30-Jan-2021

ପାଟଣାଗଡ଼, (ପ୍ରେରଣା ଖବର)-ଗତ ୧୯ ତାରିଖ ଦିନ ପାଟଣାଗଡ଼ ବ୍ଲକ ଜୁରିଆ ଗ୍ରାମର ୪ ବର୍ଷର ବାଳିକା ସୋନାଲୀ ମେହେର ଏକ ଟ୍ରକ୍ ଦୁର୍ଘଟଣାର ଗୁରୁତର ଆହାତ ହୋଇଥିଲା । ବର୍ତ୍ତମାନ ସୋନାଲୀ ର ଗୋଟିଏ ଗୋଡ କଟାଯାଇଛି ।  ସୋନାଲୀର ବାପାମାଁ ଗରିବ ଥିବାରୁ ଗ୍ରାମବାସୀଙ୍କ ସହଯୋଗରେ ବୁର୍ଲା ମେଡିକାଲକୁ ସ୍ଥାନାନ୍ତରିତ କରାଯାଇଥିଲା । ଚାଇଲ୍ଡ ଲାଇନ୍ ନିର୍ଦ୍ଦେଶିକା ତଥା ସ୍ୱେଚ୍ଛାସେବୀ ଅନୁଷ୍ଠାନ ‘କଲ୍ୟାଣ’ର ସଂପାଦିକା ଏହି ଏହି ଦୁଃଖଦ ଖବର ପାଇବା ପରେ ତୁରନ୍ତ ବୁର୍ଲାକୁ ଯାଇ ଅସହାୟ ବାଳିକାର ଚିକିତ୍ସା କଥା ବୁଝିଥିଲେ । ଭୀମ୍‌ସାର ଅଧ୍ୟକ୍ଷଙ୍କ ସହ ଯୋଗେଯାଗ କରି ବାଳିକାର ଉନ୍ନତ ଚିକିତ୍ସା ପାଇଁ ସମସ୍ତ ବ୍ୟବସ୍ଥା କରିଥିଲେ ଚାଇଲ୍ଡ ଲାଇନ୍‌ର ନିର୍ଦ୍ଦେଶିକା ଶ୍ରୀମତୀ ପୁରୋହିତ । ଏଥିସହ ପାଟଣାଗଡ଼ ଉପଜିଲ୍ଲାପାଳଙ୍କୁ ରେଡକ୍ରସ ଫଣ୍ଡ ତରଫରୁ ଆର୍ଥିକ ସାହାର୍ଯ୍ୟ କରିବା ତଥା ପାଟଣାଗଡ଼ ଏସ୍ ଡିଏମ୍‌ଓଙ୍କୁ ମଧ୍ୟ ବାଳିକାର ଚିକିତ୍ସା ପାଇଁ ସରକାରୀ ଅନୁଦାନ ପ୍ରଦାନ ପାଇଁ ଅନୁରୋଧ କରାଯାଇଛି । ଏହି କ୍ରମରେ ଶିଶୁ କନ୍ୟା ଦିବସରେ ଚାଇଲ୍ଡ ଲାଇନ୍ ର ନିର୍ଦ୍ଦେଶିକା ଶ୍ରୀମତୀ ପୁରୋହିତ ବାଳିକାର ସମସ୍ତ ପାଠପଢ଼ା ଖର୍ଚ୍ଚ ବହନ କରିବା ସହ ତାର ଗୋଡ ଲଗାଇବାର ସମସ୍ତ ବ୍ୟବସ୍ଥା ଗ୍ରହଣ କରିବା ପାଇଁ ଘୋଷଣ କରିଛନ୍ତି । ଶ୍ରମତୀ ପୁରୋହିତଙ୍କ ଏପରି ମହନୀୟତାକୁ ସାଧାରଣରେ ପ୍ରଶଂସା କରାଯାଇଛି ।