-+91-9937148622 |
prerana_bgr@rediffmail.com |
Friday 26th April 2024 |
R.N.I. Regd No. ODIODI/2010/46693
Breaking News
12-Oct-2020
ଆଗଲପୁର,12/10- ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ କୁଟାସିଂହା ପଞ୍ଚାୟତ ରୁ ଆସିଛି ଦୁର୍ନୀତି ଅଭିଯୋଗ । ସୂଚନା ମୁତାବକ ପଞ୍ଚାୟତ ର ଡୁଙ୍ଗୁରିପାଲି ଗ୍ରାମର କିଛି ଯୁବକ ଆଜି କୁଟାସିଂହା ପଞ୍ଚାୟତ କାର୍ଯାଳୟକୁ ତାଙ୍କ ଗ୍ରାମର ଖେଳପଡିଆ କାମରେ ଦୁର୍ନୀତି ହୋଇଥିବା ସଂପର୍କରେ ଅଭିଯୋଗ କରିବାକୁ ଆସିଥିଲେ । ସରପଞ୍ଚ କାର୍ଯାଳୟରେ ଅନୁପସ୍ଥିତ ଥିବାରୁ ସରପଞ୍ଚଙ୍କ ସ୍ବାମୀ ଙ୍କୁ ଦେଖାକରିବା ସହ ତାଙ୍କର ଅଭିଯୋଗ ସଂପର୍କରେ କହିଥିଲେ। ଅଭିଯୋଗକାରୀଙ୍କ କହିବା ମୁତାବକ କୁଟାସିଂହା ପଞ୍ଚାୟତ ଅନ୍ତର୍ଗତ ଡୁଙ୍ଗୁରିପାଲି ଗ୍ରାମର ଖେଳପଡିଆ ଉନ୍ନତି ପାଇଁ 2019-20 ଆର୍ଥିକ ବର୍ଷ ପାଇଁ କାଗଜପତ୍ର ରେ ଏକଲକ୍ଷ ପଚାଶ ହଜାର ଟଙ୍କା ର କାମ ହୋଇଛି କିନ୍ତୁ ବାସ୍ତବରେ ଖେଳପଡିଆରେ ଆଦୌ ମାଟିକାମ ହୋଇନାହିଁ । ଖେଳପଡିଆ କାମ ହେବାର କେହିବି ଜାଣି ନାହାଁନ୍ତି, କେବଳ କାଗଜପତ୍ର ରେ କାମ ଦେଖାଇ ପୁରା ଦେଢଲକ୍ଷ ଟଙ୍କା ଆତ୍ମସାତ୍ କରାଯାଇଛି ବୋଲି ଅଭିଯୋଗ କରିଥିଲେ। ପଞ୍ଚାୟତ ରେ ଉପସ୍ଥିତ ଥିବା ସରପଞ୍ଚଙ୍କ ସ୍ବାମୀ କିନ୍ତୁ କାର୍ଯ୍ଯ ରେ ଦୁର୍ନୀତି ହୋଇଥିବା କଥାକୁ ଅସ୍ବୀକାର କରିବା ସହିତ କାମ ଠିକ୍ ଭାବରେ ହୋଇଛି ବୋଲି କହିଥିଲେ । ଏହି ଘଟଣା କୁ ନେଇ ସରପଞ୍ଚଙ୍କ ସ୍ବାମୀ ଅଭିଯୋଗକାରୀଙ୍କ ସହିତ ଯୁକ୍ତିତର୍କ କରିବାର ଦେଖିବାକୁ ମିଳିଥିଲା। ଅଭିଯୋଗକାରୀ ମାନେ ପଞ୍ଚାୟତ ରୁ ନିରାଶ ହେବା ପରେ ଆଗଲପୁର ବିଡିଓ ଙ୍କୁ ଲିଖିତ ଅଭିଯୋଗ କରିଥିଲେ । ଉକ୍ତ ଘଟଣା ସଂପର୍କରେ ଆଗଲପୁର ବିଡିଓ ଙ୍କ ମତାମତ ଜାଣିବାକୁ ଚେଷ୍ଟା କରିଥିଲୁ ହେଲେ ବିଡିଓ ସାର୍ ଏହା ଏକ ପୁରୁଣା ଘଟଣା ଏବଂ ମୁଁ ନୂଆ ହୋଇ ବ୍ଲକ୍ ରେ ଯୋଗଦାନ କରିଥିବାରୁ ଘଟଣାର ତଦନ୍ତ ସରିଲା ପରେ ପ୍ରତିକ୍ରିୟା ଦେବି ବୋଲି କହିଥିଲେ।
ତେବେ ଆଗଲପୁର ବ୍ଲକ ରେ ଦିନକୁ ଦିନ ଦୁର୍ନୀତି ବଢୁଥିବାରୁ ସରକାର ତୁରନ୍ତ ହସ୍ତକ୍ଷେପ କରି ବିହିତ କାର୍ଯ୍ଯାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବୀ ହେଉଛି।