10-Feb-2026

କଳାହାଣ୍ଡି,କୋକସରା (ତ୍ରିନାଥ ବେଶ୍ରା )
କଳାହାଣ୍ଡି ଜିଲ୍ଲା କୋକସରା ବ୍ଲକ ଆଞ୍ଚଳିକ ଡମ୍ବ ସମାଜ ର ସଭାପତି ବିଶିଷ୍ଟ ସମାଜସେବୀ ଶ୍ରୀ ମାନ ବନମାଳୀ ବାଗ ଙ୍କ ସଭାପତିତ୍ବରେ  ସୋମବାର କାଉଡୋଳା ଧାନମଣ୍ଡି ଠାରେ ଆଞ୍ଚଳିକ ଡମ୍ବସମାଜ ପକ୍ଷରୁ ଏକ ସାଙ୍ଗଠାନିକ ବୈଠକ  ଅନୁଷ୍ଠିତ ହୋଇଯାଇଛି। ପ୍ରଥମେ ଡକ୍ଟର ବାବା ସାହେବ ଆମ୍ବେଦକର ଙ୍କ ଫୋଟୋଚିତ୍ରରେ ଶ୍ରଦ୍ଧାଞ୍ଜଳି ଅର୍ପଣ କରିବା ପରେ ସଭାକାର୍ଯ୍ୟ ଆରମ୍ଭ ହୋଇଥିଲା। ଏହି ବୈଠକରେ ଆଞ୍ଚଳିକ ଡମ୍ବ ସମାଜ ର ସାଧାରଣ ସମ୍ପାଦକ ଧବଳେଶ୍ବର ନାଗ,ଉପଦେଷ୍ଟା ଗୁଣନିଧି ବାଗ, ଦେବାନନ୍ଦ ନାଏକ ଙ୍କ ସମେତ ୨୨ ଗୋଟି ପଞ୍ଚାୟତ ର ଗାଁ ଭାତ କମିଟି ସଭାପତି, ପଞ୍ଚାୟତ ସଭାପତି,ଙ୍କ ସମେତ ସମସ୍ତ ସମାଜ ପ୍ରେମୀ କର୍ମକର୍ତ୍ତା ଉପସ୍ଥିତ ଥିବାବେଳେ ବୈଠକ ର ଉଦ୍ଦେଶ୍ୟ ଜ୍ଞାପନ କୌଶିକ ଦୁରିଆ କରିଥିଲେ।
କୋକସରା ଆଞ୍ଚଳିକ ଡମ୍ବ ସମାଜ କୁ ନେଇ ସମାଜ ର ଦୁଇ ଗୋଷ୍ଠି ମଧ୍ୟରେ ଉପୁଜିଥିବା ବିବାଦ ଏକ ଭିନ୍ନ ମୋଡ଼ ନେଇଥିବା ବେଳେ ଆଞ୍ଚଳିକ ଡମ୍ବ ସମାଜର ଭବନ ନିର୍ମାଣ ପାଇଁ ଗତ ସରକାର ସମୟରେ ୧୫ ଲକ୍ଷ ଟଙ୍କା ଅନୁଦାନ ମିଳିଥିବା ବେଳେ କୋକସରା ଠାରେ ଭବନ ନିର୍ମାଣ ପାଇଁ ଚିହ୍ନଟ ହୋଇଥିବା ୨ ଡେସିମିଲ ଜାଗାରେ କେବଳ ଏହି ଅନୁଦାନ ଖର୍ଚ୍ଚ କରିବା ଓ ଅନାଧିକୃତ ଭାବେ ଜବରଦଖଲ ହୋଇଥିବା ଅଂଶ କୁ ଭାଙ୍ଗି ଦେବାକୁ ନିଷ୍ପତ୍ତି ନିଆଯାଇଛି। ଏହାସହ କାଉଡୋଳା ଠାରେ ଅର୍ଦ୍ଧ ନିର୍ମିତ ଭବନ କୁ ପ୍ରଶାସନ ର ସହାୟତା ରେ ସମ୍ପୂର୍ଣ୍ଣ କରିବା ପାଇଁ ଆଲୋଚନା କରିବା ପାଇଁ ମଧ୍ୟ ନିଷ୍ପତ୍ତି ନିଆଯାଇଛି। ଏହାସହ ଯେଉଁସବୁ ପଞ୍ଚାୟତ ର କାର୍ଯ୍ୟକାଳ ଶେଷ ହୋଇଛି ପୁନଃ ସେହି ପଞ୍ଚାୟତ ରେ ନୂତନ କମିଟି ଗଠନ ପାଇଁ ନିଷ୍ପତ୍ତି ନିଆଯାଇଛି ।
ଏହି ବୈଠକରେ ଆଞ୍ଚଳିକ ଡମ୍ବ ସମାଜ ରଘୁନାଥ ଖମାରୀ, ରମେଶ ଚନ୍ଦ୍ର ଦୁର୍ଗା, ଖଗେଶ୍ୱର ପାଣିଗ୍ରାହୀ, ରାମଚନ୍ଦ୍ର ପାଣିଗ୍ରାହୀ,ଅଜୟ କୁମାର ଦୀପ, ଆଇନ ପରାମର୍ଶ ଦାତା ଲକ୍ଷ୍ମୀକାନ୍ତ ଖମାରି, ଉଗ୍ରେସନ ବାଗ,କ୍ଷେତୁରାମ ପାତ୍ର, କୁରୁକ୍ଷେତ୍ର ପାଣିଗ୍ରାହୀ, ପିତାମ୍ବର ବିହାର,ଯୁଗେଶ୍ୱର ବେଶ୍ରା, ଚକ୍ରଧର ବେଶ୍ରା,ଦୟାନିଧି ନାଏକ, ଧର୍ମୁ ଦୁର୍ଗା, ପ୍ରହଲ୍ଲାଦ ଠାକୁର, ଭୁବନେଶ୍ୱର ନାଏକ, ନୀଳମଣି ଖମାରି, ତ୍ରିନାଥ ବେଶ୍ରା,ଦିଗାମ୍ବର ବେମାଲ, କରୁଣା ମହାନନ୍ଦ,ତ୍ରିଲୋକ୍ୟ ବେଶ୍ରା, ପାରେଶ୍ୱର ପାଣିଗ୍ରାହୀ,ଭୁରିଶ୍ରବା ଜାଲ, ମଧୁସୂଦନ ଦୁର୍ଗା,,ଡମ୍ବରୁ ଦୁର୍ଗା,ଚୌଧୁରୀ ଦୁର୍ଗା,ତ୍ରିନାଥ ଠାକୁର, ତୁଳସିରାମ ଜାଲ, ବଂଶୀଧର ବେଶ୍ରା ସମେତ ୨୨ ପଞ୍ଚାୟତ ରୁ ଶତାଧିକ ସମାଜ ର କର୍ମକର୍ତ୍ତା ଉପସ୍ଥିତ ଥିଲେ।