28-Oct-2025

ସୋନପୁର( ମନୋରଞ୍ଜନ ତ୍ରିପାଠୀ) ସୁବର୍ଣ୍ଣପୁର ପୌର ପରିଷଦ ର ପ୍ରାକ୍ତନ କାର୍ଯ୍ଯ ନିର୍ବାହୀ ଅଧିକାରୀ ଶ୍ରୀ ପ୍ରକାଶ ଚନ୍ଦ୍ର ମିଶ୍ର ୮୨  ଙ୍କ ଗତ କାଲି ରାୟପୁର ମେଡିକାଲ୍ ରେ ଦେହାନ୍ତ ଘଟିଛି l ଏ ଖବର ପରେ ସୋନପୁର ସମେତ ଭବାନୀ ପାଟଣା ଠାରେ ଶୋକ ଖେଳି ଯାଇଛି l ଶ୍ରୀ ମିଶ୍ର ଜଣେ ଶାନ୍ତ , ମେଳାପି ଓ ଅମାୟିକ ବ୍ୟକ୍ତିତ୍ଵ ଭାବେ ରାଜ୍ୟ ର ବିଭିନ୍ନ ଜିଲ୍ଲା ରେ ପରିଚିତି ଥିବା ବେଳେ ସେ ସୋନପୁର ପୌର ପରିଷଦ ରେ ରେ ୧୯୯୨ ମସିହାରୁ ୧୯୯୫ ଯାଏ ସୁଚାରୁ ରୁପେ କାର୍ଯ୍ଯ କରିଥିଲେ l ଅସ୍ଥାୟୀ ମେହେନ୍ତର ମାନଙ୍କୁ ଓ ଅନେକ କର୍ମଚାରୀ ଙ୍କୁ ସ୍ଥାୟୀ ଚାକିରୀ ଦେବା , ରାମେଶ୍ବର ମନ୍ଦିର ରୁ ଗୁଣ୍ଡିଚା ମନ୍ଦିର ଯାଏ ରାସ୍ତା ନିର୍ମାଣ , ଏସ ସି ଏସ ଟି ଲୋକ ଙ୍କ ପାଇଁ ବସ ଷ୍ଟାଣ୍ଡ ଠାରେ ଷ୍ଟଲ୍ ନିର୍ମାଣ, ଭୀମ ଭୋଇ କଳା ମଣ୍ଡପ, ସହର ର ଅନେକ ରାସ୍ତା ଘାଟ ନିର୍ମାଣ ସବୁ ପ୍ରାକ୍ତନ ନିର୍ବାହୀ ଅଧିକାରୀ ଶ୍ରୀ ମିଶ୍ର ଙ୍କ ଅବଦାନ ରହିଥିବା ବିଷୟ ଆଜି ପ୍ରାକ୍ତନ ଅଧ୍ୟକ୍ଷ ଶ୍ରୀ ପ୍ରମୋଦ ମହାପାତ୍ର ଙ୍କ ଠାରୁ ସୂଚନା ମିଳିଛି l ଓ ଶ୍ରୀ ମହାପାତ୍ର ଏ ଖବର ରେ ଗଭୀର ଶୋକ ପ୍ରକାଶ କରିଛନ୍ତି l ଏ ଅବସର ରେ ଆଜି ସୋନପୁର ପୌର ପରିଷଦ ଠାରେ କାର୍ଯ୍ଯ ନିର୍ବାହୀ ଅଧିକାରୀ ଶ୍ରୀ ୠଷି ମାଝୀ ଙ୍କ ଅଧ୍ୟକ୍ଷତା ରେ ଏକ ଶୋକ ସଭା ପାଳନ କରା ଯାଇଛି l ସ୍ବର୍ଗତ ମିଶ୍ର ଙ୍କ ଫଟୋ ଚିତ୍ର ରେ ଧୂପ ଦୀପ ପୁଷ୍ପ ମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳୀ ଜ୍ଞାପନ କରାଯାଇଥିବା ବେଳେ ଶ୍ରୀ ମିଶ୍ର ଙ୍କ ଅମର ଆତ୍ମା ର ଶାନ୍ତି ସଦ ଗତି କାମନା କରି ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା l ପୌର ଅଧିକାରୀ ଙ୍କ ସମେତ ଜେ ଇ କାହୁଁ ଚରଣ ସ୍ଵାଇଁ, ସାନିଟାରୀ ଇନ୍ସପେକ୍ଟର ଅଜୟ ସ୍ୱାଇଁ, ବରିଷ୍ଠ କିରାଣୀ ଗଜେନ୍ଦ୍ର ଗୁରୁ, କୋଷାଧ୍ୟକ୍ଷ ଭବାନୀ ଶଙ୍କର ଦାଶ ଓ ପୌର ପରିଷଦ ର ସମସ୍ତ କର୍ମଚାରୀ ଏଥିରେ ଯୋଗ ଦେଇ ଥିଲେ l

ଶ୍ରୀ ମିଶ୍ର ସୁବର୍ଣ୍ଣପୁର ଜିଲ୍ଲା ସମେତ ଗଞ୍ଜାମ ଜିଲ୍ଲା ବୁଗୁଡ଼ା, ସୋରୋଡା, ଜୁନାଗଡ଼, ଖରୀଆର ରୋଡ, ପାଟଣାଗଡ ଓ ବିଭିନ୍ନ ଜିଲ୍ଲା ରେ ଦକ୍ଷତା ଓ ସଫଳତା ର ସହ କାର୍ଯ୍ଯ କରି ଥିଲେ l ଗତ କାଲି ରାତିରେ ଭବାନୀ ପାଟଣା ଶକ୍ତି ନଗର ଶ୍ମଶାନ ଘାଟରେ ଶ୍ରୀ ମିଶ୍ର ଙ୍କ ଅନ୍ତିମ ସଂସ୍କାର କରା ଯାଇଥିବା ବେଳେ ବଡ ପୁଅ ସୁବାଷ ପିତା ଙ୍କୁ ମୁଖାଗ୍ନୀ ଦେଇଥିଲେ l ସାନ ପୁଅ ରାଜେଶ, ଝିଅ ଅଞଳୀ, ଜ୍ବାଇଁ ଶ୍ରୀକାନ୍ତ ମିଶ୍ର ଓ ନାତି ନାତୁଣୀ ଆତ୍ମୀୟ ସ୍ୱଜନ, ବହୁ ବିଶିଷ୍ଟ ବ୍ୟକ୍ତି ସମେତ ସହର ର ଶହ ଶହ ଲୋକ ଉପସ୍ଥିତ ରହି ସ୍ୱର୍ଗୀୟ ମିଶ୍ର ଙ୍କୁ ଶ୍ରଦ୍ଧାଞ୍ଜଳୀ ଜ୍ଞାପନ କରି ଅନ୍ତିମ ଦର୍ଶନ କରିଥିଲେ l ଏ ଖବର ରେ ସୁବର୍ଣ୍ଣପୁର ଜିଲ୍ଲାପାଳ ଡ଼. ନୃପ ରାଜ ସାହୁ ଗଭୀର ଶୋକ ପ୍ରକାଶ କରି ସ୍ୱର୍ଗୀୟ ମିଶ୍ର ଙ୍କ ଅମର ଆତ୍ମା ର ଶାନ୍ତି ସଦ ଗତି କାମନା କରିଛନ୍ତି l ସେହିପରି ସୋନପୁର କଲେଜ୍ ୧୯୯୪ ବ୍ୟାଚ ପକ୍ଷରୁ ମଧ୍ୟ ଏ ଖବର ରେ ଶୋକ ପ୍ରକାଶ କରି ଶୋକ ସନ୍ତପ୍ତ ପରିବାର କୁ ସମବେଦନା ଜଣାଇଛନ୍ତି l