19-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)- ଜେ. ସି. ଆଇ ଦ୍ୱାରା ଆୟୋଜିତ ତିନି ଦିନିଆ ଶିକ୍ଷାଗତ ମେଳାରେ ସଂସ୍କାର ଆନ୍ତର୍ଜାତୀୟ ବିଦ୍ୟାଳୟ ଅଂଶଗ୍ରହଣ କରୁଛି | ଏହି ମେଳା ୧୮ ରୁ ୨୦ ଏପ୍ରିଲ୍ ପର୍ଯ୍ୟନ୍ତ ଆୟୋଜିତ ହେଉଛି ଏଥିରେ ବିଭିନ୍ନ ବିଦ୍ୟାଳୟ, କୋଚିଂ ସେଣ୍ଟର,  ମହାବିଦ୍ୟାଳୟ ଏବଂ ଶିକ୍ଷାଗତ ଅନୁଷ୍ଠାନ ସହିତ ସଂସ୍କାର ଆନ୍ତର୍ଜାତୀୟ ବିଦ୍ୟାଳୟ ମଧ୍ୟ ନିଜର ଷ୍ଟଲ ଲଗାଇଛି | ଷ୍ଟଲର ଉଦ୍‌ଘାଟନ ବିଦ୍ୟାଳୟର ପ୍ରତିଷ୍ଠାତ୍ରୀ ଶ୍ରୀମତୀ ସାବିତ୍ରୀ ଦେବୀ ସାୱଡ଼ିୟା ଫିତା କାଟି କରିଥିଲେ | ସମୁଦାୟ ଚାରୋଟି ଷ୍ଟଲରେ ବିଭିନ୍ନ ବିଭାଗକୁ ଅବଗତ କରାଯାଇଛି | ପ୍ରଥମ ଷ୍ଟଲରେ ପ୍ରି ପ୍ରାଥମିକ ତଥା ସୈପଲିଙ୍ଗ ସମ୍ବନ୍ଧିତ ସୁବିଧା ସମ୍ପର୍କରେ କୁହାଯାଉଛି, ଦ୍ୱିତୀୟ ଷ୍ଟିଲରେ ଯୁକ୍ତଦୁଇ ପ୍ରଥମ ବର୍ଷ ବାଣିଜ୍ୟ ଏବଂ ବିଜ୍ଞାନର CA, CUET, CLAT, JEE, IIT, NIIT ଇତ୍ୟାଦି ବିକ୍ଷୟରେ ଇଣ୍ଟିଗ୍ରେଟେଡ କୋର୍ସ ଏବଂ ଏହିସବୁ ଦେୟ ରେ ୨୦% ଛାଡ଼ ସମ୍ବନ୍ଧରେ ସମ୍ପୂର୍ଣ୍ଣ ତଥ୍ୟ ପ୍ରଦାନ କରାଯାଉଛି | ତୃତୀୟ ଷ୍ଟଲରେ ସଂସ୍କାରର ଛାତ୍ରମାନଙ୍କ ଦ୍ୱାରା ଆସୁଥିବା ଅତିଥି ଛାତ୍ରମାନଙ୍କର ବୌଦ୍ଧିକ ପରୀକ୍ଷା କରାଯାଉଛି l ଏହାର ଅନ୍ତର୍ଗତ ସାଧାରଣ ଜ୍ଞାନର ରୁଚିପୂର୍ଣ୍ଣ ପ୍ରଶ୍ନ ପଚରାଯାଉଛି, ଯାହାକି ନବମ ଶ୍ରେଣୀଠାରୁ ଯୁକ୍ତଦୁଇ ପର୍ଯ୍ୟନ୍ତ ବିଦ୍ୟାର୍ଥୀମାନଙ୍କ ପାଇଁ ଅଟେ |

ଚତୁର୍ଥ ଷ୍ଟଲ୍ ରେ ସଂଗୀତ ଏବଂ କଳାର ପ୍ରତିଭାଧାରୀ ଏବଂ କୌଶଳଯୁକ୍ତ ବିଦ୍ୟାର୍ଥୀମାନଙ୍କୁ ଏକ ପ୍ରୋତ୍ସାହନ ପ୍ରମାଣପତ୍ର ଦେଇ ପୁରସ୍କୃତ କରାଯାଉଛି | ଏହି ଚାରୋଟି ଷ୍ଟଲ୍ ଛାତ୍ର ଏବଂ ଶିକ୍ଷକମାନଙ୍କ ଦ୍ୱାରା ସଂଚାଳନ କରାଯାଉଛି | ଏହି ଶିକ୍ଷାଗତ ମେଳାରେ ବିଦ୍ୟାଳୟର ପ୍ରତିଷ୍ଠାତ୍ରୀ ଶ୍ରୀମତୀ ସାବିତ୍ରୀ ଦେବୀ ସାୱଡ଼ିୟା, ଚେୟାରମ୍ୟାନ ଶ୍ରୀ ସୁମନ ସାୱଡ଼ିୟା , ମ୍ଯାନେଜମେନ୍ଟ, ବିଦ୍ୟାଳୟର ପ୍ରିନ୍ସିପ୍ଯାଲ   ଏବଂ ଶିକ୍ଷକବୃନ୍ଦ ଉପସ୍ଥିତ ଥିଲେ । ଚେୟାରମେନ ଶ୍ରୀ ସୁମନ ସାୱଡିୟା କହିଲେ ଯେ ସଂସ୍କାର ଆନ୍ତର୍ଜାତୀୟ ବିଦ୍ୟାଳୟର ଷ୍ଟଲ ଲଗାଇବାର ମୁଖ୍ୟ ଉଦ୍ଦେଶ୍ୟ ହେଉଛି ଅଧିକରୁ ଅଧିକ ଲୋକଙ୍କ ପର୍ଯ୍ୟନ୍ତ ସଂସ୍କାରର କ୍ଷମତା, ପରିବେଶ ,ସୁବିଧା ଏବଂ ଉପଲବ୍ଧିଗୁଡିକୁ ପହଞ୍ଚାଇବା l ଏହି ଶିକ୍ଷା ମେଳା ରେ ସଂସ୍କାର ସ୍କୁଲର ଷ୍ଟଲ ସମସ୍ତ ଅଭିଭାବକ  ଏବଂ ପରିଦର୍ଶକଙ୍କ ଦୃଷ୍ଟି ଆକର୍ଷଣ କରିବାରେ ସଫଳ ହୋଇଥିଲା | ବହୁ ସଂଖ୍ୟକ ଲୋକ ଷ୍ଟଲକୁ ଆସି ବିଭିନ୍ନ ସୂଚନା ନେଉଥିଲେ।