28-Jul-2025

(ରାମନାଥ ପଣ୍ଡା)
ପ୍ରଦୀପ ଦଣ୍ଡସେନା ପୁନର୍ବାର ଜିଲ୍ଲା ସଭାପତି ରୂପେ ଚୟନିତ 
ନୂଆପଡ଼ା - ଆଜି ନୂଆପଡ଼ା ଜିଲ୍ଲା ସଦର ମହକୁମାର ଶିଶୁ ବିଦ୍ୟା ମନ୍ଦିର ଠାରେ ବି ଏମ ଏସ ନୂଆପଡ଼ା ଜିଲ୍ଲା ସଭାପତି ପ୍ରଦୀପ କୁମାର ଦଣ୍ଡସେନାଙ୍କ ଅଧ୍ୟକ୍ଷତାରେ ଆୟୋଜିତ ଜିଲ୍ଲା ସମ୍ମିଳନୀରେ ମୁଖ୍ୟ ଅତିଥି ରୂପେ ଭାରତୀୟ ମଜଦୂର ସଂଘ ରାଜ୍ୟ ସାଙ୍ଗଠନିକ ସମ୍ପାଦକ ଲକ୍ଷ୍ମଣ ଦାସ,ଜିଲ୍ଲା ପ୍ରଭାରୀ ତଥା ରାଜ୍ୟ ସମ୍ପାଦକ ବିଶ୍ଵ ରଞ୍ଜନ ସା,ଜିଲ୍ଲା ସମ୍ପାଦକ ବାବୁଲାଲ ମାଝୀ ଯୋଗଦାନ କରି ମଞ୍ଚାସିନ ଥିଲେ ।ସଭାପତି ବାର୍ଷିକ ସମ୍ମିଳନୀର ଉଦ୍ଦେଶ୍ୟ ଜ୍ଞାପନ କରିଥିବାବେଳେ ସମ୍ପାଦକ ବି ଏମ ଏସ ରେ ଅନୁବନ୍ଧିତ ସମସ୍ତ ସଂଗଠନ ଗୁଡ଼ିକର ସବିଶେଷ ବିବରଣୀ ଉପସ୍ଥାପନ କରିଥିଲେ ।ଆଜିର ମୁଖ୍ୟ ଅତିଥି ଭାରତୀୟ ମଜଦୂର ସଂଘର ବୈଶିଷ୍ଟ୍ୟତା କୁ ପୁଙ୍ଖାନୁପୁଙ୍ଖ ଆଲୋଚନା କରି ସଂଘ କାର୍ଯ୍ୟ କର୍ମକର୍ତ୍ତାଙ୍କ ମନୋବଳ ଦୃଢ଼ କରିବା ସହିତ ଅନ୍ୟ ସମସ୍ତ ସଂଘ ଗୁଡ଼ିକର ଉଦାହରଣ ରଖି ବି ଏମ ଏସ ର ସ୍ୱତନ୍ତ୍ରତା ପ୍ରତିପାଦନ କରିଥିଲେ ।ସଙ୍ଘୀୟ ନୀତି ନିୟମରେ ବାନ୍ଧି ହୋଇ ସର୍ବଦା ଲୋକଙ୍କ ସେବା କରିବାକୁ ଆହ୍ବାନ କରିଛନ୍ତି ।ପ୍ରଭାରୀ ବିଶ୍ଵ ଭାଇ ସମ୍ମିଳନୀ କଣ ଏବଂ ପ୍ରତି ବର୍ଷ ସମ୍ମିଳନୀ କରିବାର ଯଥାର୍ଥତା ସ୍ପଷ୍ଟ ଭାବରେ ବୁଝାଇଥିଲେ ଏବଂ କମିଟି ଗଠନ ଦିଗରେ ଆଲୋଚନା କରିବା ପରେ ସର୍ବ ସମ୍ମତିକ୍ରମେ ପୁନର୍ବାର ଜିଲ୍ଲା ସଭାପତି ପଦରେ ପ୍ରଦୀପ କୁମାର ଦଣ୍ଡସେନାଙ୍କୁ ଏବଂ ଜିଲ୍ଲା ସମ୍ପାଦକ ପଦବୀ ରେ ବାବୁଲାଲ ମାଝୀ ଚୟନିତ ହୋଇଛନ୍ତି ।ଆଜିର ନୂତନ କମିଟି ଗଠନ ହୋଇଛି ଏବଂ ଏହି କମିଟିରେ କୁଞ୍ଜ ବିହାରି କଟା ୱର୍କିଙ୍ଗ ପ୍ରେସିଡେଣ୍ଟ,ଗୋମତୀ ମାଝୀ ଉପ ସଭାନେତ୍ରୀ, ବଳଧର କେତକୀ ସହ ସମ୍ପାଦକ, ଡୋଲେଶ୍ୱରି କଟା ସହ ସଂପାଦିକା,ଦିନ ମଞ୍ଜୁରୀ ଭୋଇ କୋଷାଧ୍ୟକ୍ଷ,ରାମନାଥ ପଣ୍ଡା ମିଡିଆ ସେଲ, ରାଜ କୁମାର ରାଉତ ପର୍ଯ୍ୟାବରଣ ମଞ୍ଚ,ସୁକ ଦେବ ସାହୁ ସାମାଜିକ ସମରସତା,ବିନୟ ରାଉତ କୁଟୁମ୍ବ ପ୍ରବୋଧନ ଏବଂ ପିଣ୍ଟୁ ହଂସଙ୍କୁ ନାଗରିକ କର୍ତ୍ତବ୍ୟ ଦାୟୀତ୍ୱ ପ୍ରଦାନ କରାଯାଇଛି ।ସମ୍ମିଳନୀରେ ଭକ୍ତ ବନ୍ଧୁ ଧରୁଆ,ଚନ୍ଦ୍ର ପ୍ରଭା ପାଣିଗ୍ରାହୀ,ମିନତି ପଣ୍ଡା,ସୁନିତା ସିଂ ଦେଓ,ଦେବି ଚରଣ ପାଣ୍ଡେ,ଉପେନ୍ଦ୍ର ଠେଲା,ମାକ୍ରମ୍ ବରିହା, ବାଲ କୁମାର ମାଝୀ,ଆକାଶ କଟାଙ୍କ ସମେତ ବିଭିନ୍ନ ସଂଗଠନରୁ ପଦାଧିକାରୀ ଉପସ୍ଥିତ ରହିଥିଲେ । ଆସନ୍ତା ଅଗଷ୍ଟ ୧୦ ତାରିଖ ସୁଦ୍ଧା ସମସ୍ତ ବ୍ଲକରେ କମିଟି ଗଠନ କରିବାକୁ ସ୍ଥିର ହୋଇଛି ।ପ୍ରତି ମାସରେ ବ୍ଲକ ସ୍ତରୀୟ ସଭା କରିବାର ଚିନ୍ତନ କରାଯାଇଛି ।