07-Jun-2025

ସୋନପୁର (ମନୋରଞ୍ଜନ ତ୍ରିପାଠୀ)
ସୋନପୁର ପ୍ରିମିୟର୍ ଲିଗ୍ ୩ ୟ ସଂସ୍କରଣ ର ସପ୍ତମ ଦିବସ ର  ପ୍ରଥମ ମ୍ୟାଚ ରେ ଆଜି ସ୍ଥାନୀୟ ଗାନ୍ଧି ଷ୍ଟାଡିୟମ୍ ଠାରେ ବିଜୟ ଫାଇଟର ଓ ମା ମାହେଶ୍ଵରୀ ଦଳ ମଧ୍ୟରେ  ଅନୁଷ୍ଟିତ ହୋଇଛି l  ଅତିଥି ଭାବରେ ସମାଜସେବୀ ଶ୍ରୀବତ୍ସ ମଲ୍ଲିକ , ଟ୍ରକ ଆସୋସିଏସନ୍ ର ସଂପାଦକ ଫଣିନ୍ଦ୍ର ଦାଶ ଓ ରାଜୀବ ପଟ୍ଟନାୟକ ଯୋଗ ଦେଇ  ମ୍ୟାଚ୍ କୁ ଉଦଘାଟନ କରିଥିଲେ l  ଟସ୍ ଜିଣି ମା ମାହେଶ୍ଵରୀ ସ୍ପୋଟିଂ ପ୍ରଥମେ ବ୍ୟାଟିଂ କରି ୧୫   ଓଭର ବିଶିଷ୍ଟ ମ୍ୟାଚ୍ ରେ  ୬ ୱିକେଟ ରେ ୧୨୧ ରନ କରିଥିଲେ  l ଦଳ ପକ୍ଷରୁ ଅଭିଳାଷ ନାୟକ ୪୬ ବଲ ରେ ୭୬ ରନ, ଅନ୍ୱେଷ ତ୍ରୀପାଠୀ ୧୬ ରନ କରିଥିଲେ l ବିଜୟ ଫାଇଟର ଦଳ ପକ୍ଷରୁ  ସିକନ୍ ସେଠୀ ୨ ଗୋଟି, ଶଙ୍କର ଘଡ଼ିଆ , ବିଶାଲ ତରିଆ, ଓ ଅର୍ମାନ ମଲ୍ଲିକ ୧ ଟି ଲେଖାଏଁ ୱିକେଟ ନେଇଥିଲେ l ପ୍ରତି ଉତ୍ତର ରେ ବିଜୟ ଫାଇଟର ଦଳ ୧୫  ଓଭର ରେ ୭  ୱିକେଟ ରେ ୧୧୨ ରନ୍ କରି ଅଲ୍ ଆଉଟ୍ ହୋଇଥିଲେ l ଦଳ ପକ୍ଷରୁ ବିଶାଳ ତରିଆ ୪୨ ବଲ ରେ ୬୦ ରନ୍, ସିକନ୍ ସେଠୀ ୧୮ ରନ, ଆୟୁଷ ଥନାପତି ୧୦ ରନ୍ କରି ଥିଲେ ମାହେଶ୍ୱରି ଦଳ ର ପ୍ରେମ ପଣ୍ଡା, ସ୍ମୁତି ରଞ୍ଜନ ବେହେରା, ସୁଶାନ୍ତ ବେହେରା ୨ ଟି ଲେଖାଏଁ ଓ ପୁରୁଶୋତ୍ତମ ପାତ୍ର ୧ ଟି ୱିକେଟ୍ ହାସଲ କରି ଥିଲେ l ମାହେଶ୍ୱରି ସ୍ପଟିଂ ୯ ରନ୍ ରେ ବିଜୟୀ ହୋଇଛି l  ଦଳ ର ଅଭିଳାଷ ନାୟକ ଙ୍କୁ ମ୍ୟାନ ଅଫ୍ ଦି ମ୍ୟାଚ୍ ଭାବେ ଅତିଥି ଙ୍କ ଦ୍ଵାରା ପୁରସ୍କୃତ କରା ଯାଇଛି l  ଖେଳ ର ପ୍ରତ୍ୟକ୍ଷ ଧାରା ବିବରଣୀ  ବି.ଏସ.ରାଓ  ଓ ଅଚ୍ୟୁତ ମିଶ୍ର ପ୍ରଦାନ କରିଥିବା ବେଳେ ଶ୍ରିବନ୍ତ ନାୟକ ଓ ସୁଭାଷ ଭୋଇନା  ମ୍ୟାଚ୍ ପରିଚାଳନା କରିଥିଲେ l ପିଙ୍କୁ ବେହେରା  ସ୍କୋରର ଭାବେ ଦାୟିତ୍ବ ତୁଲାଇ ଥିଲେ l ଜିଲ୍ଲା କ୍ରିକେଟ ସଂଘ  କୋଷାଧ୍ୟକ୍ଷ ଶ୍ୟାମ ସୁନ୍ଦର ପାତ୍ର, ,  ଏସ ପି ଏଲ୍ ଅଧ୍ୟକ୍ଷ ବି . ସତ୍ୟ ନାରାୟଣ ରାଓ, ସଂପାଦକ ନବ ପ୍ରକାଶ ମିଶ୍ର, କୋଚ୍ ରାଜେନ୍ଦ୍ର ମିଶ୍ର ପ୍ରମୁଖ ସମସ୍ତ ସଦସ୍ୟ ସହଯୋଗ କରିଥିଲେ l 
ସେହିପରି ଆଜିର ଦ୍ଵିତୀୟ ମ୍ୟାଚ୍    ଟିମ୍ ଡୋମିନେଶନ ତରଭା ଓ ରାମ ଇଲେଭେନ ମଧ୍ୟରେ ଅନୁଷ୍ଟିତ ହୋଇଥିଲା l ଟସ ଜିଣି ରାମ ଇଲେଭେନ ଦଳ  ଦଳ  ଫିଲ୍ଡିଂ ନିଷ୍ପତ୍ତି ନେଇଥିଲା l ଟିମ ଡମିନେଶନ ଦଳ ୨୦ ଓଭର ରେ ୯ ୱିକେଟ ହରାଇ ୧୭୦ ରନ୍ କରିଥିଲା l ଦଳ ପକ୍ଷରୁ ସର୍ବାଧିକ ପ୍ରଶାନ୍ତ ବିଶି ୩୮ ବଲ ରେ ୭୦ ରନ୍ , ରାକେଶ ସାହୁ ୨୧ ବଲ ରେ ୪୦ ରନ୍, ନବାବ ଖlନ୍ ୨୨ ରନ୍ କରିଥିଲେ l  ରାମ ଇଲେଭନ୍ ର ପ୍ରଦୀପ ଦେହୁରୀ ୪ ଟି ୱିକେଟ୍, ରାମୁନ ମହାପାତ୍ର ୨ ଟି, ସୋମ ନାଗ ୧ ଟି ୱିକେଟ୍ ହାସଲ କରି ଥିଲେ l ରାମ ଇଲେଭେନ ଦଳ ୨୦ ଓଭର୍ ରେ ୯ ୱିକେଟ ହରାଇ  ମାତ୍ର ୧୩୮ ରନ୍ କରିଥିଲେ l  ଦଳ ପକ୍ଷରୁ ପ୍ରବୁଦତ୍ତ କୁମ୍ଭାର ୨୯ ରନ୍, ରମୁନ ମହାପାତ୍ର ୨୬ ରନ୍ , ମନୋଜ୍ ବଡ ଚାଟ ୧୬, ଆଦିତ୍ୟ ଦୁବେ ୧ ୬ ରନ୍, ବରୁଣ ଦାଶ ୧୩ ରନ୍ କରିଥିଲେ ରନ୍ କରିଥିଲେ l ଡମି ନେସନ ଦଳ ବିଶ୍ୱ ରଞ୍ଜନ ୪ ୱିକେଟ୍ , ରାକେଶ ସାହୁ ୩ ଟି,  ଓ ନବାବ ଖାନ୍, ପ୍ରସାନ୍ତ ବିଶି ୧ ଟି ଲେଖାଏଁ ୱିକେଟ୍ ହାସଲ କରି ଥିଲେ l ଟିମ ଡୋମିନେଶନ ଦଳ ୩୨ ରନ୍ ରେ ମ୍ୟାଚ୍ ବିଜୟୀ ହୋଇଛି l   ଦଳ ର ପ୍ରଶାନ୍ତ ବିଶି ଙ୍କୁ ମ୍ୟାନ ଅଫ ଦି ମ୍ୟାଚ୍ ଭାବେ ପୁରସ୍କୃତ କରା ଯାଇଛି l  ପ୍ରଜ୍ଞା ଭାରତୀ ର ନିର୍ଦେଶକ ସନ୍ତୋଷ ପୁଝାରୀ , ଚନ୍ଦ୍ରମା ମୋଟର୍ସ ପ୍ରୋପା ଇଟର ପ୍ରଶାନ୍ତ ବାବୁ ଯୋଗ ଦେଇ ଖେଳାଳି ଙ୍କୁ ଉତ୍ସାହିତ କରିଥିଲେ l ଶ୍ୟାମ ସୁନ୍ଦର ପଣ୍ଡା ଓ ସୁବାସ ଭୋଇନା ଖେଳ ପରିଚାଳନା କରିଥିଲେ l ଦିନେଶ ଘିବିଲା ଓ ବିଶ୍ଵ ନାଥ ନାୟକ ସ୍କୋରର ଥିଲେ l ବି ଏସ ରାଓ ଖେଳ ର ଧାରା ବିବରଣୀ ପ୍ରଦାନ କରିଥିଲେ l କମିଟି ର ସମସ୍ତ  ସଦସ୍ୟ ଯୋଗ ଦେଇଥିଲେ  l