29-Apr-2025

କଟକ (ପ୍ରେରଣା ଖବର): ସାମ୍ପ୍ରତିକ ପରିସ୍ଥିତିରେ ମହିଳାମାନଙ୍କ ଆର୍ଥିକ ସମସ୍ୟାକୁ ଦୃଷ୍ଟିରେ ରଖି ସେମାନଙ୍କୁ ସ୍ବାବଲମ୍ବୀ କରିବା ପାଇଁ ଉଦୀୟମାନ ସୁଭଦ୍ରା ସ୍ବାବଲମ୍ବୀ ମହିଳା ଶିକ୍ଷାନୁଷ୍ଠାନ କଟକ ଶାଖା ପକ୍ଷରୁ ସ୍ଥାନୀୟ ମହିଳା ମାନଙ୍କୁ ବିନାମୂଲ୍ୟରେ ଦୀର୍ଘଦିନ ଧରି ସିଲାଇ ଶିକ୍ଷା ଦିଆ ଯାଉଥିଲା  ସିଲାଇ ଶିକ୍ଷା ଦିଆଯିବା ପରେ ଅନୁଷ୍ଠାନ ପକ୍ଷରୁ  ସେମାନଙ୍କର ପରୀକ୍ଷା ମଧ୍ୟ  ଅନୁଷ୍ଟିତ  ହୋଇଯାଇଛି। ପାଖାପାଖି ୫୦ରୁ ଉର୍ଦ୍ଧ ମହିଳା ସିଲାଇ ଶିକ୍ଷା କଲାପରେ ପରୀକ୍ଷା ମଧ୍ୟ ଦେଉଥିଲେ। ସେମାନଙ୍କୁ ସ୍ବାବଲମ୍ବୀ କରିବା ପାଇଁ ସମ୍ପଦିକା  ଗୀତାଞ୍ଜଳୀ ନିଜେ ସେମାନଙ୍କୁ ସିଲାଇ ଶିକ୍ଷା ଦାନ କରି ଉତ୍ସାହିତ କରିଥଲେ। ଅନୁଷ୍ଠାନର ସଭାନେତ୍ରୀ

ସାହିତ୍ୟିକା ମୀରା ବେଉରା ମହିଳାମାନେ ଅନଷ୍ଟlନରୁ ପାଇଥିବା ଶିକ୍ଷା ଦ୍ବାରା କିପରି ନିଜେ ସ୍ବାବଲମ୍ବୀ ହେବା ସହ ସମାଜସେବା କ୍ଷେତ୍ରରେ ନିଜକୁ ନିୟୋଜିତ କରିବେ ସେ ସମ୍ପର୍କରେ ସେମାନଙ୍କୁ ସଚେତନ କରିଥଲେ।

ଉକ୍ତ କାର୍ଯ୍ୟକ୍ରମରେ ଅନୁଷ୍ଟାନର ମୁଖ୍ୟ ଶାଖା ଚଣ୍ଡିଖୋଲରୁ ଅନୁଷ୍ଠାନର ପ୍ରତିଷ୍ଠାତା ଅନିଲ କୁମାର ଦାସ ଓ ସମ୍ପାଦିକା ଅରୁଣି ନନ୍ଦ ଓ ଅନ୍ୟାନ୍ୟ କର୍ମକର୍ତ୍ତା ଯୋଗଦେଇ ମହିଳା ମାନଙ୍କୁ ଉତ୍ସାହିତ କରିଥି ଲେ। କାର୍ଯକାରୀ ସଭାନେତ୍ରୀ ମଞ୍ଜୁଲତା ଜେନା, ଉପସଭାନେତ୍ରି ଅନ୍ନପୂର୍ଣ୍ଣା ଦାଶ, ମାନସିଦାସ, କଳ୍ପନା ବେହେରା, ବିବେକ ଦଳାଇ, ଅଂଶୁମାନ ସିଂହ, ସମାଜସେବୀ ଚିତ୍ତରଞ୍ଜନ ପରିଡ଼ା, ପାଙ୍କଜିନି ପରିଡ଼ା ଜୋଗଦେଇ କାର୍ଯକ୍ରମ ପରିଚାଳନା କରିଥିଲେ। ମୁଖ୍ୟ ଉପଦେଷ୍ଟା ଦିନେଶ ଗୁପ୍ତା  ଆଗାମୀ ଦିନରେ  ଅନୁଷ୍ଟlନର ବାର୍ଷିକ ଉତ୍ସବରେ କୃତୀ ମହିଳାଙ୍କୁ ପୁରସ୍କୃତ କରାଯିବ ବୋଲି  ଘୋଷଣା କରି ସମସ୍ତକୁ  ଧନ୍ୟବାଦ୍ ଜଣାଇଥିଲେ ।