06-Feb-2026

ସୁବର୍ଣ୍ଣପୁର.(ମନୋରଞ୍ଜନ ତ୍ରିପାଠୀ) ସୋନପୁର ସହର ସ୍ଥିତ ବିଜୁ ପଟ୍ଟନାୟକ ଉଚ୍ଚ ମାଧ୍ୟମିକ ବିଦ୍ୟାଳୟ ର ବାର୍ଷିକ ଉତ୍ସବ "ଧରୋହର"ମହା ସମାରୋହରେ ପାଳିତ ହୋଇଯାଇଛି। କଲେଜ ର ଅଧ୍ୟକ୍ଷା ପ୍ରୀତିମୟୀ ମିଶ୍ର ଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିବା ଏହି ସଭାକାର୍ଯ୍ୟ ରେ  ମୁଖ୍ୟ ଅତିଥି ଭାବରେ ସୁବର୍ଣ୍ଣପୁର ଜିଲ୍ଲାପାଳ ଡ. ନୃପରାଜ ସାହୁ ଯୋଗଦେଇ ସାଂପ୍ରତିକ ପରିସ୍ଥିତିରେ ନାରୀ ର ଭୂମିକା ଓ ସମପରିମାଣରେ ସମାଜର ଉତ୍ତରଦାୟିତ୍ୱ ସଂପର୍କରେ ଆଲୋଚନା କରି ଉଗ୍ର ଆଧୁନିକତା ପଛରେ ନ ଦୌଡ଼ି ବାପା ମା ସେବା କରିବା ସଂସ୍କାରିତ ହେବା ବୋଲି କହିଥିଲେ । ଗୋଟାଏ ଝିଅ ଚାହିଁଲେ ପରିବାର ସୁନ୍ଦର ଓ ସ୍ୱର୍ଗ ହୋଇଯିବ l ସୁନ୍ଦର ସମାଜ ପାଇଁ ସୁନ୍ଦର ବ୍ୟକ୍ତିଗତ ଜୀବନ ଦରକାର ବୋଲି କହି ସବୁବେଳେ ଅନ୍ୟ କୁ ସାହାଯ୍ୟ କରିବା ଓ କଥା ଦେଇ କଥା ରଖିବା ବୋଲି ଜିଲ୍ଲାପାଳ ଡ଼ ସାହୁ କହିଥିଲେ l ଅନ୍ୟତମ ଅତିଥି ଭାବରେ ସୋନପୁର ଉପଜିଲ୍ଲାପାଳ ଡ଼ ସୌମ୍ୟ ରୂପା  ରଥ , ପ୍ରାକ୍ତନ ପରିଚାଳନା କମିଟି ସଭାପତି ଅଭିମନ୍ୟୁ କୁଶଳ ଓ ମୁଖ୍ୟବକ୍ତା ଭାବରେ ଗୋଷ୍ଠୀ ଶିକ୍ଷା ଅଧିକାରୀ ଲକ୍ଷ୍ମଣ ମିଶ୍ର ଯୋଗଦେଇ ଦେଇ ସମାଜ ଗଠନରେ ମହିଳା ଙ୍କ ଭୂମିକା ଖୁବ ଗୁରୁତ୍ବ ପୂର୍ଣ୍ଣ ବୋଲି କହିଥିଲେ । ସମସ୍ତ କାର୍ଯ୍ୟକ୍ରମ କୁ ଅଧ୍ୟାପିକା ସ୍ନିଗ୍ଧା ଦାସ  ପରିଚାଳନା କରିଥିବାବେଳେ କଲେଜ ର ସମସ୍ତ ଅଧ୍ୟାପିକା ଅଧ୍ୟାପକ ତଥା ସମସ୍ତ ଅଣ ଶିକ୍ଷକ କର୍ମଚାରୀ ଙ୍କ ସମେତ ସମସ୍ତ ଛାତ୍ରୀ ସହଯୋଗ କରିଥିଲେ। ଶେଷରେ ଖୁବ ସମୟ ଧରି କଲେଜ ର ଛାତ୍ରୀ ମାନଙ୍କ ଦ୍ଵାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।