30-Sep-2024

କନ୍ଧମାଳ/ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ) ରାଜ୍ୟ ସରକାର ଏକ ବଡ଼ ଧରଣର IPS ସ୍ତରରେ ଅଦଳ ବଦଳ କରିଛଛନ୍ତି |  ଭରତ ପୁର ଥାନାରେ  ସେନା ବିଭାଗ କର୍ମଚାରୀ ଦମ୍ପତି ଙ୍କ ଉପରେ  ଅନ୍ୟାୟ ଅତ୍ୟାଚାର କରାଯାଇ ଥିବା ଯୋଗୁଁ ସରକାର ତଥା ଗୃହ ବିଭାଗ ରେ ଥିବା ମୁଖ୍ୟମନ୍ତ୍ରୀ ଶ୍ରୀ ମୋହନ ମାଝୀଙ୍କୁ ପ୍ରତକ୍ଷ୍ୟ ଭାବେ ନିନ୍ଦିତ ହୋଇଥିଲେ ଓ ଯାହା ଫଳରେ ତାଙ୍କୁ ସମାଲୋଚନାର ଶିକାର ହେବାକୁ ପଡିଥିଲା ତେଣୁ ସରକାର ଆଇନ ଶୃଙ୍ଖଳା ପରିସ୍ଥିତିକୁ ସଜାଡ଼ିବାପାଇଁ ବର୍ତମାନ ରାଜ୍ୟରେ  ବରିଷ୍ଠ ପୋଲିସ ବିଭାଗରେ ଅଦଳ ବଦଳ କରିଥିବା ଜଣା ପଡିଛି , ରାଜ୍ୟର 30 ଗୋଟି ଜିଲ୍ଲାରେ ବଦଳି ହୋଇଥିବା ଏସପି ଯଥା :- ଭିଜିଲାନ୍ସ – ଅନୁପମା ଜେମ୍ସ
ଭିଜିଲାନ୍ସ – ରାହୁଲ ପିଆର
ଭିଜିଲାନ୍ସ – ଏଲ୍ ଦିବ୍ୟା
ରାଉରକେଲା – ନିତେଶ ୱାଧୱାନୀ
ବାଲେଶ୍ବର – ରାଜ ପ୍ରସାଦ
ବୌଦ୍ଧ – ନାଗରାଜ ଦେବରକୋଣ୍ଡା
ଗଞ୍ଜାମ – ଶୁଭେନ୍ଦୁ ପାତ୍ର
ଢେଙ୍କାନାଳ - ଅଭିନବ ସୋନକାର
କୋରାପୁଟ – ରୋହିତ ବର୍ମା
ଯାଜପୁର – ଯଶପ୍ରତାପ ଶ୍ରୀମଲ
କନ୍ଧମାଳ – ହରିଶ ବିଶି
ଭଦ୍ରକ – ମଡକର ସନ୍ଦୀପ ସମ୍ପଦ
ଅନୁଗୁଳ - ରାହୁଲ ଜୈନ
ବ୍ରହ୍ମପୁର – ସରବଣା ବିବେକ
ପୁରୀ - ବିନୀତ ଅଗୱାଲ
ମୟୂରଭଞ୍ଜ – ବରୁଣ ଗୁଣ୍ଟୁପାଲ୍ଲୀ
ସୋନପୁର – ରାମପ୍ରସାଦ ସାହୁ
ଖୋର୍ଦ୍ଧା – ସାଗରିକା ନାଥ
ଜଗତସିଂହପୁର – ଭବାନୀ ଶଙ୍କର ଉଦ୍‌ଗାତା, ରାୟଗଡ଼ା – ସ୍ୱାତୀ ଏସ୍ କୁମାର, ନବରଙ୍ଗପୁର – ମିହିର ପଣ୍ଡା, ନୟାଗଡ - ଏସ୍ ସୁଶ୍ରୀ
ଗଜପତି - ଯତୀନ୍ଦ୍ର ପଣ୍ଡା ଙ୍କୁ ନିଯୁକ୍ତି ଦିଆଯାଇଥିବା ସାଧାରଣ ପ୍ରଶାସନ ବିଭାଗ ସୂଚନା ପ୍ରଦାନ କରିଛି | କନ୍ଧମାଳ ଜିଲ୍ଲାରେ

ଏସପି ଶୁଭେନ୍ଦୁ ପାତ୍ର ଙ୍କ ସମୟରେ ଉତ୍ୟକ୍ତ ଲୋକଙ୍କ ଫିରିଙ୍ଗିଆ ଥାନା  ପୋଡି ଘଟଣା, ଜଣେ ବରିଷ୍ଠ ପୋଲିସ ଅଧିକାରୀ ଙ୍କୁ ସର୍ବସାଧାରଣ ରେ ଗୋଡେଇ ଗୋଡେଇ ତଳେ ପକେଇ ମାଡ଼ ମାରିବା, ପୋଲିସ ଅଧିକାରୀ ମାନେ ଗଂଜେଇ ମାଫିଆମାନଙ୍କ ସହିତ ହାତ ମିଳେଇ ଖୁଲମ ଖୁଲା ଗଂଜେଇ ବେପାର କରିବା, ପୋଲିସ ଜବତ କରିଥିବା ଗଂଜେଇ କୁ ପୋଲିସ ଗାଡ଼ିରେ ନେଇ ବିକ୍ରିକରିବା ଭଳି ଅନେକ ଘଟଣା ଘଟିଯାଇଥିବା ବେଳେ ଏଭଳି ଅସାମାଜିକ କାର୍ଯ୍ୟରେ ଥାନା ଅଧିକାରୀ ମାନଙ୍କ ଆଦେଶକୁ ଅଵଜ୍ଞା କରୁଥିବା ତଳିଆ କର୍ମଚାରୀ ହୋମଗାର୍ଡ, କନେଷ୍ଟ ବଳ ମାନଙ୍କୁ ଉପରେ ଶାରୀରିକ, ମାନସିକ ଦଣ୍ଡ ସ୍ୱରୂପ ସେମାନଙ୍କୁ ଥାନାରୁ ହେଡ଼ କ୍ଵାଟର କୁ ବଦଳି କରିବା ଭଳି କେତେ ଘଟଣା ଘଟିଯାଇଛି | ବିଶେଷତ କନ୍ଧମାଳ ଜିଲ୍ଲାରେ ଜଣେ ଏସପି ଦାୟିତ୍ୱରେ ରହି କାର୍ଯ୍ୟ କରୁଥିବା ଭଳି  ଜଣା ହିଁ ପଡୁନ ଥିଲା, କହିବାକୁ ଗଲେ କନ୍ଧମାଳ ଜିଲ୍ଲାରେ ଆଇନ ଶୃଙ୍ଖଳା ସମ୍ପୂର୍ଣ୍ଣ ଢିଲା ହୋଇଯାଇଥିଲା କହିଲେ ଅତ୍ୟୁକ୍ତି ହେବନାହିଁ, ଯାହାଫଳରେ ନିରୀହ ଜନସାଧାରଣ ଥାନାରୁ କିମ୍ବା ପୋଲିସ ବିଭାଗରୁ ନ୍ୟାୟ ପାଇବାରୁ ବଞ୍ଚିତ ହେବାକୁ ପଡିଥବାର ଦେଖିବାକୁ ମିଳିଥିଲା | ବର୍ତ୍ତମାନ ରାଜ୍ୟ ସରକାର ଙ୍କ ଜିଲାପାଳ ଓ ଏସପି ମାନଙ୍କ ସନ୍ମିଳନୀ ପରେ ଏପରି ଅଦଳ ବଦଳ  ପରେ ପୋଲିସ ଅଧିକାରୀ ମାନେ କେତେ ସକ୍ରିୟ ରହି କାର୍ଯ୍ୟ କରୁଛି ତାହା ଆଗାମୀ ଦିନରେ ଜଣାପଡିବ |