04-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ଅମ୍ଵାଭୋନା ବ୍ଳକ ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଇଚ୍ଛାପୁର ଠାରେ ଗତ ରବିବାର ଦିନ ବାର୍ଷିକ ଉତ୍ସବ ଅନୁଷ୍ଠିତ ହୋଇଥିଲା। ଉକ୍ତ ବାର୍ଷିକ ଉତ୍ସବରେ ଦ୍ଵାରୀ ଗ୍ରାମ ପଞ୍ଚାୟତର ସରପଞ୍ଚ ଜ୍ଞାନ ରଞ୍ଜନ ଭୋଇ ମୂଖ୍ୟ ଅତିଥି,ବିଶ୍ବଵାଣୀ ଦୈନିକ ଖବରକାଗଜ ର ସାମ୍ବାଦିକ ଅମ୍ଵାଭୋନା ବ୍ଳକ ପ୍ରତିନିଧି ପ୍ରକାଶ ଚନ୍ଦ୍ର ରଥ, ବିଦ୍ୟାଳୟ ର ଚେୟାରମେନ ଶ୍ରୀମତୀ ସୁକୁମାରୀ ମାଝୀ, ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀ ଲିଙ୍ଗରାଜ ଭୋଇ ଓ ଝାରପାଲୀ ଗ୍ରାମର ଶ୍ରୀ ମତି ନୀଲିମା ଭୋଇ ପ୍ରମୁଖ ମଞ୍ଚାସିନ ଥିଲେ ।ଉକ୍ତ ଉତ୍ସବରେ ସହକାରୀ ଶିକ୍ଷକ ଅନିରୁଦ୍ଧ ପ୍ରଧାନ ଉଦ୍ଦେଶ୍ୟ ଜ୍ଞାପନ କରିଥିଲେ।ନିମନ୍ତ୍ରିତ ଅତିଥି ବୃନ୍ଦ ବିଦ୍ୟାଳୟ ର ଉନ୍ନତି କରଣ ଏବଂ ଛାତ୍ର ଛାତ୍ରୀ ମାନଙ୍କର ଉଜ୍ଜ୍ବଳ ଭବିଷ୍ୟତ କାମନା କରି ଅଭିଭାଷଣ ପ୍ରଦାନ କରିଥିଲେ। ଉକ୍ତ ଉତ୍ସବରେ କୂମ୍ଭୋ ସି.ଆର.ସି.ସି.ରାମେଶ୍ଵର ଭୋଇ ମଞ୍ଚ ପରିଚାଳନା କରିଥିଲେ। ଏବଂ ବିଦ୍ୟାଳୟର ସହକାରୀ ଶିକ୍ଷକ ପ୍ରତାପ ଭୋଇ ସାଜସଜ୍ଜା ର ସମସ୍ତ ଦାୟିତ୍ବ ତୁଲାଇଥିଲେ।ଏହାପରେ ବିଦ୍ୟାଳୟର ଛାତ୍ରୀ ମାନଙ୍କ ଦ୍ଵାରା ଏକ କ୍ଷୁଦ୍ର କୋଶଳୀ ନାଟିକା,"ବାଲୁତ ବିର ଧରମା" ମଞ୍ଚସ୍ଥ କରାଯାଇଥିଲା।?