06-Jan-2025

କଣ୍ଟାବାଞ୍ଜି: ଆଞ୍ଚଳିକ ପରିବହନ କାର୍ଯ୍ୟାଳୟ, ବଲାଙ୍ଗୀରଙ୍କ ସୌଜନ୍ୟରେ ସେବା ଅନୁଷ୍ଠାନ ଟିଟିଲାଗଡ଼ ଓ ଯୁବ ରେଡ଼କ୍ରସ ୟୁନିଟ କଣ୍ଟାବାଞ୍ଜି ମହାବିଦ୍ୟାଳୟର ମିଳିତ ଆୟୋଜନରେ କଣ୍ଟାବାଞ୍ଜି ସହରରେ ସଡକ ସୁରକ୍ଷା ସପ୍ତାହ ପାଳିତ ହୋଇ ଯାଇଛି। କଣ୍ଟାବାଞ୍ଜି ଜଗନ୍ନାଥ ମନ୍ଦିରରୁ ଏକ ଶୋଭାଯାତ୍ରା ବାହାରି ଇନ୍ଦିରା ଛକ, ଦୈନିକ ବଜାର , ଥାନା ଛକ ଶାସ୍ତ୍ରୀ ଛକ ମଧ୍ୟଦେଇ ଶୋଭାଯାତ୍ରା ସହର ପରିକ୍ରମା କରିଥିଲା। ଏହି ଶୋଭାଯାତ୍ରାକୁ ଆଞ୍ଚଳିକ ପରିବହନ ଅଧିକାରୀ, ବଲାଙ୍ଗୀର ତଥା କଣ୍ଟାବାଞ୍ଜି ବୈଷୟିକ ମହାବିଦ୍ୟାଳର ଅଧ୍ୟକ୍ଷ ଡ଼. ପଦ୍ମଲୋଚନ ବର୍ମା ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ। ଆଞ୍ଚଳିକ ପରିବହନ ଅଧିକାରୀ ବଲାଙ୍ଗୀରଙ୍କ ଦ୍ଵାରା ସଡକ ସୁରକ୍ଷା ରଥକୁ ସାମିଲ କରାଯାଇ ସେଥିରେ ସଡ଼କ ସୁରକ୍ଷା ସମ୍ପର୍କିତ ବିଭିନ୍ନ ସଚେତନତା ବାର୍ତା ଭିଡ଼ିଓ ତଥା ପୋଷ୍ଟର ମାଧ୍ୟମରେ ଦିଆଯାଇଥିଲା।ଯୁବ ରେଡ଼କ୍ରସର ସ୍ବେଛାସେବୀ ମାନେ ମଧ୍ୟ ବିଭିନ୍ନ ସଡକ ସୁରକ୍ଷା ସମ୍ପର୍କିତ ସ୍ଲୋଗାନ ମାନ ପ୍ରଦାନ କରି ସହର ପରିକ୍ରମା କରିଥିଲେ।ଏହି ଶୋଭାଯାତ୍ରାରେ ଆଞ୍ଚଳିକ ପରିବହନ କାର୍ଯ୍ୟଳୟର କର୍ମଚାରୀ, କଣ୍ଟାବାଞ୍ଜି ଥାନ ଅଧିକାରୀ ଓ ଅନ୍ୟାନ୍ୟ କର୍ମଚାରୀ, ସେବା ଅନୁଷ୍ଠାନର କାର୍ଯ୍ୟକାରୀ ସମ୍ପାଦକ ତଥା ସଭ୍ୟସଭ୍ୟା ,ଯୁବ ରେଡ଼ କ୍ରସ ପରପାର୍ଶଦାତା ରୋହିତ କିଶୋର କୁମ୍ଭାର, ଶାରୀରିକ ଶିକ୍ଷା ଶିକ୍ଷକ ଧନଞ୍ଜୟ ପ୍ରଧାନ, ରାଜନୀତି ବିଜ୍ଞାନ ଅଧ୍ୟାପକ ନୀଳମ୍ବର ସାରକା ତଥା ଶତାଧିକ ଯୁବ ରେଡ଼କ୍ରସ ସ୍ବେଛାସେବୀ ଯୋଗଦେଇ ଥିଲେ। ସ୍ବେଛାସେବୀ ମୀନା ମାଝୀ, ଜ୍ଞାନବିକାଶ ଧରୁଆ, ଗୁପ୍ତେଶ୍ଵର ଜଗତ,ପ୍ରଶାନ୍ତ କୁମାର ନାଏକ, କନିଷ୍କ ବଏ, ଅନୁପମା ଦରୱାନ,ସ୍ୱୀକୃତି ମହାକୁର,ବେବି ମହାକୁର ପ୍ରଭୁତି ସ୍ବେଛାସେବୀ ସଡକ ସୁରକ୍ଷା ସଚେତନତା ସ୍ଲୋଗାନ ମାନ ପ୍ରଦାନ କରିଥିଲେ।