28-Mar-2025

ବଲାଙ୍ଗୀର(ପ୍ରେରଣା ଖବର): ଆଜି ବଲାଙ୍ଗୀର ସ୍ଥିତ ହୋଟେଲ ପାର୍କ ଲେଣ୍ଡରେ ଓସମେ ଓ ଜିଲ୍ଲା ଶିଳ୍ପ କେନ୍ଦ୍ର ବଲାଙ୍ଗୀରର ମିଳିତ ଆନୁକୂଲ୍ୟରେ ଗୁଣବତ୍ତା ଯାତ୍ରା ଏବଂ କ୍ଷମତା ନିର୍ମାଣ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି l ଉକ୍ତ ଶିବିରରେ  ଶିଳ୍ପାଦ୍ୟୋଗୀ ଅନୁଷ୍ଠାନ ଓଏସମେ ସଭାପତି ପ୍ରକାଶ କୁମାର ନେପାକ, ସମ୍ପାଦକ ଦେବଜ୍ୟୋତି ପୁରୋହିତ, ଜେନେରାଲ ମେନେଜର, ଜିଲ୍ଲା ଶିଳ୍ପ କେନ୍ଦ୍ର ବିଷ୍ଣୁ ପ୍ରସାଦ ଦାସ, ସନ ସାଇନ୍ ଇଣ୍ଡିଆ ତଥା ଏନ.ଏ.ବି.ଏଲ ପ୍ରତିନିଧି ସରୋଜ କୁମାର ନନ୍ଦ, ଲିଡ ବ୍ୟାଙ୍କ ମ୍ୟାନେଜେର ପ୍ରଶାନ୍ତ କୁମାର ବେହେରା, ଦୀପା ଅନୁଷ୍ଠାନର ସଂକେତ ତ୍ରିପାଠୀ,  ଓଏଏସମେ କର୍ମକର୍ତ୍ତା ଶିଧେଶ୍ୱର ମିଶ୍ର ପ୍ରମୁଖ ଅତିଥି ରୂପେ ଯୋଗଦାନ କରି ଗୁଣ ବତ୍ତା ଯାତ୍ରା ଏବଂ କ୍ଷମତା ନିର୍ମାଣ ସଚେତନତା ଶିବିରରେ ଉଦବୋଧନ ଦେଇ ନୂତନ ଦକ୍ଷତା ଅର୍ଜନ, ଯାନ୍ତ୍ରିକତା ଅପଗ୍ରେଡ଼ ଏବଂ ଉତ୍ପାଦନ ପ୍ରକ୍ରିୟା ରେ ଉନ୍ନତି ତଥା ବଜାରରେ ଆଧିପତ୍ୟ ଏବଂ ଗ୍ରାହକଙ୍କ ଭରସା ବଢେଇବା ପାଇଁ ଉଚ୍ଚ ଗୁଣବତ୍ତା ମାନ ରଖିବା ପାଇଁ  ପ୍ରଶିକ୍ଷଣ ଦେଇଥିଲେ l ଓଏସମେ ସଭାପତି ପ୍ରକାଶ ନେପାକ ଓଏସମେ,ଏମ ଏସ ଏମ ଇ ଏବଂ ଏସ ଏଚ ଜି ମାନଙ୍କୁ ନୀତିଗତ ସମର୍ଥନ, ଶିକ୍ଷା ଏବଂ ପ୍ରଶିକ୍ଷଣ ଏବଂ ଅର୍ଥନୈତିକ ଆସ୍ଥା ଦେବାପାଇଁ କର୍ତ୍ତବ୍ୟରତ ବୋଲି ପ୍ରକାଶ କରିଛନ୍ତି l 
ଓଏସମେ ସମ୍ପାଦକ ଦେବଜ୍ୟୋତି ପୁରୋହିତ ଏହି ସଂସ୍ଥା ଦୀର୍ଘ 36 ବର୍ଷ ଧରି ସମସ୍ତ ଶିଳ୍ପଦ୍ୟୋଗୀ, ଏସ ଏଚ ଜି ଏବଂ ଉଦ୍ୟୋଗୀ ମାନଙ୍କୁ ସମସ୍ତ ସାହାଯ୍ୟ ସହଯୋଗ କରି ଆସିଛି ଏବଂ ଭବିଷ୍ୟତ ରେ କରିବ l ଜି ଏମ ଡି ଆଇ ସି ଦାସ ବାବୁ ଶିଳ୍ପ ପ୍ରତିଷ୍ଠା ପାଇଁ ସରକାରଙ୍କ ବିଭିନ୍ନ ଯୋଜନା ବିଷୟରେ ଆଲୋକପାତ କରିଥିଲେ ଏବଂ ଦକ୍ଷତା ନିର୍ମାଣ ଉପରେ ପ୍ରଶିକ୍ଷଣ କରିଥିଲେ l ଲିଡ ବ୍ୟାଙ୍କ ମ୍ୟାନେଜେର ପ୍ରଶାନ୍ତ ବେହେରା ଶିଳ୍ପ ସନ୍ଥା ଓ ଉଦ୍ୟୋଗୀ ମାନଙ୍କୁ ବ୍ୟାଙ୍କ 
ମାନଙ୍କ ସହାୟତା ତଥା ବିଭିନ୍ନ ଯୋଜନା ବିଷୟରେ ସୂଚନା ଦେଇଥିଲେ l ସନ ଶାଇନ ଇଣ୍ଡିଆ ତଥା ଏନ ଏ ବି ଏଲ ପ୍ରତିନିଧି ସରୋଜ କୁମାର ନନ୍ଦ ଗୁଣବତ୍ତା ଯାତ୍ରାର ଉଦ୍ଦେଶ୍ୟ ବିଷୟରେ ଆଲୋକପାତ କରି  ଶିଳ୍ପ ଅନୁଷ୍ଠାନ ପାଇଁ ଜେଡ ସାର୍ଟିଫିକେଟ ନିୟମାବଳୀର ପ୍ରଶିକ୍ଷଣ କରିଥିଲେ l ଶିଳ୍ପଦ୍ୟୋଗୀ ତ୍ରିଲୋକନାଥ ଜୈନ ଓ କାଁହୁ ଚରଣ ସାହୁଙ୍କୁ ସଫଳ ଉଦ୍ୟୋଗୀ ପାଇଁ ସମ୍ମାନିତ କରାଯାଇଥିଲା l
ଓସମେ କର୍ମ କର୍ତ୍ତା ଆଶିଷ ହୋତା ଏହି ଶିବିରକୁ ସଂଯୋଜନା କରିଥିଲେ l ବଲାଙ୍ଗୀର ଶାଖା ଉପସଭାପତି ସବ୍ୟସାଚୀ ମାଝୀ ଧନ୍ୟବାଦ ଅର୍ପଣ କରିଥିଲେ l ଏହି ଶିବିରକୁ ଆୟୋଜନ କରିବାରେ ଜିଲ୍ଲା ଶିଳ୍ପ କେନ୍ଦ୍ର ସହକାରୀ ଅଧିକାରୀ ନିରୋଜ ରଞ୍ଜନ ପାଣିଗ୍ରାହୀ,ଦୀପା ଟିମ,ଓ଼ଏସ ମେ କୋଷାଧକ୍ଷ ଆଲୋକ ମହାନ୍ତି,ନିହାର ରଞ୍ଜନ ସ୍ୱାଇଁ, ମେହତାବ ଆଲାମ , ସନ୍ତୋଷ ପଧାନ, ମିଥୁନ ପଟ୍ଟନାୟକ, କୁନୁ ପତ ପାତ୍ର,ଭିକି ଅଗ୍ରୱାଲ, ରବି ରଞ୍ଜନ ପୂଜାରୀ, ବୁଲୁ ପୁରୋହିତ ଏହି  ଶିବିର ଆୟୋଜନରେ ସହାୟତା କରିଥିଲେ l ଓଏସମେ କର୍ମ କର୍ତ୍ତା ନିହାର ରଞ୍ଜନ ସ୍ୱାଇଁ  ଶେଷରେ ଧନ୍ୟବାଦ ଅର୍ପଣ କରିଥିଲେ l ବଲାଙ୍ଗୀର ଜିଲ୍ଲା ସମସ୍ତ  ଶିଳ୍ପ ଅନୁଷ୍ଠାନ ସ୍ୱୟଂ ସହାୟିକା ସଂଘ ଉଦ୍ୟୋଗୀ ମାନେ ଯୋଗଦାନ କରିଥିଲେ l