05-Jan-2025

ବରଗଡ:(ନିରଞ୍ଜନ ତ୍ରିପାଠୀ)-ଆଜି ବରଗଡ ଜିଲ୍ଲା ପାଇକମାଲ ବ୍ଲକ ବାଦିକଟା ପଞ୍ଚାୟତ ଅନ୍ତର୍ଗତ ଗାୟତ୍ରୀ ଉଚ୍ଚ ବିଦ୍ୟାଳୟ ସାପଲହର ୧୯୯୯ ମ୍ୟାଟ୍ରିକ ବ୍ୟାଚ ର ଏକ ବନ୍ଧୁ ମିଳନ ଉତ୍ସବ ସ୍ଥାନୀୟ ପ୍ରସିଦ୍ଧ ଶୈବପୀଠ ଦେବ ଦର୍ହl ଠାରେ ମହାସମାରୋହ ରେ ପାଳିତ ହୋଇ ଯାଇଛି l ପୁରାତନ ଛାତ୍ର ଶାନ୍ତନୁ କୁମାର ମେହେର ଙ୍କ ନେତୃତ୍ୱ ରେ ଏବଂ ଆଶିଷ କୁମାର ସାହୁଙ୍କ ପ୍ରଚେଷ୍ଟା ରେ ସର୍ବପ୍ରଥମେ ଏକ ସାଙ୍ଗଠନିକ ସଭାର ଆୟୋଜନ କରାଯାଇଥିଲା l ସଭାରେ ବିଗତ ଦିନ ର ପୁରୁଣା ସ୍ମୃତି ଗୁଡିକ ଯୋଗ ଦେଇଥିବା ସମସ୍ତ ବନ୍ଧୁ ମାନେ ଉପସ୍ଥାପନ କଲେ ଏବଂ ଏହି ବନ୍ଧୁତ୍ୱ ପରମ୍ପରା କୁ ଆଜୀବନ କିପରି ବଜାୟ ରଖିପାରିବା ସେଥିପାଇଁ ସମସ୍ତେ ମତବ୍ୟକ୍ତ କଲେ l ସମସ୍ତଙ୍କ ସାମାଜିକ କାର୍ଯ୍ୟ ରେ ମଧ୍ୟ ସବୁ ପ୍ରକାର ସହଯୋଗ ର ହାତ ବଢାଇବା ପାଇଁ ସମସ୍ତେ ସଂକଳ୍ପ ନେଲେ l ଏଥିରେ ପ୍ରାୟ ସମସ୍ତେ ସପରିବାର ଯୋଗଦାନ କରି କାର୍ଯ୍ୟକ୍ରମ କୁ ସୁଶୋଭିତ କରିଥିଲେ l ଯାହାଦ୍ୱାରା ପରବର୍ତ୍ତୀ ପିଢ଼ି ମଧ୍ୟ ଅନୁପ୍ରାଣିତ ହେବେ l ଶେଷରେ ସମସ୍ତଙ୍କ ପାଇଁ ସାମୁହିକ ଭୋଜନ ର ବ୍ୟବସ୍ଥା ହେଇଥିଲା l ଅପରାହ୍ନ ରେ ସାଂସ୍କୃତିକ କାର୍ଯ୍ୟକ୍ରମ ସହିତ ବିଭିନ୍ନ ପ୍ରତିଯୋଗିତା ଯଥା.. ମ୍ୟୁଜିକ ଚେୟାର, ନାଚ, ଗୀତ, ବକ୍ତୃତା ର ଆୟୋଜନ କରି କୃତି ପ୍ରତିଯୋଗୀ ମାନଙ୍କୁ ଟ୍ରଫି ପ୍ରଦାନ କରାଯାଇଥିଲା ଉକ୍ତ ସମସ୍ତ କାର୍ଯ୍ୟକ୍ରମରେ ସର୍ବଶ୍ରୀ ପ୍ରତାପ ପ୍ରଧାନ,ସୀତାକାନ୍ତ ପଟେଲ,ବିଦୁର ପ୍ରଧାନ,ଧର୍ମରାଜ ଧରୁଆ,କୁଞ୍ଜବିହାରୀ ପ୍ରଧାନ,ଉତ୍ତରକୁମାର ସାହୁ,କୃଷ୍ଣଚନ୍ଦ୍ର ବାରିକ,ନିର୍ମଳ କୁମ୍ଭାର,ଯୋଗେଶ୍ୱର ପ୍ରଧାନ,ଗୋବିନ୍ଦ ମର୍ହି,ଚୂଡ଼ାମଣି ସାହୁ ଏବଂ ବବିତା ସାହୁ ସହଯୋଗ କରିଥିଲେ l