10-Mar-2025

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ ବକଟି ପଞ୍ଚାୟତ ରେ ପଞ୍ଚାୟତ ସ୍ତରୀୟ ଜନ ଶୁଣାଣି ଶିବିର ଅନୁଷ୍ଠିତ ହୋଇ ଯାଇଛି l ଗ୍ରାମ ପଞ୍ଚାୟତ ର ନାଏବ ସରପଞ୍ଚ ସୁଶୀଲ ସେଠ ଓ କାର୍ଯ୍ୟନିର୍ବାହୀ ଅଧିକାରୀ ସୁଶ୍ରୀ ରୀତିକାରାଣୀ ପଟ୍ଟନାୟକ ଓ ଅତିରିକ୍ତ କାର୍ଯ ନିର୍ବାହୀ ଅଧିକାରୀ ଶ୍ରୀ ବିଜୟ କୁମାର ସାହୁ ଙ୍କ ତତ୍ୱାବଧାନ ରେ  କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ଗ୍ରାମ ପଞ୍ଚାୟତ ଅଧିକାରୀ ଶ୍ରୀ ସୌଭାଗ୍ୟ କୁମାର ପଧାନ୍ ମଧ୍ୟ ପଞ୍ଚାୟତ ସ୍ତରୀୟ ଜନ ଶୁଣାଣି କାର୍ଯକ୍ରମ ରେ ପୂର୍ଣ୍ଣ ସହଯୋଗ କରିଥିଲେ।ଆଜିର ଜନ ଶୁଣାଣି ଶିବିର କାର୍ଯକ୍ରମ ଆଗଲପୁର ବ୍ଲକ୍ , ଏବିଡ଼ିଓ ରୁଦ୍ରପ୍ରତାପ ସୁନା, ଶିଶୁ ବିକାଶ ପ୍ରକଳ୍ପ ଅଧିକାରୀ ଶ୍ରୀମତୀ ଶୁଭଶ୍ରୀ ମିଶ୍ର, ସାମାଜିକ ସୁରକ୍ଷା ଅଧିକାରୀ ଶ୍ରୀ ସୁଶାନ୍ତ ମହାକୁର, ସ୍ବାସ୍ଥ୍ୟ ଓ ପରିମଳ ବିଭାଗର ଯନ୍ତ୍ରୀ ଶ୍ରୀ ଦୁର୍ଗାପ୍ରସାଦ ମିଶ୍ର, ଅଭି ସାହୁ, ଅଂଶୁମାନ ବାବୁ, ଉଦ୍ୟାନ ବିଭାଗ ର ନରେନ୍ଦ୍ର ପଧାନ, ବି ପି ଏମ ଶ୍ରୀ ସରୋଜ କୁମାର ଧରୂଆ ମଧ୍ୟ କାର୍ଯ୍ୟକ୍ରମ ରେ ଯୋଗ ଦେଇଥିଲେ l

ତା ସହିତ ଯୋଗାଣ ବିଭାଗ ର ସହଯୋଗୀ ଅଧିକାରୀ, ଯୋଗାଣ ସହାୟକ, ମଧ୍ୟ ଉପସ୍ଥିତ ଥିଲେ।ଜନ ଶୁଣାଣି କାର୍ଯ୍ୟକ୍ରମ ରେ  କମ ସଂଖ୍ୟା ରେ ଅଭିଯୋଗ କାରୀ ଆସି ଥିବାର ଦେଖିବାକୁ ମିଳିଥିଲା। ବିଶେଷ କରି ମନରେଗା କାର୍ଯ୍ୟ ଉପରେ ଦୁଇଟି ଅଭିଯୋଗ ଓ ଭତ୍ତା ଉପରେ ଦୁଇଟି ଅଭିଯୋଗ ପଞ୍ଜିକରଣ ହୋଇଥିବା ସୂଚନା ଦେଇଛନ୍ତି।ଆଜିର ଜନ ଶୁଣାଣି କାର୍ଯକ୍ରମ ରେ ସର୍ବ ମୋଟ 4 ଗୋଟି ଅଭିଯୋଗ ପଞ୍ଜିକରଣ ହୋଇଥିବା ଅଧିକାରୀ କହିଛନ୍ତି।  ପଞ୍ଚାୟତ ର ସମସ୍ତ ଗ୍ରାମ ରେ ପ୍ରଚାର ପ୍ରସାର କରା ଯାଇଥିଲା ହେଲେ ଗ୍ରାମରେ ବର୍ତ୍ତମାନ ଶ୍ରୀଶ୍ରୀ ମହାପ୍ରଭୁ ଜଗନ୍ନାଥଙ୍କ ନବ କଲେବର ମହୋତ୍ସବ ଚାଲିଥିବାରୁ ଲୋକେ ବିଶେଷ ମାତ୍ରାରେ ଆସି ନଥିବା ନାଏବ ସରପଞ୍ଚ ସୂଚନା ଦେଇଛନ୍ତି । ତା ସହିତ ଏବେ ପ୍ରତ୍ୟେକ ଗ୍ରାମରେ ଆବାସ ଗୃହ ପାଇଁ ସର୍ଭେ କାମ ଚାଲି ଥିବାରୁ କେହି ଆସୁନଥିବା ଅନୁମାନ କରାଯାଉଛି l