17-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ଗୋଟିଏ ଅନୁଷ୍ଠାନ ର ପୁରାତନ ଛାତ୍ର ଓ ସେହି ବିଦ୍ୟାଳୟ ପୁରାତନ ଶିକ୍ଷକ ଶିକ୍ଷୟିତ୍ରୀ ହେଉଛନ୍ତି ସଂପୃକ୍ତ ବିଦ୍ୟାଳୟ ର ସମ୍ପତ୍ତି ବୋଲି ବରଗଡ଼ ବ୍ଲକ ସିମେଣ୍ଟ ନଗର ସରକାରୀ ଉଚ୍ଚ ବିଦ୍ୟାଳୟ ଠାରେ ରବିବାର ଆୟୋଜିତ ଆତ୍ମ ମନ୍ଥନ ଶିବିର ରେ ମତ ପ୍ରକାଶ ପାଇଛି । 
ପୂର୍ବ ତନ ପ୍ରଧାନ ଶିକ୍ଷକ ବିଶିଷ୍ଟ ସାହିତ୍ୟକ ମନୋରଞ୍ଜନ ସାହୁ ଙ୍କ ଅଧ୍ୟକ୍ଷତା ରେ ଅନୁଷ୍ଟିତ ଏହି କାର୍ଯ୍ୟକ୍ରମ ରେ ଏହି ସ୍କୁଲ ର ୨୦୦୯ ମସିହା ରେ ପଢୁଥିବା ଛାତ୍ର ମାନେ ସମବେତ ହୋଇ ଥିବା ବେଳେ ପୂର୍ବ ତନ ଛାତ୍ର ଜଗବନ୍ଧୁ ଭୋସାଗର କାର୍ଯ୍ୟକ୍ରମ କୁ ସଂଯୋଜନା କରିଥିଲେ ।

ପୂର୍ବତନ ପ୍ରଧାନଶିକ୍ଷକ ଚନ୍ଦ୍ର ଶେଖର ସାହୁ, କପିଳ ବାଗ , ତରଣି ସେନ ବୁଦ୍ଧିଆ ,ପ୍ରାଣ ଧନ ଦେବତା,ବୃନ୍ଦାବନ ସତପଥି ପ୍ରମୁଖ ଶିକ୍ଷକ ବୃନ୍ଦ ଉପସ୍ଥିତ ରହି ବିଦ୍ୟାଳୟ ର ଉତ୍ତରୋତ୍ତର ଉନ୍ନତି ପରିକଳ୍ପେ ପୁରାତନ ଛାତ୍ର ମାନେ ଆଗେଇ ଆସନ୍ତୁ ବୋଲି ଆହ୍ବାନ ଦେଇଥିଲେ ।ଏହି ଅବସର ରେ ପୁରାତନ ଛାତ୍ର ମାନେ ଗୁରୁ ମାନଙ୍କୁ ସମ୍ୱର୍ଧିତ କରିବା ସହ ସ୍କୁଲ ର ପଢା ବେଳ ର ସ୍ମୃତି ଚାରଣ କରିଥିଲେ ।ଏଥି ସହିତ ଉପସ୍ଥିତ ପୁରାତନ ଶିକ୍ଷକ ଓ ଛାତ୍ର ସ୍କୁଲ ସହିତ ସାମିଲ ହୋଇ କାର୍ଯ୍ୟ କରିବାକୁ ଦୃଢ଼ ସଂକଳ୍ପ ନେଇଥିଲେ ।