16-Dec-2025

ସୁବର୍ଣ୍ଣପୁର ଜିଲ୍ଲାରେ ବିଜେଡି ସାଙ୍ଗଠନିକ ପଦବିରୁ ଯୁବ ନେତୃତ୍ୱଙ୍କ ଇସ୍ତଫା ଦେଵା ଏଵେ ସମଗ୍ର ଜିଲ୍ଲାରେ ଚର୍ଚ୍ଚାର ବିଷୟ ହୋଇଛି | ସୁବର୍ଣ୍ଣପୁର ବିଜେଡି ଜିଲ୍ଲା ଉପ ସଭାପତି ଦାୟିତ୍ୱରେ ଥିବା ଶ୍ରୀ ରମେଶ ଚନ୍ଦ୍ର ପୂଜାରୀ ନିଜ ପଦରୁ ଇସ୍ତଫା ଦେଇଥିବା ସୂଚନା ମିଳିଛି | ରମେଶ ଚନ୍ଦ୍ର ପୂଜାରୀ ଜିଲ୍ଲା ବିଜେଡି ଉପ ସଭାପତି ଦାୟିତ୍ୱରେ ଥିବା ବେଳେ ଜିଲ୍ଲା ସ୍ତରରେ ତଥା ଡୁଙ୍ଗୁରିପାଲି ବ୍ଳକ ଅଞ୍ଚଳରେ ତୃଣମୂଳ ସ୍ତରରେ ଦଳର ସଂଗଠନକୁ ସଦୃଢ଼ କରିବାରେ ବେସ ସକ୍ରିୟ ଥିଲେ |ସ୍ଥାନୀୟ ସମାଜ ସେବୀ ତଥା ବିଜେଡି ଯୁବ ସଂଗଠକ ଭାବେ ତାଙ୍କ ଭାଇ ଉମେଶ ପୂଜାରୀ ମଧ୍ୟ ବ୍ୟକ୍ତିଗତ ବ୍ୟବସାୟିକ ବ୍ୟସ୍ତତା ଯୋଗୁଁ ଦଳୀୟ ସାଙ୍ଗଠନିକ କାର୍ଯ୍ୟରୁ ବର୍ତ୍ତମାନ ମାନ ଦୁରେଇ ରହୁଥିବା ଦେଖିବାକୁ ମିଳୁଛି | ଏକଦା ଉଭୟ ଭାଇ ସ୍ଥାନୀୟ ବିଧାୟକ ନୀରଞ୍ଜନ ପୂଜାରୀଙ୍କ ବାମ ଡାହାଣ ହାତ ହୋଇ ଦକ୍ଷତାର ସହ ଜିଲ୍ଲାରେ ବିଜେଡି ସାଙ୍ଗଠନିକ ଦାୟିତ୍ୱକୁ ବହନ କରି ବିଧାୟକ ଶ୍ରୀ ପୂଜାରୀଙ୍କୁ ସହଯୋଗ କରୁଥିବା ବେଳେ ହଟାତ ଦୁଇ ଭାଇ ବିଜେଡି ସଂଗଠନରୁ ଦୁରେଇ ଯିବା ନିଶ୍ଚିତ ଭାବେ ସ୍ଥାନୀୟ ବିଧାୟକ ଶ୍ରୀ ପୂଜାରୀଙ୍କ ପାଇଁ ଏକ ବଡ଼ ଝଟକା ହେବ ବୋଲି ସାଧରଣରେ ଚର୍ଚ୍ଚା ଜୋର ହେଉଛି | ରାମପୁର ସରପଞ୍ଚ ମନୋଜ ପୁରୋହିତ ଜିଲ୍ଲା ଯୁବ ବିଜେଡି ଉପ ସଭାପତି ପଦରୁ ଏବଂ ଡୁଙ୍ଗୁରିପାଲି ବ୍ଳକ ସରପଞ୍ଚ ସଂଘ ସଭାପତି ପଦବୀରେ ଥିବା ବେଳେ ସେ ମଧ୍ୟ କାର୍ଯ୍ୟ ବ୍ୟସ୍ତତା ଦର୍ଶାଇ ସାଙ୍ଗଠନିକ କାର୍ଯ୍ୟକ୍ରମ ତଥା ଯୁବ ବିଜେଡି ଉପ ସଭାପତି ପଦ ତଥା ସରପଞ୍ଚ ସଂଘ ସଭାପତି ପଦରୁ ଇସ୍ତଫା ଦେଇଥିବା ସୂଚନା ଦେଇଛନ୍ତି ଶ୍ରୀ ପୂଜାରୀ |ତେବେ ନିଜ ବ୍ୟକ୍ତିଗତ କାରଣ ତଥା ନିଜସ୍ୱ ବ୍ୟବସାୟିକ କାର୍ଯ୍ୟ ବ୍ୟସ୍ତତା ହେତୁ ଉଭୟେ ସାଙ୍ଗଠନିକ କାର୍ଯ୍ୟ ପାଇଁ ସମୟ ଦେବାରେ ଅସମର୍ଥ ଥିବା ଦର୍ଶାଇ ସାଙ୍ଗଠନିକ ପଦବୀରୁ ଇସ୍ତଫା ଦେଇଥିବା ବେଳେ ଦଳର ପ୍ରାଥମିକ ସଦଶ୍ୟତା ପଦରୁ ମଧ୍ୟ ଇସ୍ତଫା ଦେଇଥିବା ସୂଚନା ଦେଇଛନ୍ତି ଶ୍ରୀ ରମେଶ ଚନ୍ଦ୍ର ପୂଜାରୀ | ତେବେ ଶ୍ରୀ ପୂଜାରୀଙ୍କ  ହଠାତ ଏଭଳି ନିଷ୍ପତି ନେବା ଜିଲ୍ଲା ରାଜନୀତିରେ ବିରୋଧୀଙ୍କୁ ଚର୍ଚ୍ଚାର ଖୋରାକ ଯୋଗାଇଥିବା ଆଲୋଚନା ହେଉଛି |ତେବେ ଆଗାମୀ ଦିନରେ ଏହାର ପ୍ରଭାବ କଣ ରହିବ ତାହା ଏଵେ ଡୁଙ୍ଗୁରିପାଲି ବ୍ଳକ ତଥା ସୁବର୍ଣ୍ଣପୁର ନିର୍ବାଚନ ମଣ୍ଡଳୀ ଅଞ୍ଚଳରେ ଚର୍ଚ୍ଚା ଜୋର ଧରିଛି |

( ସୋନପୁର ଜିଲ୍ଲା ଡୁଙ୍ଗୁରିପାଲି ବ୍ଲକରୁ ଅରବିନ୍ଦ ମିଶ୍ରଙ୍କ ରିପୋର୍ଟ)