16-Dec-2025

(ପ୍ରିୟଦର୍ଶିନୀ ପାତ୍ର)
ଉମରକୋଟ ବ୍ଲକ ଅନ୍ତର୍ଗତ ସରକାରୀ ଉନ୍ନୀତ ଉଚ୍ଚ ମାଧ୍ୟମିକ ବିଦ୍ୟାଳୟରେ ବାର୍ଷିକ କ୍ରୀଡା ଓ ବାର୍ଷିକ ଉତ୍ସବ ମହା ସମାରୋହରେ ପାଳିତ ହୋଇଯାଇଅଛି। ବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷ ଶ୍ରୀଯୁକ୍ତ ବାବୁରାମ ସାହୁଙ୍କ ମାର୍ଗଦର୍ଶନ ତଥା କ୍ରୀଡା ଶିକ୍ଷକ ଶ୍ରୀଯୁକ୍ତ ପରେଶ କୁମାର ମହାପାତ୍ରଙ୍କ ପ୍ରତ୍ୟକ୍ଷ ତତ୍ୱାବଧାନ ଓ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀଙ୍କ ସହଯୋଗରେ ବାର୍ଷିକ କ୍ରୀଡା ପ୍ରଥମ ଦିବସ ତା ୧୫/୧୨/୨୦୨୫ ରେ ଓ ବାର୍ଷିକ ଉତ୍ସବ ତା ୧୬/୧୨/୨୦୨୫ ରେ ସ୍ଥାନୀୟ ଶୁଭେଛୁ, ଅଭିଭାବକ, ଅଭିଭାବିକା,ଅତିଥି,ଅଧିକାରୀଙ୍କ ଉପସ୍ଥିତିରେ ମହାସମାରୋହରେ ପାଳିତ ହୋଇଯାଇଅଛି। ବିଦ୍ୟାଳୟର ଶ୍ରେଣୀ ଶିଶୁ ବାଟିକା ଠାରୁ ଆରମ୍ଭ କରି ଶ୍ରେଣୀ ଦ୍ୱାଦଶ ପର୍ଯ୍ୟନ୍ତ ଛାତ୍ରଛାତ୍ରୀ ବିଭିନ୍ନ କ୍ରୀଡା ପ୍ରତିଯୋଗିତାରେ ସଫଳତାର ସହ ଅଂଶ ଗ୍ରହଣ କରିଥିଲେ। କୃତି ପ୍ରତିଯୋଗୀ ମାନଙ୍କୁ ପ୍ରମାଣପତ୍ର ଓ ପୁରସ୍କାର ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା। ଅଷ୍ଟମ ଶ୍ରେଣୀର ଛାତ୍ର  ଶ୍ରୀ ବାସୁଦେବ ଗଣ୍ଡଙ୍କୁ ଚମ୍ପିୟନ ଭବେ ସ୍ୱତନ୍ତ୍ର ପୁରସ୍କାର ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା। ଅତିଥି ଭାବେ ଉମରକୋଟ ବ୍ଲକ, ସହକାରୀ ଗୋଷ୍ଠୀ ଶିକ୍ଷାଧିକାରୀ ଶ୍ରୀ ଦେବେନ୍ଦ୍ର ବାଗ, ବାମନଦେଇଭଟ୍ଟା କ୍ଲଷ୍ଟର ସଂଯୋଜକ ଶ୍ରୀ ସନ୍ତୋଷ ସାହୁ, ଭଣ୍ଡାରୀଗୁଡା ପଞ୍ଚାୟତର ପୂର୍ବତନ ସରପଞ୍ଚ ଶ୍ରୀ ଉର୍ଦ୍ଧବ ନାୟକ, ଅଖିଳ ଭାରତୀୟ ଶୈକ୍ଷିକ ମହାସଂଘର ରାଜ୍ୟ ମେଡ଼ିଆ ପ୍ରମୁଖ ଶ୍ରୀ ଅଞ୍ଜନ କୁମାର ଜେନା ଉତ୍ସବରେ ଯୋଗଦେଇ ଶୁଭେଚ୍ଛା ବାର୍ତ୍ତା ରଖିଥିଲେ।