04-Feb-2021

ନୂଆଦିଲ୍ଲୀ (ପ୍ରେରଣା ଖବର): ନୂତନ ପ୍ରାଇଭେସି ପଲିସୀ ର ସୂଚନା ସାମ୍ନା କୁ ଆସି ସାରିଲାପରେ ହ୍ୱାଟ୍ସଅପ୍ କୁ ଅନେକ ୟୁଜର୍ସ ମାନେ ବ୍ୟବହାର କରିବା ବନ୍ଦ କରୁଛନ୍ତି । ହ୍ୱାଟ୍ସଅପ୍ ସହିତ ନିଜର ପ୍ରାଇଭେଟ୍ ଡାଟା ର ସେୟାରିଙ୍ଗକୁ ନେଇ ଲୋକଙ୍କ ମନରେ ଭୟ ସୃଷ୍ଟି ହୋଇଛି । ଆଜି ଆମେ ଆପଣଙ୍କୁ ଏକ ଏମିତି ଟ୍ରିକ କହିବୁ ଯାହା ଦ୍ୱାରା ଆପଣ ନିଜର ପର୍ଶନାଲ ନମ୍ବର ସେୟାର ନକରି ହ୍ୱାଟ୍ସଅପ୍ ର ବ୍ୟବହାର କରିପାରିବେ। ଏହା ପାଇଁ ଆପଣଙ୍କୁ ଏକ ଭରଚୁଆଲ ନମ୍ବର ର ଆବଶ୍ୟକ ପଡିବ । ଭରଚୁଆଲ ଫୋନ ନମ୍ବର ପାଇଁ ଟେକ୍ସଟ ନାଓ ଆପ୍ଲିକେସନ୍ ସବୁଠାରୁ ଭଲ ଅପସନ୍ ହେବ । ଏଠାରୁ ନମ୍ବର ନେବା ପାଇଁ ଆପଣଙ୍କୁ ଏହି ଆପ୍ଲିକେସନ୍ ଡାଉନଲୋଡ଼ କରିବାକୁ ପଡିବ ।

ଏହା ପାଇଁ ସର୍ବ ପ୍ରଥମେ ଆପଣଙ୍କୁ ଟେକ୍ସଟ ନାଓରେ ଏକ ଫ୍ରି ଆକାଉଣ୍ଟ କରିବାକୁ ପଡିବ । ଲଗ-ଇନ କରିବା ପରେ ଆପଣଙ୍କୁ ୟୁଏସ୍ ଏବଂ କନ୍ନାଡା ସ୍ତିତ ୫ଟି ଫ୍ରି ଫୋନ୍ ନମ୍ବର ର ଏକ ଲିଷ୍ଟ ମିଳିବ । ଏଥିମଧ୍ୟରୁ ଆପଣଙ୍କୁ କୌଣସି ଗୋଟିଏ ନମ୍ବର ଚୟନ କରିପାରିବେ । ଏହି ଭରଚୁଆଲ ନମ୍ବର ମାଧ୍ୟମରେ ଆପଣ କଲ କରିପାରିବେ ଏବଂ ଇଣ୍ଟରନେଟେ ରେ ମେସେଜ ମଧ୍ୟ ପଠାଇ ପାରିବେ ।

ଏବେ ହ୍ୱାଟ୍ସଅପ୍ କୁ ଆପଣ ଡାଉନଲୋଡ଼ କରିବେ ଏବଂ ଧ୍ୟାନ ରଖିବେ ଯଦି ପୂର୍ବରୁ ଆପଣଙ୍କ ଫୋନରେ ହ୍ୱାଟ୍ସଅପ୍ ଡାଉନଲୋଡ଼ ଥିବ ତେବେ ତାହାକୁ ଅନଇନଷ୍ଟଲ କରିଦେବେ । ହ୍ୱାଟ୍ସଅପ୍ ରେ ରେଜିଷ୍ଟ୍ରେସନ କରିବା ସମୟରେ ଆପଣ ଚୟନ କରିଥିବା ଭରଚୁଆଲ ନମ୍ବର ଆଧାରରେ, ଇଣ୍ଡିଆର STD କୋଡ଼ କୁ ଇଣ୍ଡିଆରୁ US କିମ୍ବା କନ୍ନାଡ଼ା ରେ ବଦଳାଇଦେବେ । ଏହା ପରେ ଆପଣଙ୍କର ଭରଚୁଆଲ ନମ୍ବର ଦେବେ । ଟେକ୍ସଟ ନାଓ ଆପ୍ କୁ ବ୍ୟାକଗ୍ରାଉଣ୍ଡ ରେ ଖୋଲା ରଖିବେ ।

ଏହି ଭରଚୁଆଲ ଫୋନ ନମ୍ବର ରେ ଆପଣଙ୍କୁ ଓଟିପି ମିଳିବ ନାହିଁ । ଓଟିପି ର ସମୟସୀମା ଏକ୍ସପାୟର ହେବା ପର୍ଯ୍ୟନ୍ତ ଅପେକ୍ଷା କରିବେ ଏବଂ ପୁଣି ଓଟପି ପାଇଁ ‘କଲ୍ ମି’ ଅପସନ୍ ସିଲେକ୍ଟ କରିବେ । ଆପଣଙ୍କୁ ଟେକ୍ସଟ ନାଓ ଆପ୍ ରେ ଏକ ‘ମିସ୍ଡ କଲ୍’ ମିଳିବ ଏବଂ ଟେକ୍ସଟ ନାଓ ଆପ୍ ଭିତରେ ଆପଣଙ୍କୁ ଏକ ନୂଆ ମେସେଜ ଆସିବ । ଏହା ଏକ ଅଡିଓ ମେସେଜ ହେବ, ଯେଉଁଥିରେ ଆପଣଙ୍କୁ କୋଡ଼ କୁହାଯିବ । ଓଟିପି ଦେବା ପରେ ପ୍ରୋସେସ୍ କରିବେ ଏବଂ ହ୍ୱାଟ୍ସଅପ୍ ବ୍ୟବହାର କରିପାରିବେ ।