27-Dec-2025

ବଲାଙ୍ଗୀର: ମଣିଷ ଜୀବନ ସବୁବେଳେ ପରିବର୍ତ୍ତନଶୀଳ । ତେଣୁ ଶିକ୍ଷାନୀତିରେ ମଧ୍ୟ ପରିବର୍ତ୍ତନ ହେଉଛି । ଏବେ ବିଜ୍ଞାନର ବହୁଳ ବ୍ୟବହାର ବଢୁଛି । ଶିକ୍ଷାରେ ବିବର୍ତ୍ତନ ହୋଇ ଆଜି ଆର୍ଟିଫିସିଆଲ ଇଣ୍ଟେଲିଜେନ୍ସର ଭୂମୀକା ବଢିଚି । ତେଣୁ ଛାତ୍ରଛାତ୍ରୀ ଓ ଶିକ୍ଷକମାନେ ଏଆଇ ବିଷୟରେ ଅଧିକ ଜାଣିବାର ଆବଶ୍ୟକତା ରହିଛି । ଏଆଇର ସଫଳ ଉପଯୋଗ କରିପାରିଲେ ଛାତ୍ରଛାତ୍ରୀ ଜୀବନର ଉଚ୍ଚତର ସୋପାନକୁ ପହଞ୍ଚି ପାରିବେ ବୋଲି ଆଜି ପଥରଚେପା ଆଦର୍ଶ ବିଦ୍ୟାଳୟ ର ବାର୍ଷିକୋତ୍ସବ(ବିବର୍ତ୍ତନ)ରେ ମୁଖ୍ୟବକ୍ତା ଭାବରେ

ଯୋଗଦେଇ ସମ୍ବଲପୁର ଆଇଆଇଏମର ପ୍ରଫେସର ଡ.ସୁଜୀତ କୁମାର ପୃଷେଠ କହିଛନ୍ତି । ଛାତ୍ରଛାତ୍ରୀଙ୍କୁ ଗଢିବାରେ ପଥରଚେପା ଆଦର୍ଶ ବିଦ୍ୟାଳୟ ଯେଉଁ ସଂକଲ୍ପନେଇଛି ସେଥିରେ ବିଜ୍ଞାନପ୍ରଯୁକ୍ତିବିଦ୍ୟାର ଉପ ଯୋଗ ଆହୁରି ସଫଳତା ଦେବ ବୋଲି ସେ ମତବ୍ୟକ୍ତ କରିଥିଲେ । ଆଦର୍ଶବିଦ୍ୟାଳୟର ଅଧ୍ୟକ୍ଷ କ୍ଷମାନିଧି ଝାଙ୍କରଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ବଲାଙ୍ଗୀର ଉପଜିଲ୍ଲାପାଳ ଆଲୋକକୁମାର ପଟେଲ,ସମ୍ମାନୀତ ଅତିଥି ଭାବରେ ଓଟିଭିର ପଶ୍ଚିମଓଡିଶା ବ୍ୟୁରୋଚିଫ ମନୋରଂଜନ ଯୋଷୀ,ପ୍ରମେୟଗ୍ରୁପର କେବିକେ ଏଡିସନ ମୁଖ୍ୟ ଅଖିଳଚନ୍ଦ୍ର ହୋତା,ଡାକ୍ତର ପ୍ରଦୀପ କୁମାର ଦାସ, ବିଜେପୁର ଆଦର୍ଶସ୍କୁଲର ଅଧ୍ୟକ୍ଷ ମୁରାରୀ ସାହୁ, ସୋନପୁର ପିପିଲିପାଲି ଆଦର୍ଶସ୍କୁଲର ଅଧ୍ୟକ୍ଷ ଅରୁଣକୁମାର ମହାକୁର,ବିବିଏମସିଏଚର ଫର୍ମାଶିଷ୍ଟ ହାଡୁ ଭୋଇ ଓ ମୁଖ୍ୟବକ୍ତା ଭାବରେ ସମ୍ବଲପୁର ଆଇଆଇଏମର ପ୍ରଫେସର ସୁଜୀତକୁମାର ପୃଷେଠ ଯୋଗଦେଇଥିଲେ । ମୁଖ୍ୟଅତିଥି ଉପଜିଲ୍ଲାପାଳ ଶ୍ରୀ ପଟେଲ ତାଙ୍କ ବକ୍ତବ୍ୟରେ ଛାତ୍ରଛାତ୍ରୀଙ୍କ କୃତୀତ୍ୱରେ ହିଁ ସ୍କୁଲର ସଫଳତା ଜଣାପଡିଥାଏ । ତେଣୁ ଆଗାମୀଦିନରେ ଛାତ୍ରଛାତ୍ରୀ ପରିବର୍ତ୍ତନଶୀଳ ପରିସ୍ଥିତିରେ ଖାପଖୁଆଇ ଅଧିକ ପାଠପଢି ସଫଳ ହେବାକୁ କାମନା କରିଥିଲେ । ଏହି ଅବସରରେ ସାମ୍ବାଦିକତା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ବରିଷ୍ଠସାମ୍ବାଦିକ ମନୋରଂଜନ ଯୋଷୀ ଓ ଅଖିଳଚନ୍ଦ୍ର ହୋତା,ସ୍ୱାସ୍ଥ୍ୟସେବା କ୍ଷେତ୍ରରେ କାମ କରୁଥିବା ଡାକ୍ତର ପ୍ରଦୀପକୁମାର ଦାସ ଓ ଫର୍ମାଶିଷ୍ଟ ହାଡୁ ଭୋଇଙ୍କୁ ମାନପତ୍ର ଓ ଉପଢୌକନ ଦେଇ ସମ୍ମର୍ଦ୍ଧିତ କରାଯାଇଥିଲା । ପ୍ରାରମ୍ଭରେ ଅତିଥିଗଣ ପ୍ରଦୀପ ପ୍ରଜ୍ୱଳନ କରି

କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ ଓ ଛାତ୍ରଛାତ୍ରୀ ପ୍ରାରମ୍ଭିକ ସଂଗୀତଗାନ କରିଥିଲେ । ଏହି ଅବସରେେ ସ୍କୁଲର ପୂର୍ବତନ ଛାତ୍ରଛାତ୍ରୀ ଯେଉଁମାନେ ଜେଇଇ,ନିଟ,ଆଇଜର ଇତ୍ୟାଦି ଏଣ୍ଟ୍ରାନ୍ସରେ ସଫଳ ହୋଇଥିବା ଛାତ୍ରଛାତ୍ରୀ ଓ ସ୍କୁଲର ଗୌରବ ବଢାଇଥିବା ସ୍କୁଲର ୬ଜଣ ପୂର୍ବତନ ଶିକ୍ଷକ/ଶିକ୍ଷୟିତ୍ରୀଙ୍କୁ  ମଧ୍ୟ ସମ୍ବର୍ଦ୍ଧିତ କରାଯାଇଥିଲା । ମଧ୍ୟ ସମ୍ବର୍ଦ୍ଧିତ କରାଯାଇଥିଲା । ଏହା ସହିତ ସ୍କୁଲର ବିଭିନ୍ନ ପ୍ରତିଯୋଗୀତାରେ କୃତୀତ୍ୱଲାଭ କରିଥିବା ଛାତ୍ରଛାତ୍ରୀଙ୍କୁ ମଧ୍ୟ ବେଷ୍ଟ ଆୱାର୍ଡ ପ୍ରଦାନ କରାଯାଇ ଥିଲା । ଶେଷରେ ସ୍କୁଲର ଛାତ୍ରଛାତ୍ରୀମାନଙ୍କ ଦ୍ୱାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ସ୍କୁଲର ସିପିଲିସା ଦାସ,ଅଲିଭା ଦୀପ ଓ ଶେଷଦେବ ମିଶ୍ର କାର୍ଯ୍ୟକ୍ରମକୁ ସଂଯୋଜନା କରିଥିଲେ । ଏହି କାର୍ଯ୍ୟକ୍ରମରେ ହଜାର ସଂଖ୍ୟାରେ ସମସ୍ତ ଛାତ୍ରଛାତ୍ରୀ ଓ ଅଭିଭାବକ ଉପସ୍ଥିତ ରହିଥିବା ବେଳେ ସ୍କୁଲର ସମସ୍ତ ଶିକ୍ଷକ/ଶିକ୍ଷୟିତ୍ରୀ, କର୍ମଚାରୀମାନେ ସହଯୋଗ କରିଥିଲେ ।