04-Dec-2025

ବିନିକା(ହିମାଂଶୁ ଶେଖର ପୁଟେଲ) ବିନିକା-ସୋନପୁର ମୁଖ୍ୟରାସ୍ତା (ଏନଏଚ ୧୨୬ଏ) ପାର୍ଶ୍ଵରେ ହରି ଓଁ ହିରୋ ମୋଟର୍ସର ଶୁଭ ଉଦ୍ଘାଟନ ବୁଧବାର ଅନୁଷ୍ଟିତ ହୋଇଥିଲା ରହିଲା ଗ୍ରାମର ବିଶିଷ୍ଟ ସମାଜସେବୀ ସ୍ବର୍ଗତ ନାରାୟଣ ହୋତାଙ୍କ ଧର୍ମପତ୍ନୀ ବିଜୁଳି ହୋତା ଫିତା କାଟି ଆନୁଷ୍ଠାନିକ ଭାବେ ଉଦ୍ଘାଟନ କରିଥିବା ବେଲେ ହିରୋ ସର୍ଭିସ ସେଣ୍ଟରକୁ ହିରୋ ମୋଟସର୍ସ ଏରିଆ ମ୍ୟାନେଜର ନୀତେଶ କୁମାର ଦୀପ ପ୍ରଜ୍ବଳନ କରି ଆରମ୍ଭ କରିଥିଲେ।ଏହି ଅବସରରେ ଜୟ ଯବାନ ହିରୋ ସୋନପୁରର ଅସିତ କୁମାର ପୁଝାରୀ,ବିନିକା ହିରୋ ସୋ ରୁମ ଡିଲଲ ପ୍ରଦୀପ ହୋତା,ସହଯୋଗୀ ପ୍ରବୀର ବଡ଼ପଣ୍ଡା ପ୍ରମୁଖ ଉପସ୍ଥିତ ଥିଲେ।ପରେ ଉଦ୍ଘାଟନୀ ସମାରୋହକୁ ନେଇ ଭରସା ପରିବାର ତରଫରୁ ୨୦୧ତମ ସ୍ଵେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା।ଏଥିରେ ପୁରୁଷ/ମହିଳା ମିଶି ମୋଟ ୬୪ଜଣ ସ୍ଵେଚ୍ଛାକୃତ ଭାବେ ରକ୍ତଦାନ କରିଥିଲେ।ସୂଚନା ଯୋଗ୍ୟ ଯେ ବୁର୍ଲା ରକ୍ତ ଭଣ୍ଡାରରେ କମ୍ପୋନେଣ୍ଟ ଆଦୋ ନଥିବା ଯୋଗୁଁ କମ୍ପୋ ନେଣ୍ଟ ପ୍ୟାକରେ ସଂଗୃହିତ ହୋଇ ୬୪×୩=୧୯୨ଜଣ ରୋଗୀଙ୍କ ହିତରେ ଏହି ରକ୍ତ ନିୟୋଜିତ ହେଉଥିବାରୁ ସ୍ଵେଚ୍ଛାକୃତ ରକ୍ତଦାନ କରିଥିବା ରକ୍ତଦାତା ମାନଙ୍କୁ ଆୟୋଜକ ଏବଂ ଭରସା ପରିବାର ତରଫରୁ କୃତଜ୍ଞତା ଜ୍ଞାପନ କରାଯାଇଛି ।