06-Jun-2025

ବଲାଙ୍ଗୀର (ପ୍ରେରଣା ଖବର):  ବଲାଙ୍ଗୀରରେ ଦିନକୁ ଦିନ ଅପରାଧିକ କାର୍ଯ୍ୟକଳାପ ବୃଦ୍ଧି ପାଇବାରେ ଲାଗୁଛି l ପୋଲିସକୁ ଚକମା ଦେଇ ଅପରାଧୀ ମାନେ ଦ୍ୱିପହରରେ ଭିଆଉଛନ୍ତି ଜଘନ୍ୟ କାଣ୍ଡ l ଏହି ପରିପ୍ରେକ୍ଷୀରେ ବଲାଙ୍ଗୀରର ପ୍ରସ୍ତାବିତ ଲକ୍ଷ୍ମୀ ଜୋର୍ ଥାନା ତୁରନ୍ତ କାର୍ଯ୍ୟକ୍ଷମ କରିବା ପାଇଁ ୧୯୭୭  ପି. ଆର. ହାଇସ୍କୁଲ ସୋସିଓ କଲଚରାଲ୍ ଅର୍ଗାନାଇଜେସନ ଦାବି କରିଛି l ଆଜି ଏହି ସଂଘ ର  ସଭ୍ୟ ମାନେ ବଲାଙ୍ଗୀର ଏସ୍ ପି ଅଭିଳାଷ ଜୀ ଙ୍କୁ ସାକ୍ଷାତ କରି ଲକ୍ଷ୍ମୀ ଜୋର୍ ଥାନା ସମେତ ବଲାଙ୍ଗୀରର ବିଭିନ୍ନ ସ୍ଥାନରେ ଏପରି ଥାନା ମାନ ସ୍ଥାପନ କରିବାକୁ ଦାବି କରିଛନ୍ତି l  ୧୯୭୭  ପି. ଆର. ହାଇସ୍କୁଲ  ସୋସିଓ କଲଚରାଲ୍ ଅର୍ଗାନାଇଜେସନ ତରଫରୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ବଲାଙ୍ଗୀର ଏସ୍ ପି  ଙ୍କ ଜରିଆରେ ଏକ ଦାବିପତ୍ର ପ୍ରଦାନ କରଯାଇଥିଲା l ଅର୍ଗାନାଇଜେସନର ସଭପତି ରତନ ମହାରଣାଙ୍କ ନେତୃତ୍ଵରେ ସମ୍ପାଦକ ସୁକାନ୍ତ ପୁରୋହିତ କୋଷାଧକ୍ଷ ବ୍ରଜବନ୍ଧୁ ସାଏ, କାର୍ଯକାରିଣୀ ସଭ୍ୟ  ମୋହନ ଗୋପାଳ ପଣ୍ଡା, ସତ୍ୟ ନାରାୟଣ ପଣ୍ଡା, ନରେନ୍ଦ୍ର କୁମାର ଆଚାର୍ଯ୍ୟ, ଭଗବାନ ବଗର୍ତ୍ତୀ ବର୍ତମାନର ଅସାମାଜିକ କାର୍ଯ୍ୟକଳାପ ଇତ୍ୟାଦିକୁ ଯଥାଶୀଘ୍ର ରୋକ ଲଗାଇ ଅସାମାଜିକ ବ୍ୟକ୍ତିମାନଙ୍କ ବିରୁଦ୍ଧରେ ଆଇନ ଅନୁଯାୟୀ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବୀ ଜଣାଇବା ସଙ୍ଗେ ସଙ୍ଗେ ରାଜ୍ୟରେ ବଲାଙ୍ଗିରକୁ ଏକ ନମ୍ବର ଶାନ୍ତିର ଜିଲ୍ଲା ଭାବେ ପରିଚୟ ଦେବାକୁ ସାମର୍ଥ୍ୟ ପ୍ରଦାନ କରିବାକୁ ସମସ୍ତ ଜନସାଧାରଣ ଓ ପୋଲିସ ପ୍ରଶାସନ ଙ୍କ ଉଦଯୋଗରେ କେବଳ ସମ୍ଭବ ହୋଇପାରିବ ବୋଲି ଆଲୋଚନା କରି ଦାବି ପତ୍ର ପ୍ରଦାନ କରିଥିଲେ ।