12-Jan-2026

ବିନିକା(ହିମାଂଶୁ ଶେଖର ପୁଟେଲ)୨ୟ ସନ୍ଧ୍ୟାରେ ପଦାର୍ପଣ କରିଥିବା ବିନିକା ପାପକ୍ଷୟ ଲୋକ ମହୋତ୍ସବର ଆଜି ସାଂସ୍କୃତିକ କାର୍ଯ୍ୟକ୍ରମ ଦେଖି ଦର୍ଶକ ବିଭୋର ହୋଇ ପଡିଛନ୍ତି ।ବିଭିନ୍ନ ସ୍ଥାନରୁ ଆସିଥିବା କଳାକାର ମାନଙ୍କ ସୂ ମଧୁର କଣ୍ଠ ସ୍ଵରରେ ବିଭିନ୍ନ ପ୍ରକାରର ଗୀତ ପରିବେଷଣ ସାଙ୍ଗକୁ ବରଗଡ଼ ମା ଦିବ୍ୟ ରୂପା କଳା ପରିଷଦ,ରୁମୁକୁ ଝୁମାନା,ମୋର ବେଗମ୍ ଫଟାଇ ଖାଇଲି ବେଲ ଆଦି ଲୋକ ନୃତ୍ୟ ରେ ମଞ୍ଚ ଦୂଳକି ପଡ଼ିଥିଲା ।କଳାକାର ମାନଙ୍କ ନାଚ ଶୈଳୀ ଦେଖି ଦର୍ଶକଙ୍କ ତାଲିରେ ପରିବେଶ ପ୍ରକମ୍ପିତ ହୋଇଥିଲା ମହୋତ୍ସବ କମିଟି ସଭାପତି ପ୍ରଶାନ୍ତ ଦଣ୍ଡସନାଙ୍କ ସଭାପତିତ୍ତ ଓ ହିମାଂଶୁ ଭୂଷଣ ପଣ୍ଡାଙ୍କ ସଂଯୋଜନାରେ ଅନୁଷ୍ଟିତ ଏହି ଉତ୍ସବରେ ମୁଖ୍ୟଅତିଥି ଭାବେ ସୁବର୍ଣ୍ଣପୁର ଜିଲ୍ଲାପାଳ ଡ଼ ନୃପରାଜ ସାହୁ,ସମ୍ମାନିତ ଅତିଥି ଭାବେ ବରିଷ୍ଟ ବିଶେଷଜ୍ଞ ଡ଼ ଅଶ୍ଵିନୀ ପୂଜାରୀ,ଡ଼ା ବେଣୁଧର ପାଣ୍ଡେ,ସିଦ୍ଧାର୍ଥ ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷା ରେଖା ପ୍ରଧାନ, ଶିକ୍ଷାବିତ୍ ମିନତି ମିଶ୍ର,ସଚେତନ ନାଗରିକ ସନ୍ତୋଷ ପଣ୍ଡା,ପୂର୍ବତନ ଇଓ ଦୁଃଖୀରାମ ନାଏକ,ଶିଳ୍ପପତି ବୁଲୁ ପାତ୍ର,କମିଟି ସମ୍ପାଦକ ଧର୍ମେନ୍ଦ୍ର ସାହୁ ,ଡକ୍ଟର ଆଭାସ ରଞ୍ଜନ ବାବୁ ପ୍ରମୁଖ ଯୋଗଦେଇ ଥିଲେ । ମୁଖ୍ୟ ଅତିଥି ଜିଲ୍ଲାପାଳ ଡ଼ ସାହୁ ଅଞ୍ଚଳର କଳା,ସଂସ୍କୃତି ଉପରେ ଆଲୋକପାତ କରିଥିଲେ।ଏହି ଅବସରରେ ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ବ୍ୟକ୍ତି ବିଶେଷ ଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା ।କମିଟି ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ।