଶ୍ଚିତ କରିଛନ୍ତି।

ଅନୁଷ୍ଠାନର ମେଧାବୀ ଛାତ୍ର କୌଶିକ  ଜେଇଇ ଆଡଭାନ୍ସରେ ୪୩୮ତମ ସର୍ବଭାରତୀୟ ରାଙ୍କ , ଜେଇଇ ମେନରେ ୯୯.୯୩ ଓ  ଜେଇଇ ଆଡଭାନ୍ସରେ ପଶ୍ଚିମ ଓଡ଼ିଶାରେ ସର୍ବାଧିକ  ଅଙ୍କ ହାସଲ କରି ସମସ୍ତଙ୍କ ଦୃଷ୍ଟିଆକର୍ଷଣ କରିଛନ୍ତି। ଏଠାରେ ଲ୍ଲେଖଯୋଗ୍ୟଯେ ଜେଇଇ ଆଡଭାନ୍ସରେ କୌଶିକ ପଶ୍ଚିମ ଓଡ଼ିଶାର  ଟପ୍ପର ହେବା ସହ ରାଜ୍ୟରେ ପ୍ରଥମ ତିନି ସ୍ଥାନରେ ରହିଛନ୍ତି |  ସେହିପରି ସୌମ୍ୟ ୩୩୧୬, ଦେବ ୯୯୨୯, ଅଭିନବ ୪୭୫୪, ଶ୍ଲୋକ ୯୭୦୯, ଧର୍ମେଶ ୧୦୧୩, ଅମିଶା ୨୬୪, ପ୍ରତୀକ ୯୯୨୭, ବିଶ୍ୱଜିତ ୯୮୧୭ ଏବଂ ଋଷିକା ୫୬୨୯ ସର୍ବଭାରତୀୟ ରାଙ୍କ  ହାସଲ କରି ଜେଇଇ ଆଡଭାନ୍ସ ପରୀକ୍ଷାରେ ନିଜ ଦକ୍ଷତାର ପରିଚୟ ଦେଇଛନ୍ତି। ଏହି ସଫଳତା ଯୁବୋଦୟ ଶିକ୍ଷାନୁଷ୍ଠାନର ଶିକ୍ଷାଦାନ ପ୍ରଣାଳୀ ଓ ଛାତ୍ରଛାତ୍ରୀଙ୍କ ନିଷ୍ଠାପୂର୍ଣ୍ଣ ପରିଶ୍ରମର ପ୍ରତିଫଳନ ବୋଲି ଅଭିଭାବକ ଓ ଶିକ୍ଷାବିତ୍ ମହଳରେ ମତ ପ୍ରକାଶ ପାଇଛି। ସାଧାରଣ ପରିବାରରୁ ଆସିଥିବା ଏହି ଛାତ୍ରଛାତ୍ରୀମାନେ ମାତ୍ର ଦୁଇ ବର୍ଷର ନିଷ୍ଠାପୂର୍ଣ୍ଣ ପ୍ରଶିକ୍ଷଣ ଓ କଠୋର ପରିଶ୍ରମ ଦ୍ୱାରା ଏପରି ଉଚ୍ଚ ସଫଳତା ହାସଲ କରିପାରିଛନ୍ତି।

ଯୁବୋଦୟର  ଛାତ୍ରଛାତ୍ରୀମାନେ କେବଳ ଜେଇଇ ଆଡଭାନ୍ସ ନୁହେଁ, ନିଟ୍, ସିବିଏସଇ ଓ ସିଏଚଏସଇ ପରୀକ୍ଷାରେ ମଧ୍ୟ ଚମତ୍କାର ପ୍ରଦର୍ଶନ କରି ପଶ୍ଚିମ ଓଡ଼ିଶା ସହ ସାରା ରାଜ୍ୟର ଶିକ୍ଷା କ୍ଷେତ୍ରରେ ନୂଆ ମାନଦଣ୍ଡ ସୃଷ୍ଟି କରିଆସୁଛନ୍ତି। ଅଭିଜ୍ଞ ଓ ଦକ୍ଷ ଅଧ୍ୟାପକମାନଙ୍କ ମାର୍ଗଦର୍ଶନରେ ପରିଚାଳିତ ଯୁବୋଦୟ ଦୀର୍ଘଦିନ ଧରି ଡାକ୍ତର ଗଢ଼ିବାରେ ସଫଳତା ଲାଭ କରିଥିବା ବେଳେ ବର୍ତ୍ତମାନ ଉତ୍କୃଷ୍ଟ ଇଞ୍ଜିନିୟର ତିଆରି କରିବା ଦିଗରେ ମଧ୍ୟ ସଫଳ ପଦକ୍ଷେପ ନେଇଛି ବୋଲି ଅଭିଭାବକ ମହଳରେ ଚର୍ଚ୍ଚା ହେଉଛି।

"ଅନ୍ୟାନ୍ୟ ଶିକ୍ଷାନୁଷ୍ଠାନ ଭଳି ଆମେ କେବଳ ବୋର୍ଡ ପରୀକ୍ଷା ଫଳାଫଳ ଉପରେ ଗୁରୁତ୍ୱ ଦେଉନାହୁଁ। ଛାତ୍ରଛାତ୍ରୀଙ୍କ ସର୍ବାଙ୍ଗୀଣ ସଫଳତା ପାଇଁ ବୋର୍ଡ ସହିତ ନିଟ୍ ଏବଂ ଜେଇଇ ଭଳି ଜାତୀୟ ସ୍ତରର ପ୍ରବେଶିକା ପରୀକ୍ଷାକୁ ମଧ୍ୟ ସମାନ ପ୍ରାଧାନ୍ୟ ଦେଇଥାଉ। ଆମର ଛାତ୍ରଛାତ୍ରୀଙ୍କ ସଫଳତା ହିଁ ପ୍ରମାଣ କରୁଛି କାହିଁକି ପଶ୍ଚିମ ଓଡ଼ିଶାରେ ଯୁବୋଦୟ ଶିକ୍ଷାନୁଷ୍ଠାନ ଛାତ୍ରଛାତ୍ରୀ ଏବଂ ଅଭିଭାବକଙ୍କ ପ୍ରଥମ ପସନ୍ଦ ପାଲଟିଛି," ବୋଲି ଅନୁଷ୍ଠାନର ନିର୍ଦ୍ଦେଶକ ଶ୍ରୀ ଅମ୍ବରୀଶ ଦାଶ କହିଛନ୍ତି।