10-Mar-2025

ବଲାଙ୍ଗିର: ଆଜି ଠାରୁ ନବମ ଶ୍ରେଣୀର ବାର୍ଷିକ ପରୀକ୍ଷା ଆରମ୍ଭ ହୋଇଯାଇଛି। ପ୍ରୋଗ୍ରାମ ଅନୁଯାୟୀ ପରୀକ୍ଷା ସକାଳ ୭ ଟାରୁ ଆରମ୍ଭ ହୋଇ ୯.୩୦ ପର୍ଯ୍ୟନ୍ତ ସମୟ ଧାର୍ଯ୍ୟ ହୋଇଛି।ଏଣୁ ଭଦ୍ରକର ଏକ ପ୍ରଶ୍ନପତ୍ର ନିର୍ମାତା ସଂସ୍ଥା ଯାହାର ନାମ ଛାତ୍ର ସଖା ସେ ବଲାଙ୍ଗିର ଟାଉନରେ ଥିବା ୧୦/୧୨ ଗୋଟି ହାଇସ୍କୁଲକୁ ଏହି ପ୍ରଶ୍ନପତ୍ର ଯୋଗାଇ ଦେଇଛନ୍ତି। ପ୍ରଶ୍ନପତ୍ର ବିଭିନ୍ନ ସଂସ୍ଥା ତିଆରି କରୁଥିବା ବେଳେ ପରୀକ୍ଷା ସମୟ ମଧ୍ୟ ଧାର୍ଯ୍ୟ କରାଯାଇଛି।ପ୍ରଶ୍ନପତ୍ର ପାଇଁ ଛାତ୍ରଛାତ୍ରୀ ମାନଙ୍କୁ ୮୦ ଟଙ୍କା ପରୀକ୍ଷା ଫିଜ୍ ଦେବାକୁ ପଡ଼ୁଛି। 
ବଲାଙ୍ଗିରରେ ଗ୍ରୀଷ୍ମପ୍ରବାହ ଅନୁଭୂତ ହୋଇଥିବାରୁ ପରୀକ୍ଷା ସକାଳୁଆ କରିବା ପାଇଁ ପ୍ରୋଗ୍ରାମରେ ଦର୍ଶାଯାଇଛି। ଆଜି ସକାଳ ୭  ରେ ଟାଉନ ବଏଜ୍ ହାଇସ୍କୁଲ ଏବଂ ଟାଉନ ଗାର୍ଲ୍ସ ହାଇସ୍କୁଲରେ ବାର୍ଷିକ ପରୀକ୍ଷା ଆରମ୍ଭ ହୋଇଯାଇଛି।କିନ୍ତୁ କେଉଁ କାରଣରୁ ପୃଥ୍ୱୀରାଜ ହାଇସ୍କୁଲ,ସରକାରୀ ବାଳିକା ବିଦ୍ୟାଳୟ ଏବଂ ପତିତପାବନ ଏକାଡେମୀରେ ପୂର୍ବାହ୍ନ ୧୦ ରେ ଆରମ୍ଭ ହୋଇଥିଲା। ଏହାର କାରଣ ଫୋନ୍ ଯୋଗେ  ପୃଥ୍ୱୀରାଜ ହାଇସ୍କୁଲର ପ୍ରଧାନ ଶିକ୍ଷୟତ୍ରୀଙ୍କୁ  ଧାର୍ଯ୍ୟ ସମୟ ରେ ପରୀକ୍ଷା କାହିଁକି କଲେନାହିଁ ବୋଲି ଫୋନ୍ ଯୋଗେ ପଚାରିବାରୁ ସେ ପ୍ରତ୍ୟୁତ୍ତରରେ ଦ୍ଵିତୀୟ ଦିନ ଠାରୁ ସକାଳୁ ପରୀକ୍ଷା କରାଯିବ ବୋଲି କହିଥିଲେ।ତେବେ ମେରୀମର୍ଜି ଶାସନ ଚଳାଇଛନ୍ତି ପୃଥ୍ୱୀରାଜ ହାଇସ୍କୁଲର ପ୍ରଧାନ ଶିକ୍ଷୟତ୍ରୀ।ଉପରୋକ୍ତ ବିଷୟକୁ ନେଇ ଫୋନ୍ ଯୋଗେ ଜିଲ୍ଲା ଶିକ୍ଷାଧିଶ ପ୍ରଦୀପ କୁମାର ନାଗଙ୍କୁ ପଚାରିବାରୁ ପ୍ରତ୍ୟୁତ୍ତରରେ ନିର୍ଦ୍ଧାରିତ ସମୟରେ ପ୍ରୋଗ୍ରାମ ଅନୁଯାୟୀ ପରୀକ୍ଷା ହେବ ବୋଲି କହିଥିଲେ।
ତେବେ ଆଜି ସକାଳ ୭ରେ ହୋଇଥିବା ପରୀକ୍ଷା ଏବଂ ପରେ ପୂର୍ବାହ୍ନ ୧୦ ରେ ସେହି ପ୍ରଶ୍ନପତ୍ରରେ ହୋଇଥିବା ତିନି ଘଣ୍ଟା ଅନ୍ତରର ପରୀକ୍ଷା କେତେ ସ୍ବଚ୍ଛତା ଅବଲମ୍ବନ ହୋଇଥିବ ତଦନ୍ତ ସାପେକ୍ଷ।