19-Mar-2025

ରେଢ଼ାଖୋଲ(ଅନିଲ ପୃଷ୍ଟି) ରେଢ଼ାଖୋଲ ବିଜ୍ଞାପିତ ଅଂଚଳ ପରିଷଦର ନିଆର କାର୍ଯ୍ୟକ୍ରମ ବଡା ଖାନା  ଅନୁଷ୍ଠିତ ହୋଇଯାଇଛି | କଲେଜ ଛକ ବିଜୁ ପଟ୍ଟନାୟକ କଲ୍ୟାଣ ମଣ୍ଡପ ଠାରେ ବୁଧବାର ସକାଳେ ଅନୁଷ୍ଠିତ କାର୍ଯ୍ୟକ୍ରମରେ ଅତିଥି ଭାବେ ଏନଏସି ଅଧ୍ୟକ୍ଷ ଶିବରାମ ସାହୁ, ଉପାଧ୍ୟକ୍ଷା ଅନୁସୟା ପ୍ରଧାନ, ତହସିଲଦାର ପ୍ରଭାତ ରଞ୍ଜନ ବିଶ୍ୱାଳ, ଉପଖଣ୍ଡ ପ୍ରାଣୀ ଚିକିତ୍ସା ଅଧିକାରୀ ଡା ସତ୍ୟନାରାୟଣ ସାହୁ, ଉପଖଣ୍ଡ ସୂଚନା ଓ ଲୋକ ସମ୍ପର୍କ ଅଧିକାରୀ ଫକିର ମୋହନ ମାଝୀ, ବିଜ୍ଞାପିତ ଅଞ୍ଚଳ ପରିଷଦର ନିର୍ବାହୀ ଅଧିକାରୀ ବିରଞ୍ଚି ଧରୁଆ ପ୍ରମୁଖ ମଂଚାସୀନ ଥିଲେ | ଉପସ୍ଥିତ ଅତିଥିମାନେ ବକ୍ତବ୍ୟରେ ସଫେଇ କର୍ମଚାରୀଙ୍କ କାର୍ଯ୍ୟକୁ ବହୁ ପ୍ରଶଂସା କରିବା ସହିତ ସେମାନଙ୍କୁ ଉତ୍ସାହିତ କରିଥିଲେ |  ସହରକୁ ସ୍ୱଚ୍ଛ ଓ ସୁନ୍ଦର କରିବାକୁ ହେଲେ ଜନସାଧାରଣଙ୍କ ସହଯୋଗ ଅତ୍ୟନ୍ତ ଜରୁରୀ  | ଜନସାଧାରଣ ଏଥିରେ ସହଯୋଗ କରିବାକୁ ଅତିଥି ମାନେ ଅନୁରୋଧ କରିଛନ୍ତି | ଖୁବ ଶୀଘ୍ର ରେଢ଼ାଖୋଲ ସହରରେ  ଲୋକେ ଚାଖଟିରେ ମାଟି ପାତ୍ରରେ ଚା ପିଇବେ | ସେଥିପାଇଁ ପ୍ରସ୍ତୁତି କରାଯାଉଛି ବୋଲି ଏନଏସି

ଅଧ୍ୟକ୍ଷ ଶିବରାମ ସାହୁ କହିଛନ୍ତି | ସେଥିପାଇଁ ବଡା ଖାନା କାର୍ଯ୍ୟକ୍ରମ ସଫେଇ କର୍ମଚାରୀ ମାନଙ୍କ ନିମନ୍ତେ ସ୍ୱତନ୍ତ୍ର  ହୋଇଥିବାରୁ ସମସ୍ତ  କର୍ମଚାରୀଙ୍କୁ ଅତିଥି ମାନେ ଫୁଲତୋଡ଼ା ଦେଇ ସ୍ୱାଗତ କରିବା ସହିତ ନିଜ ହାତରେ ସଫେଇ କର୍ମଚାରୀଙ୍କ ନିମନ୍ତେ ଖାଦ୍ୟ ପରଷିବା ପରେ ଅତିଥି ମାନେ

ଖାଇ ଥିଲେ | ସଭାକୁ ଅମିତାଭ ପାଣିଗ୍ରାହୀ ପରିଚାଳନା କରିଥିଲେ | ଏହି କାର୍ଯ୍ୟକ୍ରମରେ ଏନ‌ଏସିର ବରିଷ୍ଠ କିରାଣି ବୀରେନ୍ଦ୍ର ପୁରୋହିତ , ସିଇଓ ଭାରତୀ ପ୍ରଗଣୀଆ, କାଉନସିଲର କଳ୍ପନା ନାଏକ , ରଶ୍ମିରଞ୍ଜନ ଭଞ , କୁମୁଦ ନାଗ ତପସ୍ୱିନୀ ମହାକୁଡ଼ ଙ୍କ ସମେତ ସମସ୍ତ ସ୍ବଛ ସାଥୀ ମାନେ ଯୋଗଦେଇଥିଲେ ।