17-Dec-2025

ବଲାଙ୍ଗିର ତା: ୧୬/୧୨/୨୫ ରିଖ ସରକାରୀ ମହିଳା ମହାବିଦ୍ୟାଳୟ ବଲାଙ୍ଗିରରେ ସ୍ୱଦେଶୀ ସଂକଳ୍ପ ପତ୍ର ପଠନ ତଥା ସ୍ବଦେଶୀ ଖାଦ୍ୟମେଳା ଅନୁଷ୍ଠିତ ହୋଇଯାଇଛି  I ରାଜ୍ୟ ସରକାର ସ୍ୱଦେଶୀ ଦ୍ରବ୍ୟର  ବହୁଳ ବ୍ୟବହାର ନେଇ ରାଜ୍ୟବାସୀଙ୍କୁ  ସଚେତନ ତଥା ଆକୃଷ୍ଟ କରିବାପାଇଁ ଅଭିନବ ଯୋଜନାର କାର୍ଯ୍ୟକାରିତା ଉପରେ  ଗୁରୁତ୍ୱ ଦେଉଛନ୍ତି I  ଯାହା ଦ୍ୱାରା ସ୍ଥାନୀୟ ଉତ୍ପାଦର ଚାହିଦା ଏବଂ ବ୍ୟବହାରରେ ବୃଦ୍ଧି ଆସିବ।ଏ କ୍ରମରେ ମହାବିଦ୍ୟାଳୟର ପ୍ରେକ୍ଷାଳୟରେ  ପୂର୍ବାହ୍ନ ୧୧. ୩୦ ମି. ରେ  ଅଧ୍ୟକ୍ଷ ଡ଼ଃ ଅରବିନ୍ଦ କୁମାର ଓଝାଙ୍କ ସଭାପତିତ୍ୱରେ ଏକ ସ୍ୱଦେଶୀ ସଂକଳ୍ପ ସମାବେଶ ଅନୁଷ୍ଠିତ

ହୋଇଥିଲା I  ସମସ୍ତ ଅଧ୍ୟାପକ ଅଧ୍ୟାପିକାଙ୍କ ସମେତ  ଉପସ୍ଥିତ ସମସ୍ତ  ଛାତ୍ରୀ ସ୍ୱଦେଶୀ ସଂକଳ୍ପ ପତ୍ର ପଠନ କରିଥିଲେ I  ଏହା ସହ ଅପରାହ୍ନ ୨. ୩୦ ମି. ରେ  ମହାବିଦ୍ୟାଳୟ ପ୍ରାଙ୍ଗଣରେ ଛାତ୍ରୀମାନଙ୍କଦ୍ୱାରା ପ୍ରସ୍ତୁତ ସ୍ବଦେଶୀ ଖାଦ୍ୟ  ମେଳାକୁ ମଧ୍ୟ ଅଧ୍ୟକ୍ଷ ଡ଼ଃ ଅରବିନ୍ଦ କୁମାର ଓଝା ଉଦ୍ଘାଟନ କରିଥିଲେ I ଏଥିରେ  ଛାତ୍ରୀମାନେ ନିଜଘରେ ପ୍ରସ୍ତୁତ ବିଭିନ୍ନ ଭାରତୀୟ ପାରମ୍ପରିକ ଖାଦ୍ୟ ସ୍ଥାନିତ କରିଥିଲେ I ସ୍ୱଦେଶୀ

ଖାଦ୍ୟମେଳାରେ ବହୁ ସଂଖ୍ୟାରେ  ଅଧ୍ୟାପକ / ଅଧ୍ୟାପିକା  ତଥା ଛାତ୍ରୀମାନେ ଅଂଶଗ୍ରହଣ କରି ଭାରତୀୟ ବ୍ୟଞ୍ଜନର ମଜା ନେଇଥିଲେ I  ଏ କାର୍ଯ୍ୟକ୍ରମ ପ୍ରସ୍ତୁତିରେ ରତିକାନ୍ତ ନାଏକ, ଅଜିତ କୁମାର ପଣ୍ଡା, ଡ଼ଃ ଅନୁରାଧା ମିଶ୍ର,  ଡ଼ଃ ମିନତୀ ଦେବତା, ସଂଯୁକ୍ତା କୁମାରୀ ନାୟକ, ସୁଚେତା ଦୋରା,ଡ଼ଃ ସିଦ୍ଧେଶ୍ୱର ପ୍ରଧାନ, ପ୍ରତୀକ୍ଷା ପ୍ରତିଶ୍ରୁତି ପ୍ରମୁଖ ଅଗ୍ରଣୀ ଭୂମିକା ଗ୍ରହଣ କରିଥିଲେ I