30-Sep-2025

କଣ୍ଟାମାଳ(ଜୟ କୁମାର ମହାରଣା): ଶାରଦୀୟ ଦୁର୍ଗା ପୂଜା ପାଇଁ ଚଳଚଞ୍ଚଳ ହୋଇ ଉଠିଛି ସମଗ୍ର କଣ୍ଟାମାଳ ବ୍ଲକ ଅଂଚଳ । ଆଜି ରୀତିନୀତି ସହକାରେ ମାଆ ଙ୍କ ମହାସପ୍ତମୀ ପୂଜା, ଚଣ୍ଡିପାଠ,ହୋମ ଯଜ୍ଞ ଲାଗିରହିଛି କଣ୍ଟାମାଳ ବ୍ଲକ ଛକ ଓ ବସଷ୍ଟାଣ୍ଡ ଦୂର୍ଗାପୂଜା ମଣ୍ଡପରେ । ଶଙ୍ଖ ଘଣ୍ଟ ପୁରୋହିତଙ୍କ ବେଦମନ୍ତ୍ର ପାଠ, ସୁଗନ୍ଧିତ ଧୂପ ଦୀପ ର ମହମହ ବାସ୍ନାରେ ଏକ ଅପୂର୍ବ ଭାବମୟ ପରିବେଶ ସୃଷ୍ଟି ହେଉଛି। ସଂନ୍ଧ୍ୟାରେ ଦେବୀଙ୍କ ପୀଠରେ ମହାଷ୍ଟମୀ ପୂଜା ଅବସରରେ ଭାଇ ଜିଉଁନ୍ତିଆ ବ୍ରତଧାରୀ ମହିଳାମାନଙ୍କ ସମାଗମ ହୋଇଥିଲା  l  ରବିବାର ମାଁ ଦୁର୍ଗା କାଳରାତ୍ରୀ ବେଶରେ ପୂଜା ପାଇଥିଲେ। ଚଳିତବର୍ଷ ବ୍ଲକର ବସଷ୍ଟାଣ୍ଡ ଦୁର୍ଗାପୂଜା ୫୧ବର୍ଷ ପୂର୍ତ୍ତି ପାଳନ କରୁଛି  l  ଏହି ଉପଲକ୍ଷେ ବିରାଟ ବୈଦ୍ୟୁତିକ ତୋରଣ, ସୁନ୍ଦର କାରୁକାର୍ଯ୍ୟ ମେଢ଼, ମୂର୍ତ୍ତି ସହ ମିନlବଜାର ଓ ରାବଣ ଦରବାରରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଛି l  ପୂଜାରେ ସାନନ୍ଦ ମହାକୁର ଓ ପତ୍ନୀ ମୀରାବାଈ ମହାକୁର କର୍ତ୍ତା ଏବଂ ସୁବାସ ରଥ ମୁଖ୍ୟ ପୂଜକ ଦାୟିତ୍ୱ ତୁଲାଇଥିବା ବେଳେ ସୋମନାଥ ଗୁରୁ ପୂଜାରେ ସହଯୋଗ କରିଥିଲେ  l  ସେହିପରି ବ୍ଲକଛକ ଦୁର୍ଗାପୂଜା ରେ ଆଚାର୍ଯ୍ୟ ବଳରାମ ଦାଶ ମୁଖ୍ୟପୂଜକ ଓ ସାନୁଜିତ ନନ୍ଦ -ବ୍ରହ୍ମା ଏବଂ ପଦ୍ମନାଭ ମିଶ୍ର ସଦସ୍ୟ ଭାବେ ପୂଜା ଦାୟିତ୍ୱ ତୁଲାଇଥିବା ବେଳେ ଭୀମସେନ ସ୍ୱାଇଁ ସସ୍ତ୍ରିକ କର୍ତ୍ତା ଦାୟିତ୍ୱ ତୁଲାଇଛନ୍ତି  l  ଚଳିତ ବର୍ଷ ବ୍ଲକଛକ ଦୁର୍ଗାପୂଜା ୩୭ବର୍ଷରେ ପଦାର୍ପଣ କରିଥିବା ବେଳେ ଅଷ୍ଟପ୍ରହରୀ ନାମଯଜ୍ଞ  ଏହାର ମୁଖ୍ୟ ଆକର୍ଷଣ ରହିଛି  l   ଏହିଅବସରରେ ରଙ୍ଗବେରଙ୍ଗ ଆଲୋକମାଳା, ସୁସଜ୍ଜିତ ତୋରଣ ସହ ଦୈନିକ ସାଂସ୍କୃତିକ କାର୍ଯ୍ୟକ୍ରମରେ ଭକ୍ତ ଓ ଶ୍ରଦ୍ଧାଳୁ ଙ୍କ ସମାଗମ ଦେଖିବାକୁ ମିଳୁଛି  l  ଉଭୟ ଦୁର୍ଗାପୂଜା ପାଇଁ ଭକ୍ତ ଓ ଶ୍ରଦ୍ଧାଳୁଙ୍କ ଗହଳିରେ ଚଳଚଞ୍ଚଳ ହୋଇଛି ସମଗ୍ର କଣ୍ଟାମାଳ ବ୍ଲକ ଅଞ୍ଚଳ l