20-Nov-2025

ବଲାଙ୍ଗିର/ପାଟଣାଗଡ଼:  ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଲକ      ବିଇଓ ଅନ୍ତର୍ଗତ ଚିତାଡୁଙ୍ଗୁରି ସରକାରୀ ପ୍ରାଥମିକ ବିଦ୍ୟାଳୟ ରେ ୩୨ ଜଣ ଛାତ୍ର ଛାତ୍ରୀ ଙ୍କ ନିମନ୍ତେ ଦୁଇ ଜଣ ଶିକ୍ଷକ ନିଯୁକ୍ତି ହୋଇଛନ୍ତି।ଏହି ବିଦ୍ୟାଳୟରେ ଶିଶୁ ବାଟିକା ରୁ ଆରମ୍ଭ କରି ପଞ୍ଚମ ଶ୍ରେଣୀ ପର୍ଯ୍ୟନ୍ତ ଶ୍ରେଣୀ ଅଛି ହେଲେ କୋଠରୀ ନାହିଁ। ଗୋଟିଏ କୋଠରୀ ରେ ସମସ୍ତ ଶ୍ରେଣୀ ର ଛାତ୍ର ଛାତ୍ରୀ ବସି ଅଧ୍ୟୟନ କରୁଥିବା ଦେଖିବାକୁ ମିଲୁଛି।ସ୍କୁଲ ରେ ଛାତ୍ର ଛାତ୍ରୀ ଙ୍କ ଉପସ୍ଥାନ ଥିବା ବେଳେ ଏକ ସଙ୍ଗରେ ଦୁଇ ଜଣ ଶିକ୍ଷକ ମେଡିକାଲ କାର୍ଯ୍ୟ ଦର୍ଶାଇ ଛୁଟିରେ ଥିବାରୁ ସିଆରସିସି ଆସି ସ୍କୁଲ ଜଗିଛନ୍ତି। ପାଚିକା ମଧ୍ୟ ଅନୁପସ୍ଥିତ ଥିବାରୁ ତାଙ୍କର ସମ୍ପର୍କୀୟା ଆସି ମଧ୍ୟାହ୍ନ ଭୋଜନ ପ୍ରସ୍ତୁତ କରିଥିଲେ।ମଧ୍ୟାହ୍ନ ଭୋଜନ ପ୍ରସ୍ତୁତ ରେ ଜାଳେଣି କାଠ ବ୍ୟବହାର କରୁଥିବା ଦେଖିବାକୁ ମିଳିଛି।ଛାତ୍ର ଛାତ୍ରୀ ମାନେ ବର୍ତ୍ତମାନ ପର୍ଯ୍ୟନ୍ତ ସ୍କୁଲ ଡ୍ରେସ ପାଇବାରୁ ବଞ୍ଚିତ ଅଛନ୍ତି।ସ୍କୁଲ ର ପୁରୁଣା ଗୃହ ଭଗ୍ନ ଅବସ୍ଥାରେ ଅଛି।ଅନେକ ଥର ପାଟଣାଗଡ଼    ବିଇଓ ଙ୍କୁ ସିଆରସିସି ଲିଖିତ ଅଭିଯୋଗ କରିଥିଲେ ମଧ୍ୟ ନୂତନ ଗୃହ ନିର୍ମାଣ ପାଇଁ ମଞ୍ଜୁରୀ ମିଳିନାହିଁ ବୋଲି ସିଆରସିସି ପ୍ରକାଶ କରିଛନ୍ତି।ସେହିଭଳି ଏହି ବ୍ଲକ ବିଇଓ ଅନ୍ତର୍ଗତ କୁସୁମକାନି ସରକାରୀ ପ୍ରାଥମିକ ବିଦ୍ୟାଳୟ ରେ ୧୨ ଜଣ ଛାତ୍ର ଛାତ୍ରୀ ଥିବା ବେଳେ ଏଠି ମଧ୍ୟ ୨ଜଣ ଶିକ୍ଷୟତ୍ରୀ ଅଛନ୍ତି।ଦୁଇଗୋଟି କ୍ଲାସ ରୁମ୍ ଥିବା ବେଳେ ଛାତରୁ ପାଣି ଗଲୁଛି।ମଧ୍ୟାହ୍ନ ଭୋଜନ ପ୍ରସ୍ତୁତ କରିବା ପାଇଁ ଗ୍ୟାସ ପରିବର୍ତ୍ତେ କାଠ ଏବଂ ହିଟର

ବ୍ୟବହାର କରୁଥିବା ଦେଖିବାକୁ ମିଳିଛି।ତେବେ ଗୋଟିଏ ବ୍ଲକ ର ଦୁଇଗୋଟି ସ୍କୁଲରେ ଏଭଳି ଅବ୍ୟବସ୍ଥା ଥିବା ବେଳେ ଜିଲ୍ଲାର ୧୪ ଗୋଟି ବ୍ଲକରେ ଥିବା ସ୍କୁଲ ଗୁଡ଼ିକର ବ୍ୟବସ୍ଥା କିଭଳି ଥିବ ଅନୁମାନ କରାଯାଏ।ସରକାରୀ ବିଦ୍ୟାଳୟ ଗୁଡ଼ିକର ଏଭଳି ଅବ୍ୟବସ୍ଥା ଯୋଗୁ ଛାତ୍ର ଛାତ୍ରୀ ମାନଙ୍କ ସାମଗ୍ରିକ ବିକାଶ ରେ ବାଧା ଉପୂଜୁଛି।ଏଣୁ ଅବିଭାବକ ମାନେ ଅନୋନ୍ୟପାୟ ହୋଇ ବେସରକାରୀ ସ୍କୁଲରେ ନିଜ ଶିଶୁ କୁ ଦାଖଲ କରି ଖର୍ଚ୍ଚାନ୍ତ ହେଉଥିବା ଦେଖିବାକୁ ମିଳୁଛି।ତେବେ ଏ ସମସ୍ତ ଅବ୍ୟବସ୍ଥା ପାଇଁ ଦାୟୀ କିଏ?