22-May-2025

ବଲାଙ୍ଗିର- ସଦାଇପାଲି ଗ୍ରୀଡ ଆଖ ପାଖରେ ବିଭିନ୍ନ ଶିକ୍ଷାନୁଷ୍ଠାନ, ପେଟ୍ରୋଲ ପମ୍ପ, ଗ୍ୟାସ୍ ପ୍ଲାଣ ଓ ଛୋଟ ବଡ ବହୁତ ଶିଳ୍ପାନୁଷ୍ଠାନ ଅଛି । ଉକ୍ତ ଗ୍ରୀଡକୁ ବିଭିନ୍ନ ରାସ୍ତା ଦେଇ ବିଦ୍ୟୁତ ତାର ଆସିଛି ତଥା ସେହି ଗ୍ରୀଡରୁ ସବୁ ରାସ୍ତାର ଉଭୟ କଡରେ ବିଦ୍ୟୁତ ତାର ବିପଦପୁର୍ଣ୍ଣ ଭାବରେ ନିଆଯାଇଛି । ଏପରିକି ବିଭିନ୍ନ ଜାଗାରେ ତଳ ଉପର କରି ବିଦ୍ୟୁତ ତାର ନିଆଯାଇଛି ଯାହାକି ଅଂଚଳବାସୀଙ୍କ ପାଇଁ ବିପଦପୂର୍ଣ୍ଣ । ଏହି ପରିପେକ୍ଷୀରେ ଟାଟା ପାଓାର ଚନ୍ଦନଭାଟି ଠାରେ ଓଡିଏସ୍‌ଏସ୍ ପ୍ରକଳ୍ପ ଓ ବାମ କେନାଲ ଯନ୍ତ୍ରୀ ବିସ୍ଥାପିତ ମାନଙ୍କ ପାଇଁ କୁସମେଲ ଠାରେ ବିଜୁଳୀ ଯୋଗାଇବା ପାଇଁ ସମ୍ବଲପୁର-ପାଟଣାଗଡ ବାଏପାସ୍ ସଦାଇପାଲି ଗ୍ରୀଡ ଓ ସୁଶ୍ରୀ କଲେଜ ମଝି ରାସ୍ତାରେ ଚାରିଟିକିଆ ଖୁଣ ପୋତି ଜବରଦଖଲ କରିଛି । ଏହାକୁ ନାଗରିକ କମିଟୀ ବିରୋଧ କରିବାରୁ ଅତିରିକ୍ତ ଜିଲ୍ଲାପାଳ ପବିତ୍ର ବେହେରା ଙ୍କ ଅଧ୍ୟକ୍ଷତା ରେ ଗତ କାଲି ତାଙ୍କ ସମ୍ବିଳନୀ କକ୍ଷରେ ଏକ ସଭା ହୋଇଥିଲା । ସଭାରେ ବାମ କେନାଲ ଅଧିକ୍ଷଣ ଯନ୍ତ୍ରୀ ଏବଂ ତାଙ୍କ ଦୁଇଜଣ ଠିକାଦାର, ଇଡକୋ ଡିଭିଜିନାଲ ମେନେଜର, ବାଏପାସ ରାସ୍ତା ମାପଚୁପ କରୁଥିବା ଦୁଇଜଣ ପି.ଡବ୍ଲୁ.ଡି. କର୍ମଚାରୀ ଓ ନାଗରିକ କମିଟୀର ସଭାପତି, ସମ୍ପାଦକ ଉପସ୍ଥିତ ଥାଇ ଆଲୋଚନା ହେଲା । ଯେହେତୁ ଟାଟା ପାଓାର ଅଧିକାରୀ ଓ ସଦାଇପାଲି ଗ୍ରୀଡର ଏସ୍‌.ଡି.ଓ. ନଥିଲେ, ଆଲୋଚନା ବିଶେଷ ଆଗକୁ ଯାଇପାରିଲା ନାହିଁ । ତେଣୁ ସମସ୍ତେ ସଦାଇପାଲି ଗ୍ରୀଡ, ଯେଉଁଠି ରାସ୍ତା ଜବରଦଖଲ ହୋଇଛି ସେଠାରେ ଉପସ୍ଥିତ ରହି ସମସ୍ୟା ର ସମାଧାନ କରିବା ପାଇଁ ଅତିରିକ୍ତ ଜିଲ୍ଲାପାଳ ନିର୍ଦେଶ ଦେଇଥିଲେ । ମାତ୍ର ବାମ କେନାଲ ଅଧିକ୍ଷଣ ଯନ୍ତ୍ରୀ ଏବଂ ତାଙ୍କ ଦୁଇଜଣ ଠିକାଦାର ତଥା ମାପଚୁପ କରୁଥିବା ଦୁଇଜଣ ପି.ଡବ୍ଲୁ.ଡି. କର୍ମଚାରୀ ଓ ନାଗରିକ କମିଟୀର ସଭାପତି ତଥା ସମ୍ପାଦକ ଉପସ୍ଥିତ ଥିଲେ । ପି.ଡବ୍ଲୁ.ଡି. କର୍ମଚାରୀ ରାସ୍ତା ଜବରଦଖଲ ବହୁ ପରିମାଣ ରେ ହୋଇଥିବା ଦର୍ଶାଇଥିଲେ ଏବଂ ଏହାକୁ ହଟେଇବା ଜରୁରୀ ବୋଲି କହିଥିଲେ । ଯେଉଁ ବାଏପାସ ରାସ୍ତା ପାଇଁ ଦିର୍ଘବର୍ଷ ହେଲା ଆନ୍ଦୋଳନ ହୋଇ ଆସୁଛି ଏବଂ ଏବେ ସରକାର କୋଟିକୋଟି ଟଙ୍କା ଖର୍ଚ୍ଚ କରି ରାସ୍ତା ତିଆରି କରୁଛନ୍ତି ସେଠାରେ ରାସ୍ତା ଅବରୋଧ ନହେଉ ଏବଂ ବିସ୍ତାପିତ ମାନେ ବିଜୁଳୀ ପାଆନ୍ତୁ ବୋଲି ନାଗରିକ କମିଟୀ ପ୍ରସ୍ତାବ ଦେଇଥିଲା । ଏଥିରେ ଠିକାଦାର ମାନେ ତାକୁ ଅଲଗାଇଦେଇ ପୁଣି ୨୨୦ ଭୋଲ୍ଟ ବିଦ୍ୟୁତ ତାର ତଳେ ୩୩ କେଭି ବିଦ୍ୟୁତ ତାର ନେବୁ ବୋଲି କହିଥିଲେ । ନାଗରିକ କମିଟୀ ଏହାକୁ ଯୋରଦାର ବିରୋଧ କରି ମାଟି ତଳେ କିମ୍ବା ଗ୍ରୀଡର ପଛପଟରୁ ତାର ନେବା ପାଇଁ ପ୍ରସ୍ତାବ ଦେଇଥିଲେ । କୌଣସି ବିଦ୍ୟୁତ ବିଶେଷ ଜ୍ଞ ଉପସ୍ଥିତ ନ ଥିବାରୁ ସମସ୍ୟା ର ସମାଧାନ ହୋଇ ପାରିଲା ନାହିଁ । ତେଣୁ ଆଜି ପୁଣି ଥରେ ନାଗରିକ କମିଟୀ ର ସମ୍ପାଦକ ମଧୁସୁଦନ ନାୟକ ବିସ୍ଥାପିତ ଙ୍କୁ ବିଦ୍ୟୁତ ଯୋଗାଯାଉ କିନ୍ତୁ ବାଏପାସ ରାସ୍ତା ଅବରୋଧ ନହେଉ। ପୁନଶ୍ଚ ସୁଶ୍ରୀ ଅନୁଷ୍ଠାନ ର ଚାରିପଟେ ତଥା ରାସ୍ତାର ଉଭୟ ପାଶ୍ୱରେ ବିପଦପୁର୍ଣ୍ଣ ଭାବରେ ଉଚ୍ଚକ୍ଷମତାସମ୍ପର୍ଣ୍ଣ ବିଦ୍ୟୁତ ତାର ଯାଇଛି । ଏଠାରେ ୨୨୦ ଭୋଲ୍ଟ ବିଦ୍ୟୁତ ତାର ତଳେ ୩୩ କେଭି ବିଦ୍ୟୁତ ତାର ନିଆ ନ ଯାଇ ଗ୍ରୀଡର ପଛପଟରୁ ଉକ୍ତ ଲାଇନ ନେବା ପାଇଁ ତଥା ସଦାଇପାଲି ଗ୍ରୀଡରେ ଗୋଟିଏ ସଭା ଡାକି ତୁରନ୍ତ ନିଷ୍ପତି ନେବା ପାଇଁ ଦାବୀ କରାଯାଇଛି ।