12-Jan-2026

ବିନିକା(ହିମାଂଶୁ ଶେଖର ପୁଟେଲ)ପଲ୍ଲୀ ଠାରୁ ସହର ସବୁଆଡେ ବନ୍ଦେ ମାତରଂ ଧ୍ୱନି ମୁଖରିତ କରିଥିଲା ଆଜି ଜାତୀୟ ଯୁବ ଦିବସ ପାଳନ ପରିପ୍ରେକ୍ଷୀରେ ବିଭିନ୍ନ ଶିକ୍ଷାନୁଷ୍ଠାନରେ ୧୫୦ତମ ବନ୍ଦେ ମାତରଂ ଧ୍ୱନି ଉଚ୍ଚାରଣ ହୋଇଥିଲା ଛାତ୍ରଛାତ୍ରୀଙ୍କ ଠୁଁ ଆରମ୍ଭ କରି ଶିକ୍ଷକ,ଶିକ୍ଷୟତ୍ରୀ,ଅଧ୍ୟାପକ, ଅଧ୍ୟାପିକା ଏପରିକି ଯୁବ ସଂଗଠକ କର୍ମକର୍ତ୍ତା,ସଚେତନ ନାଗରିକ ମାନେ ମଧ୍ୟ ଏହି ଜାତୀୟ ସଙ୍ଗୀତକୁ ଗାନ କରିଥିବା ଦେଖିବାକୁ ମିଳିଥିଲା ବିନିକା ଅଞ୍ଚଳରେ ।ଏହି ଅବସରରେ ସ୍ଥାନୀୟ ସିଦ୍ଧାର୍ଥ ଉଚ୍ଚ ମାଧ୍ୟମିକ ବିଦ୍ୟାଳୟରେ ଅଧ୍ୟକ୍ଷା ରେଖା ପ୍ରଧାନଙ୍କ ନେତୃତ୍ୱରେ ବିଦ୍ୟାଳୟ ଷ୍ଟାଫ ଓ ଅଧ୍ୟୟନରତ ଛାତ୍ରଛାତ୍ରୀ ସାମିଲ ହୋଇ ଯୁବ ଦିବସ ପାଲନ କରିବା ସଙ୍ଗେ ସଙ୍ଗେ ବନ୍ଦେ ମାତରଂ ଗାନ କରାଯାଇଥିଲା ସେହିପରି ସିଦ୍ଧାର୍ଥ ଡିଗ୍ରୀ କଲେଜରେ ମହାଆଡମ୍ବର ସହିତ ଅଧ୍ୟକ୍ଷ ଡ଼ ଧୀରେନ୍ଦ୍ର ନାୟକଙ୍କ ତତ୍ତ୍ୱାବଧାନରେ ସମସ୍ତ ଷ୍ଟାଫ ମିଳିତ ହୋଇ ଜାତୀୟ ସଙ୍ଗୀତ ବନ୍ଦେ ମାତରଂ ଗାନ କରିଥିଲେ ।ଅନ୍ୟ ପକ୍ଷରେ ମହିଳା ଡିଗ୍ରୀ କଲେଜ ଛାତ୍ରୀ ମାନେ ସହର ପରିକ୍ରମା କରି ଯୁବ ସମାଜକୁ ସଚେତନତାର ବାର୍ତା ପ୍ରଦାନ କରିଥିଲେ l ବିନିକା ସହର ସମେତ ଗ୍ରାମାଞ୍ଚଳର ବିଭିନ୍ନ ଶିକ୍ଷାନୁଷ୍ଠନ,ସ୍ୱେଚ୍ଛାସେବୀ ଅନୁଷ୍ଠାନ ଗୁଡିକରେ ବନ୍ଦେ ମାତରଂ ଗାନ କରାଯାଇଥିଲା ।