09-Dec-2025

ବଲାଙ୍ଗୀର: ଗତକାଲି ରାତି  ୧ଟା ସମୟରେ ତାଲପାଲିପଡା ନିବାସୀ ଶମ୍ଭୁ ପ୍ରସାଦ ପରମଗୁରୁଙ୍କ ୮୩ବର୍ଷ ବୟସରେ ପରଲୋକ ହୋଇଯାଇଛି l ଆଜି ସକଲେ ଏହି ଖବର ପ୍ରଚାରିତ ହେବା ପରେ ସମଗ୍ର ତାଲପାଲିପଡାରେ ଶୋକର ଛାୟା ଖେଳିଯାଇଛି l ମୃତ୍ୟୁ ଖବର ପାଇ ବହୁ ଶୁଭେଚ୍ଛୁ, ବନ୍ଧୁ ବର୍ଗ ସ୍ଵର୍ଗତ ପରମଗୁରୁଙ୍କ ଶେଷଦର୍ଶନ ପାଇଁ  ତାଙ୍କ ତାଲପାଲି ପଡା ବାସଭବନରେ ପହଞ୍ଚି ଥିଲେ l ବାର୍ଦ୍ଧକ୍ଯଜନିତ ଅସୁସ୍ଥତା ଯୋଗୁଁ ଶ୍ରୀ ପରମଗୁରୁ ଦୀର୍ଘ ଦିନ ହେଲା ଶଯ୍ୟାଶାୟୀ ଥିଲେ l  ବଲାଙ୍ଗୀର ମ୍ୟୁନିସିପାଲିଟି ସାନିଟାରୀ ବିଭାଗର କର୍ମଚାରୀ ଭାବରେ ନିଜର ନୀତିନିଷ୍ଠ ଏବଂ ସରଳପଣ ପାଇଁ ସେ ସମସ୍ତଙ୍କ ପରିଚିତି ଥିଲେ l  ଜଣେ ଧର୍ମପ୍ରାଣ , ମେଳାପୀ ଓ ମିଷ୍ଟଭାଷୀ ମଣିଷ ଭାବରେ ସବୁଦିନ ପାଇଁ ସ୍ମରଣୀୟ ହୋଇ ରହିବେ ସ୍ଵର୍ଗତ ପରମଗୁରୁ l ଶ୍ରୀ ପରମଗୁରୁଙ୍କ ମୃତ୍ୟୁଶଯ୍ୟ ନିକଟରେ ତାଙ୍କର ବିଧବା ପତ୍ନୀ ଶାନ୍ତି ପରମଗୁରୁ, ଦୁଇ ପୁଅ ଅଶୋକ, ଅରୁଣ ରଞ୍ଜନଙ୍କ ସମେତ ଦୁଇ ଝିଅ ସୁଷମା ଓ ପ୍ରତିଭା, ଝିଅଜ୍ୱାଇଁ, ନାତିନାତୁଣୀ ତଥା ପରମଗୁରୁ ପରିବାରର ଅନ୍ୟ ସଦସ୍ୟ ମାନେ ଉପସ୍ଥିତ ଥିଲେ l ଆଜି ସ୍ଥାନୀୟ ବିଭୂତି ପଡା ଶ୍ମଶାନ ଠାରେ ଶ୍ରୀ ପରମଗୁରୁଙ୍କ ଅନ୍ତିମ ସଂସ୍କାର କରାଯିବ ବୋଲି ପରିବାର ସୂତ୍ରରୁ ପ୍ରକାଶ l