03-Feb-2021

ଭୁବନେଶ୍ୱର,(ଶୁଭାଶିଷ ନାୟକ): ସାଇବର ଅପରାଧ ରେ ବ୍ୟାପକ ବେଆଇନ ଠକେଇ ଦିନ କୁ ଦିନ ବଢ଼ି ଚାଲିବ ଏପରି କି ଲକ୍ଷ,ଲକ୍ଷ ଟଙ୍କା ସର୍ବସାନ୍ତ ହୋଇ ଚଳୁଥିବା ବେଳେ ଏବେ କ୍ରାଇମବ୍ରାଞ୍ଚ କୁ ବଡ଼ ସଫଳତା ମିଳିଛି । ସୂଚନା ଅନୁଯାୟୀ, ତିନୋଟି ସାଇବର ଠକେଇ ମାମଲାରେ କ୍ରାଇମ ବ୍ରାଞ୍ଚକୁ ମିଳିଛି ସଫଳତା । କିଛି ଦିନ ପୂର୍ବରୁ କଟକ ନୂଆ ବଜାରର ବିଷ୍ଣୁ ପ୍ରସାଦ ସାଇବର ଠକେଇ ଶୀକାର ହୋଇଥିଲେ ।  ପ୍ରାୟ ୧ ଲକ୍ଷ ୯୪ ହଜାର ଟଙ୍କା ଠକେଇ ଶୀକାର ହେବା ପରେ ଉକ୍ତ ଟଙ୍କା ଫେରିପାଇଛନ୍ତି ଠକେଇ ର ଶିକାର ହୋଇଥିବା ବ୍ୟକ୍ତି । ଏନେଇ ଓଡ଼ିଶା ପୁଲିସ ପକ୍ଷରୁ ସୂଚନା ଦିଆଯାଇଛି । ସେହିପରି  ପୁରୀ ଅଞ୍ଚଳର ବିବୁନା କୁମାର ଗିରିଙ୍କ  କିଛି ଦିନ ପୂର୍ବେ ସାଇବର ଠକେଇର ଶୀକାର ହୋଇଥିଲେ  । ତାଙ୍କ ଆକାଉଣ୍ଟରୁ ମଧ୍ୟ ୨୨, ୪୯୦ ଟଙ୍କା ଗାୟବ ହୋଇଥିଲା । ତେବେ ସେ ମଧ୍ୟ ୧୮ ହଜାର ୯୯୦ ଟଙ୍କା ଫେରି ପାଇଛନ୍ତି ।

   ଆଉ ଗୋଟିଏ ମାମଲା ହେଉଛି ସେହି କଟକ ଅଞ୍ଚଳର  । ମାଲଗୋଦାମ ଅଞ୍ଚଳର ସୂର୍ଯ୍ୟନାରାୟଣ ମହାନ୍ତିଙ୍କ ଆକାଉଣ୍ଟରୁ ଟଙ୍କା ଗାୟବ ହୋଇଥିଲା  ।  ସୂର୍ଯ୍ୟନାରାୟଣଙ୍କ ଆକାଉଣ୍ଟରୁ ୫୩ ହଜାର ୬୬୨ ଟଙ୍କା କଟି ଯାଇଥିଲା । ସେ ମଧ୍ୟ ତାଙ୍କର ପୁରା ଟଙ୍କା ଫେରି ପାଇଛନ୍ତି  । ତେବେ ଏନେଇ ତିନି ଜଣ ବ୍ୟକ୍ତି କ୍ରାଇମବ୍ରାଞ୍ଚର ସାଇବର ଥାନାରେ ଅଭିଯୋଗ କରିଥିଲେ । ଅଭିଯୋଗ ଆଧାରରରେତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରିଛି  ।
    ଏ ନେଇ ପ୍ରେରଣା କୁ ଫୋନ ଯୋଗେ ସାଇବର ଥାନା ଅଧିକାରୀ ସବିଶେଷ ସୂଚନା ଦେବା ସହ ଠକେଇ ର ଶିକାର ସମସ୍ତେ ତୁରନ୍ତ ଅଭିଯୋଗ କରନ୍ତୁ ବୋଲି ସୂଚନା ଦେଇଛନ୍ତି