12-Aug-2025

(ରାମନାଥ ପଣ୍ଡା)
ନୂଆପଡ଼ା ଜିଲ୍ଲା ବିଜୁ ପଟ୍ଟନାୟକ ସ୍ନାତକ ମହାବିଦ୍ୟାଳୟ ବୋଡ଼େନ ଠାରେ ସଂସ୍କୃତ ଭାଷାର ପ୍ରଚାର ପ୍ରସାର ନିମନ୍ତେ ବିଶ୍ଵ ସଂସ୍କୃତ ଦିବସ ପାଳନ ଉପଲକ୍ଷେ ସଂସ୍କୃତ ସପ୍ତାହ ପାଳିତ ହୋଇଯାଇଛି।ଅଧ୍ୟକ୍ଷ ଶ୍ରୀମାନ ଅବନୀ କୁମାର ଖମାରିଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ଅତିଥି ରୂପେ ଅଧ୍ୟାପକ ଡ କିଶୋର କୁମାର କର୍ଣ୍ଣ,ଅଧ୍ୟାପକ ଅତିକ ଅହମ୍ମଦ ଖାନ,ଅଧ୍ୟାପକ ସନ୍ତୋଷ କୁମାର ମୁଣ୍ଡ ଓ ଅଧ୍ୟାପିକା ପ୍ରୀତି ସୁଧା ପଣ୍ଡା ଯୋଗଦାନ କରି ମଞ୍ଚାଷିନ ରହି ଭାରତୀୟ ଭାଷା ଗୁଡିକ ସଂସ୍କୃତ ଭାଷାରୁ ହିଁ ଉତ୍ପତ୍ତି ଏବଂ ଏହାରି ମାଧ୍ୟମରେ ସବୁ ଭାଷାର ଉତ୍ପତ୍ତି ତଥା ବିକାଶ ହୋଇଛି ବୋଲି ମତ ବ୍ୟକ୍ତ କରିଥିଲେ।ସଂସ୍କୃତ ଭାଷା ହିଁ ଭାରତର ପ୍ରାଚୀନ ଭାଷା ଓ ଦେବ ଭାଷା ଭାବରେ ଗ୍ରହଣ କରାଯାଇଛି ।ସଂସ୍କୃତ ଭାଷାରୁ ହିଁ ଓଡ଼ିଆ ଭାଷାର ଉତ୍ପତ୍ତି ଏଣୁ ଏହି ଭାଷାକୁ ପ୍ରାଧାନ୍ୟ ଓ ସମ୍ମାନ ଦେବା ଏକାନ୍ତ ଆବଶ୍ୟକ ।ଏହି ଅବସରରେ ସଂସ୍କୃତ ଶ୍ଳୋକ ଆବୃତ୍ତି ପ୍ରତିଯୋଗିତା ଅନୁଷ୍ଠିତ ହୋଇଥିଲା,ଏଥିରେ ବୀଣା ପାଣି ବାଗ ପ୍ରଥମ,ରଶ୍ମିତା ପାଣ୍ଡେ ଦ୍ଵିତୀୟ ଓ ରଶ୍ମିତା ଜଗତ ତୃତୀୟ ସ୍ଥାନ ଅଧିକାର କରିଥିଲେ । ସଂସ୍କୃତ ଭାଷାର ପ୍ରଚାର ଉଦ୍ଦେଶ୍ୟରେ ମହାବିଦ୍ୟାଳୟ ଠାରୁ ବାହାରି ବୋଡ଼େନ ବସ୍ତି ପର୍ଯ୍ୟନ୍ତ ପରିକ୍ରମା କରି ଏକ ବିରାଟ ଶୋଭାଯାତ୍ରା କରାଯାଇଥିଲା ।ଅଧ୍ୟାପକ ସନ୍ତୋଷ କୁମାର ମୁଣ୍ଡ ଧନ୍ୟବାଦ୍ ଅର୍ପଣ କରିଥିଲେ।