10-Sep-2024

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ସହର ଶାନ୍ତ ସହର।ଏବେ ଅପରାଧୀ ଙ୍କ ଆଡ୍ଡାସ୍ଥଳୀ।କିଛି ବର୍ଷ ହେବ ଶାନ୍ତ ବଲାଙ୍ଗୀର ସହର କ୍ରାଇମ୍ ସହର ଭାବେ ପରିଗଣିତ।ଗତ ସୋମବାର ରାତି ପ୍ରାୟ ୮:୩୦ ମିନିଟ ସମୟରେ ୱାର୍ଡ ନମ୍ବର ୧୭,ମାଲଗୋଦାମ ପଡ଼ାରେ ଏକ ଲୋମହର୍ଷଣକାରୀ ଘଟଣା ଘଟିଯାଇଛି।ଏହି ଦିନ ନୂଆଁଖାଇ ବାସି ସାରା ବଲାଙ୍ଗୀର ସହରରେ ପାଳନ କରୁଥିବା ବେଳେ ସହର ଉପକଣ୍ଠ ୱାର୍ଡ ନମ୍ବର ୧୭ ମାଳଗୋଦାମ ପଡା ଠାରେ ନିର୍ମମ ଭାବରେ ଜଣେ ୨୦ ବର୍ଷୀୟ ଯୁବକ କୁ ହତ୍ୟା କରାଯାଇଥିବା ସ୍ଥାନୀୟ ଲୋକଙ୍କ ଠାରୁ ପ୍ରକାଶ।ସ୍ଥାନୀୟ ଲୋକଙ୍କ କହିବା ଅନୁଯାୟୀ ପୂର୍ବ ଶତ୍ରୁତା କୁ କେନ୍ଦ୍ର କରି ବିଜେଡି ନେତା ଦ୍ରୋଣ କୁମ୍ଭାର,ତାଙ୍କ ସ୍ତ୍ରୀ ବବି,ଦୁଇ ପୁତ୍ର ବଣ୍ଟି ଏବଂ ଚିଣ୍ଟୁ ସଂଘବଦ୍ଧ ଭାବେ ମାରଣାସ୍ତ୍ର ଟାଙ୍ଗୀ,ଭୁଜାଲି,ପନିକି,ଖଣ୍ଡା ଧରି ୨୦ ବର୍ଷୀୟ ଯୁବକ ନିରୋଜ୍ ଉପରକୁ ଅତର୍କିତ ଭାବେ ଆକ୍ରମଣ କରିଥିଲେ।ଘଟଣାସ୍ଥଳ ରେ ନିରୋଜ ଙ୍କ ମୃତ୍ୟୁ ହୋଇଯାଇଥିବା ବେଳେ ତାଙ୍କ ସହଯୋଗୀ ୨୨ ବର୍ଷୀୟ ମୁକେଶ  ହରପାଲ ଏବଂ ୨୦ ବର୍ଷୀୟ ଦେବା ହରପାଲ ଗୁରୁତର ଆହତ ହୋଇ ବୁର୍ଲା ମେଡିକାଲ କୁ ସ୍ଥାନାନ୍ତର ହୋଇଥିଲେ। ମୃତ ନୀରୋଜ ର ଶବ ବ୍ୟବଚ୍ଛେଦ କରାଯାଇ ପରିବାର ଲୋକଙ୍କୁ ହସ୍ତାନ୍ତର କଲାପରେ ଅଞ୍ଚଳରେ ଶୋକାକୁଳ ପରିବେଶ ଦେଖା ଦେଇଥିଲା।ପୋଲିସ ଦ୍ରୋଣ ର ସ୍ତ୍ରୀ ଏବଂ ପୁତ୍ର ଙ୍କୁ ଗିରଫ କରିଥିବା ବେଳେ ଦ୍ରୋଣ କୁମ୍ଭାର ଫେରାର ଅଛି।ଆଉ କୌଣସି ଅଘଟଣ ନ ଘଟିବ ବୋଲି ପୋଲିସ ଘଟଣାସ୍ଥଳ ରେ ମୁତୟନ ଅଛି।ବଲାଙ୍ଗୀର ଟାଉନ ପୋଲିସ ଘଟଣାର ତଦନ୍ତ କରୁଛି।