28-Mar-2025

ଲୋଇସିଂହା, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଲୋଇସିଂହା ସ୍ଥିତ କେନ୍ଦ୍ର ସମବାୟ ବ୍ୟାଙ୍କର ବିଚିତ୍ର ନୀତି ଯୋଗୁଁ ହିତାଧିକାରୀ ହଟହଟା ହେଉଥିବା ଅଭିଯୋଗ ହୋଇଛି l ଚାଷୀ ତଥା ହିତାଧିକାରୀ ମାନେ ବ୍ୟାଙ୍କକୁ ଜମା ଟଙ୍କା ଉଠାଣ ପାଇଁ ଗଲେ ପ୍ରଥମେ ଋଣ ସୁଝ ତାପରେ ଟଙ୍କା ଉଠାଣ କରି ପାରିବେ ବୋଲି କତୃପକ୍ଷ କହୁଥିବା ଜାଣିବାକୁ ମିଳିଛି l ରଣ ଡିଫଲ୍ମର ହିତାଧିକାରୀ ସମସ୍ୟାରେ ପଡି ଯାଉଛନ୍ତି । ଏହା କୁ ନେଇ ହିତାଧିକାରୀ ମହଲରେ ଅସନ୍ତୋଷ ପ୍ରକାଶ ପାଉଛି । ଲୋଇସିଂହା ବ୍ଳକ ବାଦିବାହାଲ ପରାଂୟତ ଆଗଲାପାଲି ଗ୍ରାମର ଚାଷି ରଘୁନାଥ ମହାକୁର । ଯୋଗୀସର୍ଡା ପ୍ରାଥମିକ କୃଷି ସମବାୟ ସମିତି (ପାକୃ)ର ଜଣେ ଋଣୀ ଚାଷୀ । ଚାଷୀ ରଘୁନାଥ ଚଳିତ ଖରିବରେ ପାକ୍ଟରେ ଧାନବିକ୍ରି କରିଥିଲେ । ଲୋଇସିଂହା କେନ୍ଦ୍ର ସମବାୟ ବ୍ୟାଙ୍କ ଜମା ଖାତାରେ ଧାନବିକ୍ରି ବାବଦକୁ ୧ଲକ୍ଷ ୧୩ ହଜାର ଟଙ୍କା ଜମା ହୋଇଛି । ଗୁରୁବାର ରଘୁନାଥ ଧାନବିକ୍ରି ଜମା ଟଙ୍କାରୁ ୫୦ ହଜାର ଟଙ୍କା ଉଠାଣ ପାଇଁ ବ୍ୟାଙ୍କ କୁ ଯାଇଥିଲେ । ହେଲେ ୱଡ୍ରାଲ ଫର୍ମ ଇନିସିଆଲ ପାଇଁ ମ୍ୟାନେଜର ପାଖକୁ ଯାଇଥିଲା । ସେତେବଳେ ମ୍ୟାନେଜର ହିତାଧୁକାରୀଙ୍କୁ ଡାକି ରଣ ବାବଦକୁ ୨୦ ହଜାର ଟଙ୍କା ବାନ୍ଧିବାକୁ କହିଥିଲେ । ହେଲେ ଚାଷୀ ତଥା ହିତାକାରୀ ରଘୁନାଥ ସେ ଡିଫଲ୍ଟଡର ନଥିବା ଏବଂ ନିୟମିତ ଋଣ ପରିଶୋଧ କରୁଥିବା କହିଥିଲେ ବି ଟଙ୍କା ଦେବାରେ ଅମଙ୍ଗଳ ପ୍ରକାଶ କରିଥିଲେ । ଏପରିକି ପାକୁ ସମ୍ପାଦକଙ୍କୁ ଉପରୋକ୍ତ ସମସ୍ୟା ଜଣାଇଥିଲେ ସୁଦ୍ଧା ସେ ମଧ୍ୟ ଅସହାୟ ପ୍ରକାଶ କରିଥିବା ଚାଷୀ ରଘୁନାଥ କହିଛନ୍ତି । ପାରିବାରିକ ସମସ୍ୟା ଥିଲେ ସୁଦ୍ଧା ଆବଶ୍ୟକ ସମୟରେ ବ୍ୟାଙ୍କ ଜମା ଟଙ୍କା ଦେଉ ନଥୁବରୁ ସେ କ୍ଷୋଭ ପ୍ରକାଶ କରିଛନ୍ତି । କେବଳ ରଘୁନାଥ ନୁହେଁ ଅନେକ ଚାଷୀଙ୍କୁ ରିତିମତ ହଇରାଣ କରା ଯାଉଥିବା ଅଭିଯୋଗ ହେଉଛି । ଏଥିପ୍ରତି ଜିଲ୍ଲା ପ୍ରଶାସନ କିମ୍ବା ଜିଲା କେନ୍ଦ୍ର ସମବାୟ ବ୍ୟାଙ୍କ ବୋର୍ଡ ସଭାପତିଙ୍କ ଦୃଷ୍ଟି ନଥୁବାରୁ ଚାଷୀ ମହଲରେ ଅସନ୍ତୋଷ ର କାରଣ ସାଜିଛି । ଏସମ୍ପର୍କରେ ବ୍ୟାଙ୍କ ମ୍ୟାନେଜରଙ୍କ ପ୍ରତିକ୍ରିୟା ମିଳିପାରିନାହିଁ । ବିଡିଓ ମହାପାତ୍ର କୁଲବୀପ ମହାନ୍ତି କହନ୍ତି ଡିଫଲୁଡର ହୋଇନଥିଲେ ଟଙ୍କା ଦେବା କଥା କଣ ତାଙ୍କ ନିୟମ ରହିଛି । ଚାଷୀଙ୍କୁ ହଇରାଣ ନକରିବା ପାଇଁ ମ୍ୟାନେଜରଙ୍କ ସହ ଏ ବାବଦରେ ଆଲୋଚନା କରିବି ବୋଲି ସେ କହିଥିଲେ l