05-Oct-2024

ଗଞ୍ଜାମ/ପୁରୁଷୋତ୍ତମପୁର(ଶୁଭଙ୍କର ଦାସ): ଦକ୍ଷିଣ ଓଡିଶାର ପ୍ରସିଦ୍ଧ ଶକ୍ତି ପୀଠ ମା ତାରାତାରିଣୀଙ୍କ ପୀଠରେ  ଚାଲୁଥିବା  ଏକ ଘରୋଇ  ମାଳିକାନା ସଂସ୍ଥା  ଗଞ୍ଜାମ ଅର୍ବାନ ଟ୍ରାନ୍ସପୋର୍ଟ  ସର୍ଭିସେସ ଲିମିଟେଡ଼ ( ଜି ଏ ଟି ଏସ ଏଲ ) ସଂସ୍ଥା  ଦୀର୍ଘ  ବର୍ଷ  ହେଲା  ମନ୍ଦିର ତଳୁ ପାହାଡ଼ ଉପରକୁ ଯାତ୍ରୀ ମାନଙ୍କୁଧରି  ଯିବା ଆସିବା କରୁଥିଲେ ମଧ୍ୟ ମନ୍ଦିର ଫଣ୍ଡ କୁ  ଟଙ୍କାଟିଏ ମଧ୍ୟ  ଦେଈ ନାହାନ୍ତି, ଯାହାକି ବଡ ଦୁଃଖ ଓ ପରିତାପର ବିଷୟ ଅଟେ |  

ତେବେ କଣପାଇଁ  ମନ୍ଦିର ଫଣ୍ଡକୁ ଦିଆ ଯାଉନାହିଁ, ସେହି ସଂସ୍ତାର କିଛି ମନ୍ଦ ଉଦେଶ୍ୟ ରହିଛି  କି ? ତାହାର କାରଣ ଉପରେ  ମଧ୍ୟ ମନ୍ଦିର  ପରିଚାଳନା କର୍ତ୍ତୃପକ୍ଷ, ଜିଲ୍ଲପାଳ, ଛତ୍ର ପୁର  ଉପଜିଲ୍ଲାପାଳ, ମନ୍ଦିର ସଦସ୍ୟ ପ୍ରମୋଦ କୁମାର ପଣ୍ଡା, ଓ ଅନ୍ୟମାନେ  ଦୀର୍ଘଦିନ ହେଲା ଏହାଉପରେ ଜାଣିଛନ୍ତି ନା ଜାଣିନାହାନ୍ତି  ତାହାହିଁ ସମସ୍ତଙ୍କୁ ଆଶ୍ଚଯ୍ୟ ଲାଗୁଛି, ମନ୍ଦିର ପାଇଁ ଯାତ୍ରୀଙ୍କ ଠାରୁ 

ଅର୍ଥ ନେଇ  ବସ ସେବା ଦେଉଥିବା ସଂସ୍ଥା ଯଦି ମନ୍ଦିରକୁ କିଛି ଅର୍ଥ ଦେବ ନାହିଁ ତେବେ ଏହି ସଂସ୍ଥାକୁ କାହିଁକି ଏତେ ଅନୁକମ୍ପା  ଦିଅ ଯାଉଛି ଏବଂ କଣ ପାଇଁ, କାହା ଚାପରେ ଦିଆ ଯାଉଛି ବୋଲି ଜନସାଧାରଣଙ୍କ ମନରେ  ଅନେକ ପ୍ରଶ୍ନବାଚୀ ସୃଷ୍ଟି କରିଛି l ଏହି ସଂସ୍ଥା ମନ୍ଦିରକୁ ଟଙ୍କା ଦେବ ଦେବ କହି ସମସ୍ତଙ୍କୁ ଠକି ଆସୁଛି |  ତେବେ ଏହାଉପରେ ମନ୍ଦିର ପରିଚାଳନା ସଭାପତି ଥିବା ଜିଲ୍ଲପାଳ ମହୋଦୟ ମଧ୍ୟ କାହିଁକି ସଂସ୍ଥାକୁ ତାଗିଦ କରୁ ନାହାନ୍ତି କିମ୍ବା ଏହା ଉପରେ ସେହି ସଂସ୍ଥାର ଅଧିକାରୀଙ୍କୁ ମନ୍ଦିର ଉନ୍ନତି ପାଇଁ ଅର୍ଥ ଦେବାକୁ  କାହିଁକି କହୁ ନାହାନ୍ତି ବୋଲି  ସବୁସ୍ଥାନରେ  ଲୋକମାନେ ଚର୍ଚ୍ଚା କରୁଛନ୍ତି | ମାନ୍ୟବର ଗଞ୍ଜାମ ଜିଲ୍ଲାର  ପାରିବହନ ମନ୍ତ୍ରୀ ହୋଈଥିବା ବିଭୁତି ଭୂଷଣ ଜେନା ମହୋଦୟ ଏହି ଘଟଣାରେ  ଗୁରୁତ୍ୱ ଦେଇ ଏହି ବସ ସେବା ସଂସ୍ଥାକୁ ବନ୍ଦ କରି ବର୍ତମାନ  ରାଜ୍ୟ ସରକାରଙ୍କ ଚାଲୁଥିବା ମୁଖ୍ୟମନ୍ତ୍ରୀ ବସ ସେବାରୁ ଯଦି କିଛି ବସ ଆଣି ମନ୍ଦିର ତଳୁ  ପାହାଡ଼ ଉପରକୁ ଯିବା ସେବାରେ ନିୟୋଜିତ କରିପାରିଥାନ୍ତେ

ତେବେ କ୍ଷତିରେ ଚାଲୁଥିବା ବସ  ଉପକୃତ ହୋଈ ପାରିବା ସହ  ସେହି ବସ ର କର୍ମଚାରୀ ମାନେ ଉପକୃତ ହେବା ସହ  ମନ୍ଦିର ଫଣ୍ଡ କୁ ମଧ୍ୟ  କିଛି ଅର୍ଥ ଆସିପାରିବ | ତେଣୁ ମାନ୍ୟବର ପରିବହନ ମନ୍ତ୍ରୀ ଏହା ଉପରେ ଟିକେ ଦୃଷ୍ଟି ଦେଇ  ଏହି ପୀଠର  ବସ ସେବାକୁ ସଫଳ କରିପାରିଲେ ମନ୍ତ୍ରୀ ମହୋଦୟ ମାଙ୍କ  ଆଶିଷ ଲାଭ କରିପାରିବା ସହିତ ମାଆ ତାରାତାରିଣୀ ଙ୍କ ବହୁବିଧ  ଉର୍ନ୍ନତି  ହୋଈ ପାରିବ  |