15-Sep-2024

କନ୍ଧମାଳ/ଘୁ ଉଦୟଗିରି(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ) କନ୍ଧମାଳ ଜିଲ୍ଲା ଦକ୍ଷିଣାଞ୍ଚଳ ସୀମାନ୍ତବର୍ତ୍ତୀ ଘୁ.ଉଦୟଗିରି ବ୍ଳକ କଳିଙ୍ଗିଆ ଗ୍ରାମପଞ୍ଚାୟତର ଏକ ନମ୍ବର ୱାର୍ଡ ରିଟୁଡ଼ିରେ ପୁଣି ହାତୀପଲ ଉପଦ୍ରବ ଦେଖିବାକୁ
ମିଳୁଛି l କିଛି ମାସ ତଳର ବ୍ୟବଧାନ ପରେ ପୁଣି ହାତୀପଲ ଜଙ୍ଗଲର ସୁବିଧା ନେଇ କଳିଙ୍ଗିଆ ଅଞ୍ଚଳକୁ ଫେରି ଥୂବା ଦେଖିବାକୁ ମିଳିଛି । ଗତକାଲି ବିଳମ୍ବିତ ରାତ୍ରିରେ ପାଖାପାଖୂ ୧୦ ରୁ ଉଦ୍ଧ ହାତୀପଲ ରେଟୁଡ଼ି ଗ୍ରାମରେ ପଶି ଧାନ ଫସଲ ଦଳାଚକଟା କରି ନଷ୍ଟ କରିଥିବା କ୍ଷତିଗ୍ରସ୍ତ ଚାଷୀମାନେ ଅଭିଯୋଗ କରିଛନ୍ତି I ଏହି ହାତୀପଲ ରାତ୍ରୀ ପାଖାପାଖୂ ୧୧ ଘଣ୍ଟା ସମୟରୁ ସକାଳ ୫ ଟା ପର୍ଯ୍ୟନ୍ତ ଉପଦ୍ରବ କରିବା ସହ ନିମିର ପ୍ରଧାନଙ୍କ ମିଲ ଘର ମଧ୍ୟ ଭାଙ୍ଗି ଥୂବା କହିଛନ୍ତି ଗ୍ରାମବାସୀ। କିଛି ମାସ ପୂର୍ବେ ହାତୀପଲ ଏହି ଅଞ୍ଚଳ ଓ ଘୁ.ଉଦୟଗିରି ବ୍ଲକ ଅଞ୍ଚଳରେ ଦୀର୍ଘଦିନ ଧରି ଉପଦ୍ରବ କରିବା ସହ ଘର ଭାଙ୍ଗି ଥୂଲା । ଯାହା ପାଇଁ ଅଂଚଳବାସୀ ଭୟଭୀତ ହେବା ସହ ନିଜର ଭିତମାଟି ଛାଡ଼ି ଅନ୍ୟତ୍ର ମଧ୍ଯ ଚାଲି ଯାଇ ଥିଲେ। ଗତକାଲି ହାତୀପଲର ଉପଦ୍ରବରେ ଅଞ୍ଚଳବାସୀ ଭୟଭୀତ ଥୂବା କହିଛନ୍ତି । ତେଣୁ ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ଦାବୀ କରିଛନ୍ତି । ହାତୀପଲ ଆସିଲେ ନିରୀହ ଚାଷୀମାନଙ୍କ ଧାନ କ୍ଷେତରେ ପଶି ଦଳାଚକଟା କରି ଫସଲ ନଷ୍ଟ କଲେ ଏବଂ କ୍ଷତି ସହିଲେ ଚାଷୀଭାଇ ମାନେ, ହେଲେ ଏଭଳି ଘଟଣା ପାଇଁ କିଏ ଦାୟୀ, ହାତୀପଲ ନା ଘୁ ଉଦୟଗିରି ବନବିଭାଗ ? ନା ନିରୀହ ଚାଷୀ ? ଘଟଣାରୁ ଅନୁମାନ କରାଯାଇ ପାରୁଛି ଯେ ବର୍ତ୍ତମାନ ଚାଷବାସ ବା ବିଭିନ୍ନ ପ୍ରକାର ଫସଲ କ୍ଷେତରେ ଲହଡା ମାରୁଥିଲେ ମଧ୍ୟ୍ୟ ବନ୍ୟ ଯାନ୍ତୁଙ୍କ ଦାଉରୁ ଜଙ୍ଗଲ ନିକଟବର୍ତ୍ତୀ ଥିବା ଚାଷ ଜମିଗୁଡିକର ସୁରକ୍ଷା ପ୍ରତି ବନ ବିଭାଗ କୌଣସି ପ୍ରକାର ଆଖିଦୃଶିଆ ପଦକ୍ଷେପ ଗ୍ରହଣ କରିନ ଥିବାରୁ ବେଳେ ବେଳେ ବନ୍ୟ ପ୍ରାଣୀ ବାରହା, ମାଙ୍କଡ଼, ହାତୀ ଭଳି ପ୍ରାଣୀ ମାନଙ୍କ ଦ୍ୱାରା ଗରିବ ଚାଷୀ ମାନଙ୍କର ଧନଜୀବନ ଉପରେ କ୍ଷତି ପହଞ୍ଚାଉଛି, ତେଣୁ ବନ୍ୟ ପ୍ରାଣୀ ମାନଙ୍କ ଦାଉରୁ ଚାଷୀ ହେଉ କି ସାଧାରଣ ଜନତା ହେଉ ସେମାନଙ୍କର ଧନଜୀବନର ସୁରକ୍ଷା ଦାୟିତ୍ୱ ବନବିଭାଗର ରହିବା ଜରୁରୀ ଆବଶ୍ୟକ ହୋଇଥିବା ବେଳେ ଆଜି ପର୍ଯ୍ୟନ୍ତ ଏଭଳି ଘଟଣାକୁ ଏଡାଇବା ପାଇଁ କୌଣସି ଆଖିଦୃଶିଆ ପଦକ୍ଷେପ ଗ୍ରହଣ କରି ନ ଥିବା ଜନସାଧାରଣ ଅଭିଯୋଗ ଆସୁଛି l  ତେଣୁ ଆଗକୁ ବନ୍ୟପ୍ରାଣୀଙ୍କ ଦାଉରୁ ଫସଲର ସୁରକ୍ଷା ସହିତ ସାଧାରଣ ଲୋକଙ୍କ ଧନଜୀବନ ରକ୍ଷା କରିବା ପାଇଁ ବନ ବିଭାଗ ଦୃଷ୍ଟିଦେବା ପାଇଁ ଜନସାଧାରଣରେ ଦାବୀ ହେଉଛି |